كتبت بواسطة حبيبتى زينة

شكرا ليكى يا لوجو جدااااااااااااا انك اهتميتى بردى
زوزى والحمد لله تعرف الالوان والارقام وبعض الحيوانات والاشكال بالانجلش .. بس انا اقلق انها لما تقعد لوحدها مع حد تخاف تتكلم لأنها البكرية وبتتكسف جداا

ربنا يستر انا موضوع المدارس عاملي قلق جامدددددددددددددددد

خصوصا ان باباها بيحاول يقنعنى بمدرسة القديس يوسف اللى فى مصر الجديدة علشان قريبة وانا بحاول ادور على مدرسة اسلامى لغات فى رمسيس او مصر الجديدة ...... وادينى بدور فى المنتديات

وتانى مرة شكراا جداااااااااا

بصى انا قدمت فى مدرسة القديس يوسف اللى فى العباسية بس السنة اللى فاتت اخدت سن كبير قوى ، خمس سنين وشهر ، وسمعت انها فعلا مدرسة راهبات ممتازة ، اما بالنسبة للمدارس الاسلامية اللغات بصراحة انا كان نفسى اقدم للوجى فيها لانها بتضمن حاجتين اللغة والقران بس للاسف مش فى حاجة كويسة قريبة من عندى ، حاولى فى اكتر من مدرسة سواء لغات او اسلامية وربنا يسهل ودايما مهدى للبنت وعرفيها اللى ح يحصل فى الانترفيو واطلبى منها انها مش تتكسف واعملى معاها بروفه وصلحى لها اخطاءها ومش تحسسيها انها رايحة امتحان او حاجة مهمه وفهميها انها حاجة عادية وان طنط ح تسالها اساله تعرف بيها انها بنوته شطورة ، وفى التقديم ابداى الاول بمدرسة انتى مش نفسك فيها يعنى اعتبريها تجربة علشان البنت تتعود وتدوب الكسوف فى اول تجربة وبعد كده هى نفسها ح تلاقى الموضوع سهل وكانها لعبة ، وبلاش تتكلمى قدامها عن الانترفيو والامتحان والحاجات دى علشان مش تدى الموضوع اكتر من حجمه جواها وتخليها تخاف ، وربنا معاكى يارب

كل فصل دراسي و انتم بخير

النهاردة اول يوم دراسة عند ملك

انتم فين يا ماميهات كل لما بادخل مش بلاقى جديد ، رحتم فين وعاملين ايه فى التيرم التانى ؟ ساريت نرجع نتابع مع بعض تانى

الموضوع رائع وانا ابنى لسة بادوب سنتين وهتفيدونى كتيير

ماشي ابدا انا تانى
ملك دلوقتى وصلت في العربي لحد حرف الشين ( ش )
والارقام لحد 5 لسه مخدوش جديد التيرم التانى
- الانجلش واصلين لحرف k وزمانهم اخدوا النهارده اهو حرف ال L
والماث واخدين برده لحد 5
+ حاجات اورال بقى بياخدوها زى فصول السنه وشهور السنه والايام بالانجلش
مش فاكره حقيقي اخدوا ايه تانى دلوقتى

ازيك يا لوجو وازيكوا كلكم انا عندي ابتدوا ياخدوا في الماس بعد30 علشان المفروض يوصلوا لغاية50 الترم التاني وابتدوا يعملوا مراجعة علي الحروف عربي وانجليزي مع بداية كتابة اسمهم كلمات بسيطة من 3 حروف

يا تري في حد يعرف اي معلومة عن النيل جاردن للغات يفدني

* اوجي روحي الموضوع ده واسألي هناك هتلاقي اجابات ان شاء الله

http://www.lakii.com/vb/showthread.php?t=636559&page=9

ازيوكو كلكم وحشتوني جدا

ده الي حصل من بدايه الترم الثاني:

المدرسه المصريه الدوليه للغات

*** *** *** *** *** *** *** *** *** *** *** *** *** ***
كجي 1 الاسبوع الثالث من الترم الثاني بدايه الترم 20/12/2010 الى 9/3/2010

*** *** *** *** *** *** *** *** *** *** *** *** *** ***
* القران:
بيرجعوا على الترم الاول وخلصوا وادوه سوره القدر

* عربي: اخذوا الحروف كلها في الترم الاول

مراجعه عن ماتم اخذه في الترم الاول الحروف كلها بس لايوجد عبء في الكتابه بس بجد بعد ماحفظها هو بيكتبها لوحده وبطريقه صحيحه.ياخد في المره حرفين وكل حرف بكلمتين ويكتب 6 مرات

* انجلش: اخذوا الحروف كلها في الترم الاول

الى الان مراجعه عن ماتم اخذه في الترم الاول الحروف كلها وفيه اهتمام بابني لاني اشتكيت اكتر من مره وبيخلوه يعمل جزء من الهوم ورك الانجلش في المدرسه. وبدأ يردد جمل صغيره وكلمات.

المراجعه عباره عن ...
3 حروف انجلش يوم اه ويوم لا (يخدوا مراجعه عربي + ماث) يكتبوه مرتين مع صوره مع شكل الكلمه ثم كتابه 36 مره للثلاث حروف مجمعه . ثم صفحه توصيل ال3 حروف بثلاث صور.

اليوم الذي ليس به مرجعه انجلش يكون فيه مراجعه عربي وماث

* ماس: من 1: 10 في الترم الاول

الانجلش ... ممتاز مراجعه الارقام وكتابتها حوالي 12 مره
الارقام العربي من 1 : 10 لسه مرجعوش عليها

* رحلات:

يوم الاربعاء ان شاء الله رحله الى Fun Planet في اركيديا مول.

* احتفالات:

مولد النبي شرحلهم وعملولهم مجسمات عن معجزات مولد الرسول وجال بيقولي صلى الله على محمد صلى الله عليه وسلم بنغمه كده وقالي انا رحت المدينه قلتله عملت ايه في المدينه قالي لعبت
وادولو مدليه عليها اسم الرسول

*** *** *** *** *** *** *** *** *** *** *** *** *** ***
2- الاغاني والترديد -عربي و انجلش

اخذوا 3 اغاني وبدأ يحفظهم ونزلتهم من على النت عشان يحفظهم اسرع وعملين عليهم حركات عشان يفهموا الاغنيه من غير ولا كلمه عربي

1- Wheels On the Bus:

*** *** *** *** *** ***


http://www.youtube.com/watch?v=gEtuX...eature=related

http://www.youtube.com/watch?v=4KcWI...eature=related



2- The Hokey Poky:
*** *** *** *** ***


http://www.youtube.com/watch?v=UDmCSvqhhoI

http://www.youtube.com/watch?v=_jW3L1dyEfY



3- Head & Shoulders:
*** *** *** *** ***


http://www.youtube.com/watch?v=gFuZ6...eature=related

http://www.youtube.com/watch?v=QKync...eature=related