كل عام وانتم بخير جميعا وعام دراسي جديد سعيد وموفق ان شاء الله
أكيد طبعا يا جماعة كلنا استقرينا على مدارس لأولادنا وبناتنا
فايه رأيكم بعد ما كنا بنسأل بعض عن المدارس كل واحدة تقول تجربتها مع المدرسة اللى دخلت فيها أولادها يعنى بما يرضي الله نقول المميزات قبل العيوب
لأن ديه أمانة وممكن يترتب على كلامك ان يقرر أحدهم ترك مدرسة او التقديم فى مدرسة تانية ........... اكيد فهمتم مقصدى
وطبعا هأبدأ انا اذا سمحتم لى ....
مدرستى فى مدرسة الفيصل العالمية
المزايا :
1.التنظيم لا غبار عليه كل شئ منظم وبموعد محدد وكله بيتكتب فى الدايرى وعمرهم ما نسيوا يكتبوا الهوم وررك يوم ولا حتى كتبوه غلط بالعكس كله بيتكتب على الكمبيوتر فى ورق يلصق فى الدايرى .
2. اللأنشطة متعددة وكتيرة يعنى يوم الفواكه ويوم الألوان وألـــــــــــــــــــــخ بصراحة مش فاكرة بس كله على قدهم يعنى على حسب إمكانيات المدرسة بس بيعملوا اللى عليهم علشان يبسطوا الأولاد .
العيوب :
وده عن تجربتى انا ويمكن غيرى كان حظه أحسن منى لأن معلمة أبنى كان صوتها ضعيف وابنى ماكانش بيسمع منها حاجة وطبعا لم يلقط منها الا القليل جدااااا ومعظم نطقه غلط
لما تكون عندك شكوى بيقابلوها بمنتهى البرود والتناحة يعنى بيجيبوا العيب عليكى انتى او على ابنك او بنتك وتحسي ان المدرسات متحصنين بالسوبر فيزور بتاعتهم والكلام كله معاها هى
الروابط المفضلة