لى استفسار واتمنى تردو على
انتم عارفين ان المدارس الخاصه بتقبل سن 3 ونص على كجى وان
وانا قدمت لابنى فى مدرسه واستقريت عليها خلاص وهو هيكون عنده تلات سنين وتسع شهور
المشكله بقى ان كل اللى حوالى حسسونى انى كده باظلم ابنى والمفروض استنى عليه سنه كمان وانا عاوزه اعرف ارئكم وخبرتكم ياريت اى ام قدمت لابنها فى السن ده تقولى عمل معاها ايه فى الكجى وهل الكجى دلوقت بقى صعب قوىى للدرجه دى ولا ايه انا حيرانه جدا والمفروض اخد قرار نهائى خلال الاسبوع القادم
ارجوكم لا تبخلوا على بخبراتكم وارائكم جزاكم الله كل خير

حبيبتي لا تردي على حدا انا دخلت ابني الكبير لما كان عمره سنتين وتسعة اشهر والكل قلي حرام والحين ابني حيدخل صف الأول والحمدلله هو احسن من كل يلي حوليه بفضل رب العالمين وبشهادة يلي كانوا يلوموني لأني الولد كل ما بلش بكير احسنلوا والحين ابني التاني سجلتوا ورح يكون عمروا اول يوم المدرسة سنتين وعشر شهور

الطفل الصغير يحتاج الىرعايةو ام تحنو عليه، وتعطف عليه. وقد تجبرك بعض الظروف وتبعثي طفلك الى دور حضانة وبه\ا انت حرمته من اشياء كثيرة مثل الحب والحنان واللعب .اما السن القانوني للمدارس ،هوما فوق ار بع سنوات ،وكثير من الخبراء ينصح الاباءبعدم ارسال اطفالهم الى دور الحضانةفي سن لم تتجاوز الرابعة،و\لك احسن لهم.
سيدتي ابنك يحتاج الى صدر حنون وام رؤوم كما يحتاج الى اشباع غريزته الطفولية من اللعب وان يعيش كل مرحلة من مراحل حياته ويتمتع بها.

الزهره البريه
اشكرك على رائيك وهو عن تجربه شجعتينى شويه ربنا يبارك لك فى اولادك
ناديه الكوردى
وجهه نظرك قيمه وانا الحمد لله اشبعه حبا وحنانا وانا لفيت على مدارس كتيير ولما اخترت له كان اهم حاجه المعامله مع الطفل وكميه الحنان اللى ممكن باخده من مدرسيه واحس بالاطمئنان عليه وهو معاهم
هو ناقص تلات شهور على سن اربع سنين يعنى الفرق مش كبيير
واشكرك على مرورك جزاكى الله كل خير

السلام عليكم جميعا
ازيك يا نورا ... انا كنت فى حيرتك دى بالضبط وصليت استخارة عشان ربنا يخترلى ادخله صغير ولا اخلية معايا سنة كمان
انا ابنى مولود فى شهر 12 فى كى جى وان كان عمرة 3 سنين وتسع شهور
والحمد لله ابنى خلص كى جى 1 السنه دى ورايح كى جى 2

بصى انا ابنى كان فى حضانه قبل المدرسة ... هو هيعيط شوية فى اول السنة بس بعد كده هيتعود ... انتى شجعية لان اول بيبى بيبقى صعب يبعد عن الام حتى لو دخل المدرسة وكان عنده 6 سنين
واهم حاجة ان تكون مدرستة مش بتدى واجبات كتير وبتهتم بالانشطة اكتر ... لان كل مدرسة وليها نظامها ...
لما يبدأ يكتب ماتضغطيش علية ... ماخلصش الواجب مش مشكلة
وعلى فكرة انا لقيت ابنى سنه مش صغير ولا حاجة والطفل مدام ذكى وشاطر هيثبت نفسه والام اللى بتشجع على كدة
بس جهزى نفسك ان هيكون مع ابنك اولاد اكبر منه بسنه لان فى ناس بتدخل اولادها كى جى وان 4 سنين ونصف
واكتر حاجة هتظلم ابنك لو فكرتى تضعية فى مقارنه مع زملائه فى الفصل
تابعى مع مدرسته كويس وخدى التقرير منها
وان شاء الله ابنك يكون من الاوائل زى ابنى ما شاء الله كان من اشطر الناس اللى فى الفصل
ربنا يوفق اولادنا جميعا ... اى سؤال انا فى الخدمة

شيماء
اشكرك جدا جدا طمنتينى انا برضه ابنى مواليد شهر 12 يعنى نفس سن ابنك بس الفرق انه ما رحش حضانه قبل كده وعلى فكره هو اصغر اولادى بس اخواته دخلوا المدرسه سن كبيير وعلشان كده كنت عاوزه اطمن وخصوصا ان المناهج دلوقت اتغيرت
ربنا ييسر الامور ويقدم اللى فيه الخير