كتبت بواسطة الاميرة طماطم

انا جيت اهو يا هوبه علشان اتابع الترم التانى
العربى احنا اخذنا المد بالالف وبدأت المدرسه معهم حصص القراءة يعنى بياخدوا قصة بياخدوا كل اسبوع جمله يقروها كويس ويكتبوها ويتمرنوا على قراءتها اكتر من مرة
احنا النظام فى المدرسه مختلف شويه لان الاطفال مش كانوا بيتملوا فى الترم الاول فهم اخذوا الحروف كلها فى الترم الاول واتمرنوا على كتابه كل حرف فى 3 كلمات واخذوا مواضع الحرف فى الاول والوسط واخر الكلمه وغالبا هيبتدوا املاء الترم دة
واخذوا كمان حروف المد الف واو وياء واخذوا كلمات على المد بالالف

الانجلش ..
برده ماكنش فيه املاء الترم الاول وعلشان كدة خلصوا الحروف كلها وعلى كل حرف 3 كلمات كتابه بس كانوا بيتمرنوا على النطق الصحيح لكل حرف علشان الاملاء تكون اسهل
الترم دة فى الجرامر اخذوا verb to be و تمارين عليه و واليونت الجديد كان على Present Continuous

والماث اخذوا لغايه 60 بالاضافه الى تمارين على الجمع

كنت عايزةاسألكم ايه اخبار اولادكم فى المحادثة يعنى بيعرف يكون جمله لوحدة ولا ايه او بمعنى اخر الجمل الى اخذها بيعرف يتعامل بيها ومدى قدرته على الممارسه للغة ؟؟؟؟؟؟؟؟؟؟؟؟؟
وكمان اخبار القراءة عربى وانجلش بيقرأ بسهوله ولا بصعوبه ولوحدة ولا بمساعدة؟؟؟؟؟؟؟؟؟؟؟

اهلا يا طماطم انتى فيين من زمان
مبروك الترم التانى
عبد الرحمن اخد فى العربى املاء خارجية
كل مرة بيختاروا موضوع جديد زى الحيوانات او عالم البحار وهكذا
ووصل لحرف الكاف واخدوا المد بالالف شفوى والمفرد والجمع شفوى
وفى الماث وصل لرقم 60 وخد الجمع والطرح والاكبر والاصغر
وكمان فى الانجليش وصل ليونت 9 فى كتاب ماك ميلان

كتبت بواسطة راندا صالح

موضوعك حلو يا هوبه

بصي يا ستي

مفيش حاجه اسمها حروف وكلمات الكلام ده كان في كي جي 1

في الترم الاول

خلصنا الحروف المتحركه a + e+o+i+u

كمان خلصنا جرامر
can + can not


في الترم التاني خلصنا

verb to be

I = am
she +he + it = is
you+we + they = are

دخلنا جرامر verb to have
بس لسه مخلصنهوش
كل يوم في كلمات حفظ جديده و تاني يوم املاء طبعا
بالنسبه للماث

خلصنا الجمع و الطرح
كمان اخدنا جمع رقمين

وامبارح اخدنا علامات > ، = ، <

والارقام لحد رقم 64

بالنسبه للعربي و صلنا لحرف ط كل حرف 3 كلمات و تاني يوم املاء

اهلا يا راندا
ابنك فى مدرسة اية

كتبت بواسطة nora9

هوبه
انا عرفت من جزء مدارس الاسكندريه ان ابنك فى مدرسه ليدرز ورحت المدرسه وعجبتنى وقدمت فيها لابنى على كجى وان وقالو لى ان الانترفيو على اول 5 ممكن اعرف منك مستوى المدرسه بعد ما جربتيها تيرم اول وتانى وازاى كان تعاملهم اثناء ازمه انفلونزا الخنازير
اصل المدرسه غاليه شويتين وحاضحى جامد علشان ادخل ابنى فيها وعاوزه اطمن تستاهل التضحيه ولا ما فيش داعى وياترى نطق ابنك فى الانجليش حلو ولا عادى زى باقى مدارس اللغات والف شكر ليكى ياقمر

لا هوا نطق ابنى عادى لانة مكنش عندهم من كجى وان
قضى كجى وان فى مدرسة تجريبى
لكن طبعا بقى احسن من الاول كتير كمان بحس ان نطقة للكلمة مش زى الانجليزى الفلاحى هههههههه
لا تحسى بصوت الحرف هوا بيقولى ان الميس بتقواة كدة
الانفلونزا مظهرتش عندنا خالص
وكانوا بيقيسوا درجة الحرارة كل يوم وطلبوا مننا ترمومتر لكل طفل
وكمان المدرسة نظيفة اوى ومطهرات على طول واهتمام

الموضوع نام تانى لية

تسلمى ياهوبة الفكرة رائع
انا بنتى لسه سنتين ونص لكن بجد فتحتوا ذهنى للحاجات دى
يارب بالتوفيق لأطفالكم جميعا
ربنا يرعاهم ويحفظهم ويجعلهم قرة أعيننا

قولوا أمين