أخيرا شي متشابه ..
احنا التمييز والمستثنى والحال اللي اهيا منصوبات الاسماء كلها
اخذناها الفصل الاول ..
بس العربي اوردي مرتبط مع بعض
احنا هالفصل الممنوع من الصرف والتوابع (نعت - بدل ...الخ)

الانقلش اممم
احنا منهجنا بريطاني مادري عن منهجكم ..
احنا عندنا 5 وحدات هالفصل ..
كل وحدة اربع اقسام يعني
5a - 5b - 5c - 5d
ونفس الشي 6 و 7 و8 و9
انتوا شلون يكون اختباركم ؟
يعني احنا 2 listening
2 reading
2 writting
فيعني الشي الوحيد اللي ندرسه الرايتنق
قبل كانوا يخلونا نحفظ مثلا 6 مواضيع و يجيبون لنا 2 منهم
بس اللحين اختباراتنا من الوزارة
فبيكون الطريقة انه نعرف مثلا شلون ينكتب بس يغيرون لنا الموضوع
يعني مثلا مقالة عن الفاست فود يغيرنها يخلونها عن الدايلي اكسسرسايز
فشوي يبيله تدريب اكثر يعني ..

اهاا حلوو ..

القوآعد احنا ناخذ اللي أخذتوا بالترم الأول ..

بس الممنوع من الصرف .. أخذنا العام .. والتوابع لساا ما مروا ..

أنا عارفتهم بس راح ناخذهم في ثآلث ..


بالنسبة للإنجليزي ..

للأسف احنا مناهجنا بدائية ، لانو بندرس الإنجليزي من صف سآدس ..

بس انا درست الابتدائي واولى متوسط في مدارس خآصة ، ومعاهد إنجليزي ..

فـ على شان كذا مآ عوومري ذاكرتو ، لانو كل سهل ودارستو من ابتدائي

لان مناهجنا مره مره بدائية في الإنجليزي في الحكومه الآن ..

احنا عندنا في الماد الوحده للترم الواحد 50 درجة ، يقسموها ..

للأختبار النهائي : 30 .. للمشاركة : 10 .. ولـ أختبار أعمال السنة : 10

طبعا أحنا في أعمال السنة نختبر مرتين .. ويكون على مرحلتين ..

يعني من 20 ، والمشاركة نفس الشي ، و يجموعوا الدرجات ويقسموها ع 2

يعني مثلاً في الفترة الأولى أخذت اناا ..

المرحلة الأولى : 19
المرحلة الثانية : 20
19+20 = 39
39÷2 = 19.5 بالتقريب يعملوهاا 20 خلاص ..


احنا عندنا القراءة والتفاعل في الحصة والرايتنق .. كلها ع المشاركة

والاختبار يكون فيه دكتيشن بس بدون ما تقول الأبلة يعني تجيب صور ونكتب تحتها

أو كلمة وحروف نافصة .. و يكون في الاختبار اسئلة متنوعه للوحده ..


يعني الإنجليزي باختصار وبالنسبة لي مادة سهله ، بس المعلمه تجيب

أحياناً برآ المنهج أسئلة للمتميزآت وانشطه ، فأحب أكون متفاعله معها لانو أحب المادة ..

طيب آممممـ وش تدرسوا تاريخ وجغرافيا ؟؟

تدرسوه من صف السادس !!
احنا لا عندنا من صف الأول !
اي نظامكمـ سامعة عنه لان في مدرسة خاصة عندنا تطبق نفس النظام
ومنهج العربي والدين عندهم سعودي ..
ماشا الله عليكِ ..

اممم تاريخ وجغرافيا ..
احنا الفصل الاول كان جغرافيا
هالفصل تاريخ ..
قبل المنتصف كان الدولة العباسية والفاطمية ..
وطبعا اختبرنا فيه خلاص ما يدخل في النهائي ..
بعد المنتصف اللحين
اول شي الغزو الصليبي .. بعدين الغزو المغولي
والمماليك بعدين الدولة العثمانية ..
وبعدين بناخذ العصفوريون والبحرين في ظل عهد العثمانيين

وانتوا ؟

ما شاء الله يعني التاريخ والجغرافيا عندكم مادة وحده ..؟؟

غرييييييبه .. أحنا كل وحده لحالها .. مستقله عن الأخرى

الجغرافيا ندرس فيه عن الدول الإسلامية بجميع قارات العالم .. استراليا ، افريقيا .. إلخ

طبعاً مع معالمهم .. والعوامل اللي ساعدت على دخول الإسلام والنشاط البشري في الدول الإسلامية .. وناخذ على سبيل المثال كم دولة إسلامية ..

أما التاريخ .. الترم الاول كان عن الدولة الأموية والعباسية .. والآن المماليك و الغزو المغولي والصليبي الحضارات الإسلامية ، يعني يشابه لكم .. ^^

طيب شنو الموآد العربي اللي عندكم .. ؟؟

يعني كم مادة ..

احنا عندنا

قراءة
قواعد "نحو"
إنشاء "تعبير"
إملاء
نصوص

وانتو تقولي الدين بس مادة وحده ..

احنا عندنا

قرآن
حديث
توحيد
تفسير
فقه

والمواد العملية احنا بناخذ

تفصيل وتطريز "خياطة"
اقتصاد " تدبير منزلي "
الفنية
النشاط " غالباً ما يكون مواد فن "

والمواد الأخرى

إنجليزي
جغرافيا
تاريخ
علوم
رياضيات

تقريباً بس هذا اللي ندرسو

وانتِ ؟؟

اييي احنا عندنا اصلا االمادة اسمها "المواد الاجتماعية"
بس احنا نقولها اجتماعيات
ويكون فيها فصل تاريخ وفصل جغرافيا
+ يعطونا كتاب اسمه التربية للمواطنة
هذا اعقــــــد منه ما شفت في حياتي
اكرههههههههها الماااادة من الاعمااااااااق ما تتخيلين شلون
اهيا كلها عن حقوق الطفل والشباب
والدولة ومؤسساتها والوزارات والمجالس البلدية والنيابية :/
وطبعا كلـــه حفظ !!
في العادة لو الاختبار من 100 "اختبار الاجتماعيات"
يكون 25 درجة للمواطنة و 75 درجة للاجتماعيات
ودايما يعطونا كل اختبار منفصل بعدين يجمعونهم ..
هالمرة في المنتصف حطولنا الاثنين مع بعض .. كنت شوي واروح ارمي روحي من الشباك
تخيلي طول ما انتي تدرسي ماعندهم الا
من جميع النواحي الاقتصادية والسياسية والاجتماعية
وتطوير وتحسين وبناء وتنمية و دعم
لا ويجيك اختبار الوزارة بعد ما تحفظي وتتعبي
محووور واسئلته ما تنفهم يعني يعتمد على فهم المادة
واحنا معلماتنا مو عارفين شلون يشرحونها اصلا من تعقيدها
فتحلي الاختبار بالحظ !!

احنا العربي مادة وحدة ..
في الكتاب نففسه في مواضيع قراءة
وفي قصائد
وفي نحو
القراءة ماله دخل بالاختبار بس نقرا الموضوع في الحصة وننافشه ونطلع افكار ..الخ
القصائد نحفظها طبعا والشرح والصور الجمالية وو
وتجيلنا اسئلة فيها ف الاختبار
النحو نفس الشي
اما التعبير والاملاء والخط هالثلاثة اشياء ما ندرسهم
بس يجولنا ف الاختبار مع استماع وهذي الورقة الاولى
الورقة الثانية نصوص (قصائد) ونحو

الدين نفس الشي كتاب واحد ..
بس الدروس متنوعة في حديث وفي فقه
وسورة .. كل فصل ناخذ سورة وحدة
مقسمة على اكثر من جزء
وكل جزء من السورة على درس ومعاه شرح هالجزء

ههههههههههههه

حسيت مع انو السعودية قريبة كثير من البحرين

إلا أن الفرق شاااااااااااااااسع ... حسيت موادكم مرة قليلة ..

بس صعبة ومعقدة ، احنا معلماتنا ما يقصروا .. ^^


طيب شنو المواد اللي تدرسوها واحنا ما ندرسها غير الحاسب والرياضة ؟؟

احنا موادنا :
عربي
انقلش
رياضيات
علوم
اجتماعيات
دين
رياضة
فن / أسرية- اقتصاد منزلي يعني- (كل فصل وحدة منهم)
حاسوب / تصميم وتقانة ( كل فصل وحدة منهم واللحين ناخذ تصميم وتقانة)
وحصتين برامج في الاسبوع
هاي البرامج ماندرس شي بس نقعد فراغ
انا وحدة من هالحصتين اخذ برنامج ذاتي في وجودي للمتفوقات
عاملينه في مدرستنا ناخذ مهارات مختلفة لتطوير الذات
مثلا هالايام كانت المعلمة تعطينا مقتطفات من البرمجة اللغوية العصبية NLP
شلون نفهم ردات فعل الناس وتعبيرات وجوههم
ونتحكم في تفكيرنا ونوجهه للايجابية
احنا حوالي 10 بنات ..
كل وحدة في كل ترم تسوي بحث ..
شامل استبيانات واحصائيات ومقابلات خارجية وو
تقعد المعلمة مع كل وحدة ويتناقشون في الاشيا اللي تحتاجها
وبعدين نبدا
طبعا معلمتنا هي اخصائية التفوق والموهبة في المدرسة متخرجة من كلية علم نفس
وبما انها وحدة بس في المدرسة ..
فتدرس 3 صفوف من كل مرحلة .. في وحدة من حصتين البرامج
واحنا للاسف صفنا مو من هالصفوف ..
طبعا تدرسهم مهارات
بس فعلا رووعة .. خصوصا انو يعني مادة بدون حفظ بدون شي
وتعلم الواحد اشيا جديدة في حياته

اهاا حلوو ..

ياريت يطبقوو عندنا شي كذا ..

احنا عندنا شي يشبهكم كذا

بس يكون فيه مو علم نفس .. لآ قدرات ..

مرة علوم ومره رياضيات .. بتاخذ المعلمه من كل فصل طالبتين ..

من أولى وثاني وثالث .. وملعمة علوم أو رياضيات .. وتاخذ المتميزين أو الموهبات

وتدرسنا قدرات .. ^^

:

صباح الفصل النشيط سكّر ومن فيه .. }

يا حبّي لكم ..،‘

^
ويآ ح‘ـبي [لـبنووتة] ثآأإنوي وعسوولتوو ..

نَورتيني يآ عسل . وكل يوم تعآأإلي طلي علينآ ..

نحووووبك