كتبت بواسطة Ananasa

فعلا يا هوبة انا خلاص مش هوديهم تاني وربنا ييسر الامور
شكرا علي اهتمامك يا قمر

انوس صباح الخير عمله ايه معلش كنت مشغوله شويه اليومين الى فاتو و ماكنش عندى وقت خالص
طيب يا جميل انت كلمتى المدرسه سائلتيهم

كتبت بواسطة om body&yousef

انوس صباح الخير عمله ايه معلش كنت مشغوله شويه اليومين الى فاتو و ماكنش عندى وقت خالص
طيب يا جميل انت كلمتى المدرسه سائلتيهم

ازيك يا ام بودي
لا يا بنتي انا ماكلمتهومش لان المشرفة بتقولي ان الكلام دة بيني وبيهنا علشان العيال صغيرين يعني وحرام يتعدوا
لكن مش رسمي
بس انا لقيت هنا في المنتدي اسم مدرستنا موجود من ضمن المدارس بردوا

ازيكم يا احلى امهات..
انا زى ما قلت لكم مقعدة بنتى الاسبوع الى فات بس نولتها يوم الاحد علشان بيبقى فيه مراجعة على الاسبوع الى قبله وكمان بياخدوا حاجات الاسبوع الجديد
هما اخدوا
فى الانجليش ادوات المطبخ سكينه ومعلقة و شوكه وبوتاجاز وثلاجه وحله
و جسم الانسان رأس وكتف و ذراع ويد ورقبه وركبه ورجل وقدم وظهر وعظم
وخذوا اسماء الاصابع
ولغايه انهاردة اخدوا لغايه من حرف U لغايه حرف W و بس شكلهم هيخلصوا الحروف على نهايه الاسبوع وطبعا على كل حرف كلمتين

بس على فكرة هم لغايه دلوقتى مش مطلوب منهم غير انهم يعرفوا شكل الكلمه بس يعنى مش بيتملوا بس لما يشوفوا الكلمه يعرفوا هى ايه

وفى الماس لغايه 35

بالنسبه للعربى اخدوا لغايه حرف ذ
ذَيل ذِراع ذُرة

احنا عندنا ماشيين عادي مش مسرعين ولا حاجة
يعني اخدوا لغاية حرف ج وكل حرف 3 كلمات بالتشكيل
والانجليش لغاية E وكل حرف عليه كلمتين
والارقام شغالين في اكبرمن واصغر من
يعني في المجمل ماشيين كويس
وربنا ييسر

بالنسبة لابنى كان اخر يوم يوم الخميس والعودة بعد العيد
ووصل لحد حرف ال ح وعلية 3 كلمات
وكمان حرف ال d وعلية كلمتين
بس هما الكلمتين مش اورال لا بيتملوها اخر الاسبوع
فى كتاب ماك ميلان خدوا لحد يونت 3 وخلصوة
وفى الساينس خدوا اجزاء الجسم
والماث تدريبات على الجمع
ويكتبوا كلمة one -two
وعطوهم واجبات كتير يحلوها فى الاجازة
وشيتات مراجعة على الجمع وعلى العربى وكلماتة وفى املاء بعد العيد
اما كتب الوزارة الظاهر انهم رموها او عملوها طيارات ورق
مشفتهاش خالص غير كتاب واحد عطهولة اول يوم دراسة يلون فية

بنات فى حد هنا فى مدرسة الاندلس الازهرية للغات

صاحبتنا معماريه مصريه فى موضوع مدارس مدارس اولادها فى الاندلس الازهريه

طيب يا هوبه اعتقد طالما ان الاطفال مش مطلوب منهم انهم يتملوا الكلمات يبقى المعدل بتاع المدرسه كويس
لان نظامهم ان الاطفال يحفظوا الكلمات على مرحلتين الاول يعرفوا شكلها كويس ويعرفوا يقروها وبعد كدة بيعيدوا تانى من الاول فالكلمات تبقى اسهل فى الحفظ

معقول يا طماطم يعني المفروض انهم يعرفوا شكل الكلمة بس ما يتملوهاش
ربنا يريح قلبك يا شيخة
دانا مشكلتي الازلية مع ابني انه مش بيفتكر لما اجي امليه مع انه لما بيشوف الكلمة بيعرفها علطول لكن تيجي تقوليله اكتبها يتوه لازم يبص عليها وهو بيكتب
يعني دة عادي واللا العيال بيعرفوا يتملوا وهو اللي غبي

لا اناناسه دى مرحله اولى بس يعنى فى المدرسه عندنا دلوقتى بيمرنوهم انهم يعرفوا شكل الكلمه بس ويتمرنوا على القراءة وممكن يعملوا ماتش بين الكلمه والصورة واحنا تقريبا خلصنا كل الحروف وكل حرف عليه كلمتين

بعد كدة مرحله تانيه بيرجعوا من الاول تانى يعودوهم على حفظ الاسبلينج والاملاء بس بيكون اسهل عليهم لانهم فعلا عارفين الكلمه شكلا

بس انت كدة ابنك وصل لمرحله كويسه حاولى تخليه يحفظ الاسبلينج بالنطق الاول وبعدين الكتابه علشان يستخدم كل حواسه فالحفظ يثبت