كل سنة وانتم جميعا بخير وسلامة ويارب يكون عيد مبارك عليكم

اودي هي المدرسة بتجري بسرعة عندكم كدة ليييييه
احنا في حرف ال j J والعربي ال ج والماث لحد 3

أنا ولادي رجعوا أسبوع وطبعا حايقعدوا تاني من النهاردة علشان أجازة العيد
أخذوا أغنية بالإنجليزي بتحفظهم بيها أيام الأسبوع:
There r 7 days in the week
There r 7 days in the week
Sunday Monday Tuesday
Wednesday
Thursday
friday
And Saturday
And Saturday

ووصلوا فى العربي لحد حرف ح مع 3 كلمات لكل حرف
وفي الإنجليزي لحد حرف E capital and small وبرضه 3 أو 4 كلمات
وفي الحساب لرقم 4 فى العربي والإنجليزي
وأخذوا أركان الإسلام:الصلاه والحج

وعندهم evaluation من يوم 12 ديسمبر.

بس هي دى آخر الأخبار،أخباركم أيه يا بنات؟؟؟

كل عيد وأنتم طيبين

السلام عليكم انتو فين محدش بقى يدخل يتابع ليه هو اه انا مبقتش اودي ابني بس ياريت نستمر عشان كلنا نستفيد

ازيك اودي ...
المصرية للغات وصلنا لحرف ال ح في العربي والانجليش لغاية حرف ال M والماث لغاية 3

السلام عليكم
كل سنه و انتو طيبين و يا رب يحمي ولادنا و يحفظهم
عايزه اعرف اذا كنتو بتودوا الولاد المدرسه و لا لا انا مش باوديه من قبل العيد
و علي فكره هو بياخد ساينس و كمبيوتر و كمان لغه تانيه الماني مدرسه اخناتون

لا يا حبيبتي انا بطلت اودي ابني المدرسه زيك كده بردو قبل العيد وبعد العيد كنت عايزه انزله لان الكثافه في الفصل بقت 5 او 6 ولكن زوجي رفض وكمان الدكتور بتاع ابني رفض وقال نزلوه بعد شهر 1 لان الخوف دلوقت الفيرس يتحور انت
لو كده ممكن وديه يوم في الاسبوع لقيتي الحال ماشي وديه يومين وهكذا يجيب الشيتس بتعته وابعتلهم يعملولوه مراجعه على اللي فات في اليوم اللي تنزليه ولو هتقلقي يبقى بلاش منها خالص لحد ما الامور تتضح وربنا ييسر لينا يارب الخير ولاولدنا يارب .

معلش اسأل سؤال ايه اخبار المدرسه ورايك فيها ايه

انا كمان مش بودي بنتى من قبل العيد بس المدرسه كلمتنى قالتلى هاتيها اسبوع ولا اتين قبل مناخد الاجازة عشان تاخد شهاده اما لو ماجتش مالهاش شهاده عندنا مش فاهمه اصلا ايه لازمتها وهى لسه ماطلعتش من البيضه كده الا حركات وبس انا طبعا مش مستغنيه عنها مقابل حركات
ممكن اوديها يوم في الاسبوع الجاى بس وخايفه كمان من الجو المطره والبرررررررد ده هى اصلا مابتصدق شويه هوا وتتعب اوى
معلش صدعتكم
هما اللى انا متبعاه انهم قبل العيد كانوا وصلوا في العربي لحد 5 وحرف ح
والانجليش بعد العيد وصلوا لحد f و5 برده
والاكتفيتي خلصت وبداو تانى
انا ببعت اجيب الهوم وورك بتاعها من المدرسه نعمله ونراجع انا وهى مع بعض في البيت وبس
ربنا يسترها على ولادنا جميعا السنه دى

اودي المدرسه لغايه دلوقتي هايله ملتزمين في كل حاجه و كل اسبوع بيبعتوا اللي اخدوه و ماشيين بمعدل كويس و بياخدوا اغاني كتيره عربي و انجليزي و الارت طبعا و PE ده غير نظافه المدرسه و الاهتمام بنظافه الولد نفسه و كمان مواعيد الباص ثابته و المشرفه مؤدبه و ملتزمه قوي

مدرسه اخناتون فين حبيبتي في التجمع صح والمصاريف كام والباص

ايوه في التجمع الخامس و المصاريف 7800 و الباص 2000