السلام عليكم يا حبايبي

طبعا الواحد مش هيلاقي حاجة يقولها بعد مع ام جوري ربنا يكرمها قالت كل حاجة

الانش بوكس فعلا زي ما ام جوري قالت بلاش اللي متقسم وحجمه يكون متوسط احسن والبلاستيك افضل من اللي عامل زي الشنطة
الشوز يفضل اللي نعلها يكون زي كوتشي السبورت علشان ما يزحلقهمش اثناء الجري

صباح الخير يا امهات ربنا يخليكوا حلوة الحاجات اللى انتو قلتوها هتساعدنى جدا لانى اول سنة مدارس و ربنا يستر

على فكرة يا جماعة كمان التوحيد و النور فيه شنط حلوة قوى و أسعارها أكتر من رائعة و بتعيش في حدود 30 و 40 جنيه يعني ممكن الواحدة تجيب 2 أو 3 يبدلوا فيهم وأهو كله تغيير

أنا كنت عاملة كدة مع بنتي بس هي كانت preschool وبعدين متنسوش إنه لازم يبقى معاهم في الشنطة فرشة أو مشط وفرشة أسنان ومعجون عشان يتعودو يغسلوا سنانهم بعد الأكل

ازيكو يا هوانم عملين ايه؟
انا جبت لبودى شوز حلو اوى من زلط الى فىعباس و كان حلو جدا و مريح بحوالى110
و فى زى هيبر ماركت متخصص فى ادوات المدرسه اسمه الفيومى على طريق صلاح سالم بيبيع الحجات دى بسعر الجمله

السلام عليكم من فضلك يام بودي هو الفيومي ده موجود فين بالضبط في صلاح سالم

السلام عليكم
اسمه محسن الفيومى قبل مطلع الكوبرى لو انتى جايه من بعد نفق الازهر بتكملى ومتطلعيش الكوبرى وتلفى من تحته واول ش يمين هتلاقى اليافطه بتاعته واضحه جدا

صباح الخير

افتكرت حاجة كمان

تحطى فى شنطة المدرسة بيبى ويبس اللى هى المناديل المعطرة بس طبعا

الحجم الصغير وفى كمان منها ديتول معقمة يعنى مناديل برضه

وتعوديه انه يمسح ايده بيها قبل الاكل وبعده

وحاجة مهمة بجد بس ما تتريأوش عليا

تفهموهم كويس جدااااااااااااااااااااااااااااااا ان محدش يدخل معاه التويلت

يعنى الدادة ممكن تساعده برة لكن ما تدخلش معاه او ما تلمسوش

فاهمنى طبعا لأن بلاوى بتحصل وبنا يستر على ولادنا كلهم

ام جوري .... كلامك صح وفيه كتير حذروني بردو وكمان في الباص بتاع المدرسه وياريت تفضلي تزني على المشرفه انها تاخد بالها كويس لان في بعض المشرفات في الطراوه وبتحصل مشاكل خصوصا السن الصغير .

طيب لو مسمعش الكلام طيب يبقى التعامل ازاي وخصوصا ان ابني واحنا في البيت غلبت اقله غطي نفسك لكن حاسه انه مش مستوعب اعمل معاه ايه واعلمه ازاي

Om gory ana wa2na hena fe el masyaf la2et me7alat laha foro3 fe city stars la2et 3andohom el shanta ely 2olty 3aleha we kaman el zamzameya benafs el shakl ely gowa gerab besara7a 7elween awi we 3alehom sha5syat spacetoon. Bas ana 7asa en el 2s3ar maghalyenha 3ashan el masyaf ya3ny el shanta fe 7odod 150 bas el zamzameya ghalya be 80. Heya el as3ar keda wala astana lama arga3 a7san ?