انا باحييكي يا مروه علي تفكيرك العملي و انا في موضوع المصروف ياعمل زيك السندويتشات واحيانا بعض الحلويات و اذا طلب مصروف باعتبره نوع من انواع التشجيع يعني اذا جاب درجه حلوه في الامتحان ادي له بس يكون معقول يعني 5 جنيه بالكتير و اساله جاب بيها ايه لاني باسمع عن ارقام خرافيه بياخدوها الولاد زي 10 او 20 جنيه و انا ابني كان في 2 ابتدائي و دي بتكون اول خطوه للفساد و لازم نسال نفسنا هما هيحتاجوا الفلوس دي يعملوا بيها ايه اذا كان معاهم اكلهم و شربهم

أنا كمان جبت الانش بوكس ب15 لأن جوزى قاللى الولاد بيفرحوا بالحاجة الجديدة

على فكرة انا مش بدى فلوس ولو حصل أى ظرف انا مفهمة مشرفة الباص

لو حصل للولاد اى حاجة تتصرف ولما اقابلها بعد الظهر بديها

يعنى قبل كدة حلا نسيت الانش بوكس اتصلت بيها وخلتها تجيبلها ساندوتشات

يعنى اتصاحبوا على مشرفة الباص دى الخلاصة هتنفعكوا جااااااااااااااااامد

وابؤا شوفوها كمان

ازيك ام جورى وحشتينى عندك حق فى اللى بتقولية عن مشرفة الباص انا كمان بعمل كدة المشرفة دى عندى اهم واحدة فى المدرسة انا يا سيتى اختفيت لان النت عندى واقع على طول ومش عارفين السبب خالص ولا عارفين الغلط فين ودلوقتى لما صدقت لقيتة شغال
كوكى انتى كمان وحشتينى جدا يا رب اعرف اكلمك النهاردة والنت يفضل شغال

اية يابنات دة حسستونى بالامل واننا ستات بيوت بجد كدة قد المسؤلية زى ستات زمان اللى تحوش وكدة
والله منا عارفة احنا طالعين خايبين كدة لية ...بس يلا نشجع بعض ونتنصح حبة وقاااااااااااااااااااائدنا مروة
دة انتى يامروة فتحتى كذا موضوع محتاجين نتكلم ونفكر فية ...ربنا يباركلك يارب
ومشرفة الباص دى بقة انا شكلى هزهقها منى ...والله لو عاوزة عنيا هديهوملها بس تاخد بالها من بنتى ...ربنا يصبرنى يارب

يا حياه احنا فيه موضوع فى الامومه و الطفوله اسمه بتلبسى ولادك ايه ما شاء الله يمكن فيه منكم يعرفوه زى ام جورى و ام ملك البنات هناك كل لبسهم لاولادهم ماركات بس واعيين بيجيبوا فى التخفيضات و بيلفوا و يعرفوا استفدت منهم كتير بس اغلبهم ولادهم اطفال يعنى مافيش لبس مدارس فماليش خبره بالاسعار عندكوا ايه احنا مدارسنا ملهاش طلبات يعنى كراريس و متجلده و الكتب اللى بتتاخد تتجلد بره و السنه اللى فاتت قميص ابيض فى بينك و جيب رمادى و كرافت نبيتى من اى مكان مش محددين اما السنه دى نقلتن مدرسه تانيه فاتحه اول سنه هى مش خاصه بس تجريبيه لغات مميزه و نفس نظام الخاصه و بمصاريف يعنى السنه اللى فاتت كنت بادفع فى الخاصه 1650 السنه دى الحكومه 1150 و هايخلوها تعيد السنه بس عاملين لبس من محلات مخصوص تروحيلهم جيب كارو كحلى فى اصفر و تى شيرت اصفر و لحد لدوقت عشان مدرسه جديده مش عارفيين حاجه مفيش باص بس هم متفقين مع واحد بميكروباص يجمع اسماء الاطفال بس انا مش هاودى بنتى بميكروباص و بهدله على ايه انا هاتفق مع سواق التناكسى اللى كان بيوصلها السنه اللى فاتت يوديها هنا مكانتش بتتاخر فى المدرسه يعنى قبل 1 بتكون فى البيت و بنتزل 8 و نص انتوا فى مصر انا عارفه عشان المسافات بعيده الطفل بينزل 7 و يرجع 5 انا ولاد قرايبى كده ساكنين فى الدقى و مدارسهم فى الزمالك بيتبهدلوا انا من امبارح و انا قاعده احمد ربنا على بورسعيد و اقول لجوزى قال و انا كنت باقولك ننقل مصر ههههههههههههه بس المدرسه الجديده دى المبنى بتاعها لسه لم يكتمل فالمدرسه دى اخده فصلين فى مدرسه تانيه و هتبدا بيهم kg1على ما المبنى بتاعهم يخلص انا حاسه بالفرق عشان انا المدرسه دى مش عارفه عنها حاجه احنا اول دفعه تدخلها بعكس التانيه اللى هى اصلا مدرستى و الفصل رائع مش دسكات و كده لا ترابيزات ملونه و صور و لعب كمان التواليت جوه الفصل و الداده قاعده مع الولاد و انا باظبطها فبتاخد بالها من هنا بس الجديده فيما بعد هاتكون احسن اما تستقر و كمان كله انجلش فهتقوى البنت و هى عندها استعداد و انا باخد بالى من نطقها و بظبط لها الاكسنت و هى كويسه انتوا لو كنتوا مكانى كنتوا هاتعملوا ايه مع العلم ان الخيارات محدوده فى بورسعيد خصوصا انى فى بورفؤاد و المدارس الخاصه فيها محدوده

صباح الخير يا قمرات
مروه انتى هايله ما شاء الله عليكى
نوجا يعنى هما اتصلوا بيكى وحددوا ميعاد علشان يعدوا عليكى ولا ايه انا كلمت المدرسه امبارح علشان اعرف الكلاس بتاع محمد قالولى الاسبوع الجاى
انا قلقت على سادينا جدا ربنا يطمننا عليها
انا لسه فاضل الشوز مجبتوش وباقى الحاجات هصورهالكم وانزلها
بس انا مصدومه الشنطه اللى جبتها من كارفور كارز ب 120 جم ديزنى نزل عليها خصم من اول امبارح بقت 95 جم متضايقه اوووووووووووى

بوسى وحشتينااااااااااااااااااااااااا جدااااااااااااااااااا
يا رب يفضل النت شغال وترجعى ترغى معانا تانى

طبعا انت غلطانة يا مروة ازاي تنقلي بنتك من مدرسة انت عارفة مستوها كويس انت بتقولي انك كنت فيها اما المدرسة التانية انت مش عارفة او مش متأكدة هي هتبقى اه و المدرسين فيها عملين اه و لو ضمنتي الكي جي هتضمني البري اذاي انما في المدرسة الي انت عارفها انت عارف فيها كل حاجة دة رأي

بصى يا ام ملك مدرسه السنه اللى فاتت ممتازه المدرسه اللى كانت مع هنا بس المدرسه مش لغات و كمان المدرسه معاها دلوقت بس بعد كده لا و المدرسه كمان معادتش زى ايامنا و الدراسه بعد كده مش ميه ميه يعنى احسن الوحشين انا اللى طمنى ان المدرسه التانيه اما طلبت مدرسين طلبت مدرسين خريجى تربيه تقدير امتياز و يكون معاهم دبلومه او ماجيستير و دورات متخصصه فى الكمبيوتر نى حاجه على مستوى عالى المدارس الخاصه ممكن يكونوا خريجى رياض اطفال و حتى تجاره و بتعرف شويه انجليزى كمان المبنى الجديد معمول على مستوى فده طمنى و كمان انا فى اى وقت ماتعجبنيش ممكن ارجعها آمون تانى مفيش مشكله لانى ماسحبتش ورقها و مش هاسحبه الا ما اتطمن خالص بس مستحيل انك تنقلى من خاص لحكومه و خصوصا لو تجريبى ده منعوا التجريبى العادى انه ينقل المدرسه دى عشان مناهجها مطوره عن التجريبى العادى و الانجليزى اكتر

انا مكنتش عارفة انا المدرسة الى كانت فيها عربي مش لغات طبعا كويس انك نقلتيها طبعا و كلامك بيقول ان المدرسة هتكون فعلا متميزة احنا في مصر عندنا مدرسة جمب بيتي بردو متميزة بس بتقبل من السن الكبير اسمها المستقبل للغات التجريبية المتكاملة