بالتوفيق للكل
للبحث في شبكة لكِ النسائية:
|
بالتوفيق للكل
لوجي انا ملك بردو راحت لفن بلانت و روحت معاها و السير بتروح معاهم اكيد السير عندكم بتروح معاكم متخفيش انا شفت بنفسي كل مدرسة مسئولة عن عدد معين من البنات طبعا انت عارفة انا بنتي في المدرسة الي جمبوكم نوتردام ديزابوتر
[ ]انا كمان الولد بيجري بفظاعة في المدرسة هو كان مخلص الحروف عربي وانجليزي كلها من الترم الاول والماس المفروض الترم التاني يخلصوا لغاية50وابتدوا يدوهم كلمات بسيطة من 3 حروف لكن اللي مزعلني اني حاسة انهم بيدوا كم وسايبين الشغل عالبيت اودي انتي ابنك في مدرسة اية
ازيكو يا امهات .... عاملين ايه فى الترم التانى ؟؟؟؟؟؟ ربنا معاكو
ام ملك ولوجي ... وكل الامهات .... كل سنة وانتو طيبين
لوجى ... انا عارفة ان بنتك فى رمسيس كوليدج ... كنت عايزة اعرف سن القبول ... علشان فى حضانة بنتى قالولى استحالة ياخدو زوزى علشان مابيخدوش اقل من 4و8 شهور وهى ان شاء الله هتكون 4و5 شهر ؟؟؟؟؟؟؟؟؟؟؟؟؟؟
اخبارك ايه ، بصى يا ستى كل سنة ليها ظروفها فى موضوع السن ده بس انتى لازم تقدمى ولازم تستعدى كويس انتى والبنت للانتر فيو ، وكمان لااااااااااااااازم تشوفى واسطة كويسة تساعدك علشان تضمنى اكتر وعلشان البنت مش تستنى للسنة الجاية وتبقى اكبر وساعتها بقى ح يرفضوها علشان السن الكبير ، انصحك انك لازم بنتك تقبل السنة دى ان شاء الله فى اى مدرسة لو مش نفع رمسيس وابقى حاطة فى دماغك انك لازم تحولى لها بعد كده المه السنة مش تضيع عليها اوعى تضيعى السنة على البنت علشان مستنية مدرسة معينة مهما كانت عجباجى المهم البنت تقبل فى مدرسة كويسة وخلاص وبعد كده ممكن تحولى لها والتحويل سهل بيعملوا امتحان للبنت فى الانجليش بتاع المدرسة مع انتر فيو للام ةالبنت وربنا يوفقك يارب ،
انتى ساكنة فين ،لو قريبة منى انا فى غمرة ، ممكن تقدمى فى سانت فاطيما ، سان جوزيف ، نوتردام ، نيو رمسيس ، كل دول حوالينا وممتازين وكلية رمسيس بتقبل تحويلات منهم عادى جدا
سلميلى على زوزو كتير
لوجى .......... شكرا على ردك ...انتى ساكنة قريب منى جدااااا........انا فى حدائق القبة
انا علشان موضوع الانترفيو رجعتها الحضانة تانى بس دخلتها المرة دى حضانة هامتى دامتى علشان بيقولوا الاكاديمي بتاعها كويس
والواسطة ..ادينى بدور على واسطة كويسة
والمدارس اللى كنت ناوية عليها كانت راهبات الارمن وسان جوزيف وسانت كلير علشان عرفت ان دول احسن مدارس فى مصر الجديدة وكمان نوتردام بس فى ناس بتقول اللى فى مصر الجديدة احسن من العباسية ...ودول قالوا نفس مشكلة السن بس انا ان شاء الله هقدم برده فيهم .... بس انتى تفتكرى ممكن يقبلوها فى السن ده ؟؟؟؟؟بس انا خايفة بعد ماأقدم فيهم تترفض واحتاس انا ودلوقتى بدور على حاجة كويسة تانية
وسانت فاطيما العباسية بعد ماكنت ناوية عليها سمعت ان الانجليزى بتاعها وحش
بس اكتر مدرسة نفسي ان شاء الله زوزى تدخلها هى رمسيس كوليدج علشان سمعتها الحلوة وكمان اقربهم ليا .... وانا مش حابة تتبهدل فى الباص كفاية بتجيلى يوميا من الحضانة نايمة فى الباص
بس معلش لوجى احكيلى عن الانترفيو بتاع البنت والاهل كان عامل ازاى .....ارغى ولا يهمك
وسلميلى على بنوتك
بصى يا ستى بالنسبة للانترفيو فى مدرسة كلية رمسيس فى فصل تام بينك وبين البنت يعنى انتى الاول بتاخدى ورقة تمليها بالنجليش فيها كل حاجة عنك وعن باباها ، مؤهلاتكم وعنونكم وشغلكم وكل حاجة ، وده بيكون فى مكان تانى غير اللى البنت بتكون فيه لانها فى نفس الوقت بتكون هى كمان فى الانتر فيو بتاعها ، وهما بيسالوها فى الالوان والحيوانات بالنجليش وبيجيبوا بازل يطلبوا منها تركبه او مكعبات ملونة وترتبها هى وكمان ممكن صور توصلها يعنى مثلا توصل الفيل بالزلومة بتاعته مثلا او القرد بالذيل وهكذا بس على قد ما تقدرى تعلميها الحاجات دى انجليش وكمان لازم تعرفيها الاوامر اللى ممكن تسمعها بالانجليش زى مثلا اجلسى ةصباح الخير وباى ولونى واكتبى وارسمى وكل ده بالانجليش طبعا ، وبعد ما انتى تخلصى الورقة وتمليها بتروحى للبنت ، وتبدا الانترفيو بتاعتك انتى وتسالك عن البنت وهواياتها وبتحب ايه وبتكره ايه وهل ليها اخوات والا لاء وبتعاقبيها ازاى بة غلطت ، وراحت مدرسة تانية والا لاء ، وايه عيوبها ومميزاتها وممكن تسالك عن نفسك انتى شوية بتشتغلى والا لاء ، وبتشتغلى ايه ، اهم حاجة انك تركزى معاها كويس وكانك فى انترفيو شغل فاهمانى ، اهم حاجة تخللى بنتك هاديو قدامهم لانهم مش بيحبوا الشقاوة ،وتبقى لذيذة معاهم وصوتها هادى ، بالنسبة لسانت فاطيما دى القبول فيها شهل وميزتها انها بتاخد سن صغير وانا انصحك تقدمى فيها مع باقى المدارس مش ح تخسرى حاجة حتى لو مش قبلت فى الحاجات التانية ح تقبل فيها واعتبريها مرحلة انتقالية وبعدين انقليها ، وممكن توديها فرع مصر الجديدة فيه قسم انترناشيونال ، اما سان جوزيف فطبعا السن صعب جدا السنة اللى فاتت اخدوا سنة وشهر ، لكن رمسيس اخدت سنة وسبع شهور وممكن تستنى فى الويتنج ليست يعنى فيها امل وممكن حد يقبل ويعتذر ومش يدفع المصاريف وتدخلى بداله وممكن السنة دى ينزلوا بالسن ربنا يسهل لكن سان جوزيف صعب قوى ينزلوا بالسن ، اخر نصيحة انصحها لك وااكد عليها انك مش تضيعى السنة على البنت المهم تقبل فى اى مدرسة وبعدين حولى براحتك
ياريت اكون قلت لك كل اللى انتى عايزاه واى حاجة تانية انا تحت امرك وربنا يحميهم ويحفظهم كلهم يااااااااااااااااارب
الروابط المفضلة