بسم الله الرحمن الرحيم
السلام عليكم

لاحول ولاقوة الا بالله

طبعا عندنا الروضة عندهم شئ اسمه الأم الزائرة وهي انهم يختاروا ام احد الاطفال ويرسلون لها بطاقة دعوة عشان تحضر وتكون محضرة شي تقوله للأطفال وهدايا بسيطة تقدمها لأصدقاء طفلها

واليوم كان دوري اني أكون أم زائرة صرااحة تفاجأت وماأمداني أفكر أو استعد لكن أهم شي عبدالله ابني استانس هو وأصحابه

أول شي دخلت الروضة وقدموا لي واجب الضيافة بعدين أخذت أغراضي وصعدت فوق لصف ابني ودخلت عليهم وأدور بوجيه الأطفال عن وجه ابني وأخيرا لقيته كان مستحي وفرحان بنفس الوقت اني جيت ويوزع ابتسامات
بعدين حطيت أغراضي وقلت للأطفال تعالوا سلموا علي وعرفوا بأنفسكم وماشاء الله سلمت عليهم بعدين جلسنا على شكل حلقة وتكلمت لهم عن ولدي انه مطيع ومؤدب ولا يضرب أخوه والعكس صحيح بس قلت ان شاء الله بعد هالكلام يعقل
بعدين كنت جايبة المحمول وبما ان الوحدة هي وحدة الماء سألتهم عن استعمالات الماء وشغلت لهم عرض بور بوينت لقيته بالنت عن استعمالات الماء بعدين شغلت لهم كذلك قصة سمكة الطيف عرض بور بوينت بعد لقيتها بالنت وصراحة فرحوا كثير وتفاعلوا مع القصة بعدين سألتهم عن اللي استفادوه من القصة
بعدين كان دور المسابقات عبارة عن أسئلة بسيطة واللي يجاوب هدية عبارة عن حلوى
بعدين كنت محضرة وجبة فاكهة قطعتها صغير وحلوى المارشملو وجبت شوك بلاستيك وسويت صوص كاكاو وخليتهم يغمسون الفاكهة بالصوص واستانسوا كثير
بعدين خليت ولدي يوزع الهدايا وبعدين نزلت تحت وقدمت لي الادارة بطاقة شكر على تلبيتي للدعوة وكتبت لهم كلمة بدفتر للذكرى وبس
وهذي الصور
هدايا البنات
عبارة عن شنطة سبونج بوب حطيت داخلها بكلات ولوحة يلونوها وحلوى

وهذي هدية الاولاد
عبارة عن شنطة سبونج بوب وسيارة ولوحة يلونوها

وهذا الصحن اللي حطيت فيه الفاكهة والصوص

وهذي صورة للاولاد مع الهدايا


وأخيرا أتمنى انكم استفدتوا

.

وعليكم السلام ورحمة الله وبركاته

يا حياكِ الله وبياكِ
تبارك الرحمن تغطيَة جميلة وممتعة
استمتعتُ بها ()
وتستحين الـ


ربي يحفظكِ ويبارك لكِ في أبنائك ..

جميل ماشاء الله ^_^

سلمتّ يمناك ياغالية ()

تغطية رائعة منك

و شيء يفتح النفس ان يكون هناك تعاون بين الأولياء و الروضة أو أي مؤسسة تعليمية

بارك الله فيك و بورك فيهم

..

نور الركن ()

نورتوا عزيزاتي
ومشكورات على التميز

ماشاء الله تبارك الله ماقصرت يالغالية

حفظك الله ونفع بك

:

وعليكم السلام ورحمة الله وبركاته

فكرة الأم الزائرة جميلة جدا وتغطيتك أجمل ^^
وفقك ربي وحفظ أولادك وجميع المسلمين من كل سوء

لكن طمنينا كيف ولدك مع أخوه الصغير ؟ هل تحسنت الأوضاع ؟

:

يعطيك العافية ربي يسعدك
أكيد إستانسوا معاك
و تغطية جميلة
ربي يبارك فيك

فقيرة لربي

لا والله ماتحسن الله يهديه ويعطيني طولة البال

وعليكم السلام ورحمة الله وبركاته

فكره رائعه للام والطفل معا

وانتِ ماشاء الله عليكِ ماقصرتي
اسئل المولى سبحانه الهدايه لاطفالك واطفال المسلمين أجمعين يارب