وانا كمان يا غادة مع بيري عاوزة اعرف عنها كل حاجة لان بصراحة الميزانية لاتسمح بالمبالغ الفلكية اللي الواحد بيسمع عنها دي
وياريت اعرف هيا فيها بيبي كلاس؟ وبياخدوا فيها من سن كام، ولو مافيش ايه مدارس تاني كويسة ومعقولة في السعر ؟

بصى يا فرح انا كنت روحت المدرسة وشوفتها هى حلوة من جوا بس مستواها اية فى التعليم مش عارفة؟ ودة اللى نفسى اعرفة ان شاء اللة من غادة
بس المدرسة ما فيهاش بيبى كلاس وبتاخد كى جى وان من 4 سنين
وللاسف انا وانا بدور على مدارس فى التجمع مش لاقية اى مدرسة تانية سعرها معقول
مفيش غير عثمان على حسب ما اعرف
بس زى ما قولتلك مش عارفة مستواها اية فى التعليم
ودة اللى مخلينى محتارة مش عارفة اقدم فيها ولا لا
وانتى كمان يا ريت لو لقيتى اى مدرسة سعرها معقول و حلوة ابقى قولليلى واهو ندور سوا وربنا يوفقنا .

والله انا عمالة اسال وجوزي عمالة يسأل برضو
بس كل اللي في التجمع وحوالينا غالييييييين جدا مش اقل من 6 او 7
اللي اسعارهم معقولة في مدينة نصر
في اوبشنز كتيييييييييييير يعني فكرت في منارة القاهرة ولاد عمة بنتي فيها بس عربي ومش لغات، هيا معقولة ب حوالي 2000 بس مش عارفة بالباص وللا لا
وعموما اعتقد ان مستوى مدارس المنارة كويس انا كنت فيها وانا صغيرة بس كنت في الرياض
مشكلة مدينة نصر انها بعيدة، ولو حصل اي حاجة خلال النهار هتزنق ومش هعرف اتصرف وخصوصا ان جوزي بيشتغل من 12 الضهر ل12 بالليل وما عنديش عربية
طيب هي عثمان بكام؟
وممكن ياخدوا تبرع في مقابل انهم يتغاضوا عن الكام شهر دول، لان بنتي هتبقى 3 سنين و8 شهور؟
وبعدين اصلا غريبة ان كي جي وان 4 سنين
التجربيانت بتبقى 5 سنين
ولو على المدرسين كل المدارس حتى اللي بالوفات مؤلفة برضو كل مدرس وضميره
انا مدرسة وصحابي مدرسات وعارفين
المهم يكونوا بيهتموا شوية والباقي ربنا يعينا عليه
ماهو مش معقول ندفع ألوفات في مدارس
وزيهم في دروس
وبرضو مافيش فايدة

ياجماعة ممكن تقولولى مدرسسسسة مصر2000 دى نظامها اية وحلوة ولا لا وياريت لو سسسسمعتوا اى حاجة عنها تقولولى لانى تقريبا فى نفس مشكلتكم

فعلا يا غادة انا كمان مش لاقية حاجة فى التجمع خالص سعرها معقول
وان برضو سمعت عن منارة القاهرة انها كويسة وكنت لسة هسال بكرة عنها فى التليفون اصل اخت زوجى هتقدم لبنتها فيها بس عربى وقالتلى عليها حلوة
اما بالنسبة لعثمان فالتقديم هيبتدى فى شهر 3 وسعرها 3500 بيدفعوا اول سنة مرة واحدة من غير اقساط اما حكاية التبرعات دى مش عارفة بتقبل ولا لا
لكن الواحد مش عايز تجرييبى علشان بس يبقى فى اهتمام بالطفل مش اكتر ومايكونشى فى ضرب والحاجات اللى الواحد بيسمع عنها دى وخصوصا انا كنت فى مدرسة خاصة وما اعرفشى فى المدارس التجرييبى بيكون التعامل برضو مع الاطفال ازاى اما التعليم فهو واحد والاصل هو البيت يعنى انا مثلا كنت بدور على اوائل الشهادات علشان اعرف اية اكتر مدرسة كويسة تخيلى معظمها مدارس حكومية هى اللى مخرجة الاوائل وما فيش مثلا ولا مدرسة من المدارس الخاصة اللى عندنا هنا فى التجمع اللى ب7 و6 مخرجة اوائل مش بغلو المدرسة

هاى يا ميريهان انا اللى اعرفة بس عنها انها مش حلوة اوى لكن بصراحة ماعنديش اى معلومات عنها لكن اكيد لو عرفت حاجة هقولك

اسمحو لى اشترك معاكم لانى فى نفس الحيره والمفروض اقدم لبنتى السنه دى انا سالت فى عثمان بن عفان ومصاريفها3500غير الباص

طبعا اهلابيكى يا لمسة امل انتى هتقدمى لبنوتك السنة دى هى عندها كام سنة لان عثمان بتاخد من 4 سنوات هى فعلا مصاريفها معقولة 3500 والباص داخل الرحاب 800 وخارج الرحاب 1800بس يا ترى سمعتى عنها اذا كانت كويسة من ناحية التعليم ولا لا ؟ علشان انا معرفشى اى حد فى المدرسةاسالو ؟

ياجماعة كنت عايزة مدرسة عثمان بن عفان عربى ولالغات وياريت لو تعرفو رقم تليفونها ورقم مدرسة منارة القاهرة اكون متشكرة ليكوا جدا

يعني ا بيري مدرسة عثمان دي مش تجريبية؟
انا كنت فاكراها تجربية.
طب ما تعرفيش كثافة الفصول فيها قد ايه؟
انا قلت لجوزي وقاللي باذن الله على اول الشهر هياخدني ونروح نشوفها وربنا ييسرها من عنده