كتبت بواسطة أم جورى

نادو يا قمر لازم تودى طقم وهما بيرجعوه اخر السنة

عاوزة اعرف الاقى فين الكوفر بتاع التويلت علشان عاوزة اجيبه للولاد فى المدرسة

بصى يا ام جورى هاتلاقيه فى سوبر ماركت كبير زى اولاد رجب او المحلاوى او ابو زكرى انا لاقيته فى سوبر ماركت ابا الى فى احمد فخرى
بس على فكره مالوش لزمه لانى انتى ما تضمانيش انه هيستخدامه فى المدرسه لانهم اطفال و استخدامه بيبقى صعب عليه

بصى بدل ما تجيبى الكفر و يبقى شيله اشترى من الصيدليه اكياس كفر للتويلت الكيس فيه 10 اكياس بجنيه يبقى فى الشنطه و تقولى للداده تحطهوله قبل ما يدخل التويلت و يترمى ده احسن حل انا نفعنى مع هنا جدا السنه اللى فاتت

كمان عايزه ااكد عليكم يا بنات ضرورى جدا طعم الحصبه و الكبدى الوبائى Aعند الدكتور ربنا يسترها مع اولادنا من السنه دى احسن الواحد خايف

بصوا انا جبتلها اللانش بوكس ده هو مش مقسم بس رخيص جدا ده ب 9 جنيه و نص و ماركه كويسه

و ده لبس المدرسه بس على فكره لا الخامه و لا التفصيل عجبنى و رحت قلت للمديره بتاعت المدرسه قالتلى استحملونا السنه دى و السنه الجايه نظام تانى خالص و هاننقل لمقر المدرسه الجديد و هايبقى نظام بيسين و جيم و كده رغم انها مدرسه حكوميه

جوجو انا شفته قبل كده فى كارفور بس تفتكرى الولاد هيعرفوا يتعاملوا معاه ولا الداده كل مره هتستخدمه

مروه منين اللانش ده ابو 9.5 جم
جميل ما شاء الله ورخيص جداااااااا

من هنا فى بورسعيد مش بقولكوا الاسعار غير خالص كان فيه واحد تانى ب 24 بس كبير قوى و معاه زمزميه هو شكله حلو بس ينفع اكتر للرحلات و كان فيه واحد تانى بس حشيته للرضع لان هون بوكس من تحت و من فوق مكانين كل واحد زى كوب بغطا ممكن عصير و ميه و ممكن اكل اطفال كان ب 8 و شويه تقريبا

بالنسبه للكوفر بتاع التويلت لو سبتيه فى المدرسه الداده هاتكسل تستخدمه و صدقونى مالوش لازمه الكوفر ده عندناا ب 24 جنيه بس منجد بمشمع عليه رسومات اطفال و اجنبى فيه غيره بس شفاف و بلاستيك فى الصيدليه بس مش عارفه بكام اكيد ارخص

نوجا
اخيرا المدرسه بتاعت محمد اتصلت بيا اسمها ميس نهال
وقالتلى على ميعاده وفصله