بصراحة انا اخذت الفكرة من الاخت هناء جزاها اللة خيرا
هى كانت ابتدت الموضوع دا السنة اللي فاتت

و انا استفدت منه كتير
بس كنت حابة لو اقدر اعرف الناس اللى دخلت ولادها السنة اللى فاتت عاملين اية ةاية انطباعاتهم حتى الآن
عشان اللى لسة مدخلش ولادة يقدر يستفيد من خبراتهم
انا كنت شايفة شبة اجماع على بريليانس-ليدرز-المصرية الانجليزية
يا ترى اية اخبارهم على ارض الواقع

آسفة للتطويل
جزاكم اللة خيرا

اييية يا جماعة 20قراءة و مفيش حتى ولا رد واحد
هما الاسمندرانية هاجرو ولا اية

معلش يا حبيبة الاسكندرانية نايمين حبتين من اول المدارس ما دخلت و ده حتلاقيه في كل المواضيع اللي تخص اسكندرية
انا اولادي في المصرية الانجليزية و هي كويسة من الناحية التعليمية بس مش اسلامية ..و بريليانس لغات اسلامية ..فيه ناس بتشكر فيها جدا و ناس بتشتكي بس اظن انها بتتحسن مع الوقت و بتطور نفسها ...عموما اتمنى غير يدخل يفيدك و في الاخر انصحك بزيارة المدارس كلها و تاخدي انطباع بنفسك و تصلي استخارة قبل ما تقرري

ميرسى يا رانيا على الرد
ربنا يكرمك
بس قوليلى مش اسلامية يعنى مطنشة على الآخر ولا فى الوسط يعنى
وعاملين اية فى موضوع الانفلونزا دا

انا فعلا رحت من اسبوع كدة شوفت بعض المدارس بس كان فية مدارس كتير مقفولة
و عجبتنى القدس و الليدرز محش يعرف عنهم حااااجة

انا بنتي في القومية للغات وهي مدرسة حلوة ومهتمين باللغة جداااااااااااا

هى فعلا سمعت انها حلوة بس هى بعيد عليا اصل انا ساكنة فى سيدى بشر
هى اسعارها فى رينج كام

اليدرز ابنى فيها وممتازة
ناس محترمين بجد واى حاجة بيهتمو بيها
بياخدوا كتاب ماك ميلان
وليهم كتب يتاعت المدرسة كراسات يعنى
وكل تعليمهم بنظام الاغانى انجايزى وفرنساوى وقران وكلة
بيدرسوا القران بالتجويد وبيعلموهم الوضوء والصلاة واذكار قبل الاكل وبعدة
واحاديث كتير وادعية

انا فعلا لما رحت و اتكلمت مع المديرة اعجبت بكلامها
بس قلقت ان يكوون كتير على الاولاد يعنى انجليزى و فرنساوى و تجويد من كى جى
مع العلم انى كنت بدور على مدرسة تكون بتهتم بحتة التجويد دى
و كمان الملاعب لسة مكملتش
يا ترى انتى ابنك عامل اية فيها و هو فى سنة كام يا هوبة

معلش اسفة علي التأخير مصاريف القومية في الكي جي 1 10500 ج بيدفعو علي قسطين واي سؤال انا في الخدمةةةةة