انا بقترح يا odo2da تروحي اور كيدز او محلات روكسي

او استني مهرجان كارفور بيبقى فيه الغالي والوسط والرخيص كله كله

ايوة فعلا عروض كارفور تقريبا هتبدا 3 اغسطس

اعتقد هتبقى رمضان والمدارس مع بعض

شكرا ل ام ملك ومريم ول ام فريدة ول ام جوري ووشكلي كده هاستنى عروض كاررفور
شكرا لاهتمامكم

كتبت بواسطة kouky5

نوجااا رجعتي من المصيف ولا لسه ياقمر ...واخبار الشنطة ايه جبتيها من هناك ولا لسه
انا رحت امبارح تشايلد مول علشان اتاكد من اللبس بتاع المصرية اذا كان اختلف عن السنة اللي فاتت ..لاقيته زي ما هو ..واتفرجت علي الشنط هناك اسعارها من 150 اللي من غير جرار 250 اللي بالجرار بس اشكالهم مكنتش عجباني اوي

انا هرجع ان شاء الله اول 8 . لا و الله ماجبتهاش قولت لما ارجع يمكن اشوف حاجات اكتر و اهو له فرع فى سيتى ستارز ممكن ابقى اروحه و انا باجيب لبس المدرسه. انتى جبتى اللبس و لا لسه ؟ نزلوا اللبس الجديد و لا لسه؟ و بالنسبه للشوز انا شوفت الولاد لابسيين شوز اسود بس كأنه كوتشى على لبس المدرسه فلأيته ماشى اكتر مع لبس المدرسه عن الشوز الاسود العادى و كمان ماشى مع لبس الالعاب عشان انتى عارفه انه اخضر فى كحلى . انتى هتعملى ايه فى موضوع الشوز ؟ هتجبيها منين ؟

-----------------------------------------------------------------------------------------------------------------------------------------------------------------------------------------------السلام عليكم
والله ليكم وحشه يابنات
وبعدين موضوعاتكم جميله قوي وافكار متقولوش
اخباركم ايه؟
بصوا انا استفدت كتير من الكلام اللي قلتوه
بس موضوع كارفور ده اولا هيبقى متاخر شويتين عاوزيين نخلص وبعديين وزحمه وانا من النوع اللي بيتخنق ده غير الرجاله انتوا عارفينهم همه لوحدهم مخنوقين
انا كنت بجيب مع اختي شنط ولادها كل سنه
من التوحيد والنور بس مش اي توحيد ونور بروحه يعني بالنسبه لي اللي في صلاح سالم ده حاجته حلوه والكوالتي مش مضروبه زي بتاع ميدان الاسماعيليه مصر الجديده
والغالي عمره مابيوصل للاسعار اللي بتقولوها يوصل ل100 اقصاها ده السنه اللي فاتت الله اعلم السنه دي هيبقى ايه؟ربنا يجعل كلامنا خفيف عليهم
اما الشوز فانا مع الرأي انها تبقى ماركه عشان تستحمل وربنا معانا بقى في الضغوط الكتيره اللي علينا-------------------------------------------------------------------------------------------------------------------------------------------------------------------------

ميس عصام انتى كمان وحشتينا أوى

مسز عصام انتي وحشاني اوي..اخبارك ايه واخبار الحضانة بتاعة الاولاد ايه مستنيه ردك في موضوع الحضانات

كتبت بواسطة noga76

انا هرجع ان شاء الله اول 8 . لا و الله ماجبتهاش قولت لما ارجع يمكن اشوف حاجات اكتر و اهو له فرع فى سيتى ستارز ممكن ابقى اروحه و انا باجيب لبس المدرسه. انتى جبتى اللبس و لا لسه ؟ نزلوا اللبس الجديد و لا لسه؟ و بالنسبه للشوز انا شوفت الولاد لابسيين شوز اسود بس كأنه كوتشى على لبس المدرسه فلأيته ماشى اكتر مع لبس المدرسه عن الشوز الاسود العادى و كمان ماشى مع لبس الالعاب عشان انتى عارفه انه اخضر فى كحلى . انتى هتعملى ايه فى موضوع الشوز ؟ هتجبيها منين ؟

تيجي بالسلامة ان شاء الله يا نوجا.. اللبس في تشايلد مول نزل فعلا بس انا مجبتش لاني لاقيت اللبس الصيفي بتاع كريم علي مقاسه لانه كان كبير عليه السنة اللي فاتت بس ممكن اجيب طقم كمان علي اللي عنده علشان يبدل فيهم بس اكيد الشتوي هحتاج بس لما ينزل في اكتوبر ان شاء الله ...بالنسبة للشوز فعلا زي ما قلتي اللي بتكون اسود بس من تحت عامله زي الكوتشي مش الكلاسيك هي دي اللي عملية اكتر بتنفع مع اليونيفورم العادي ووكمان مع لبس الالعاب ...لسه مش عارفة سمعت من بنت مصر بتقول علي ماركة حلوة اسمها اكتيف بس مش عارفة اجيبها منين ...تشايلد مول عنده شوز حلوة بس غالية انا عجبتني اوي بس كانت ب 250 بس هدور في اماكن تانية لو مالاقيتش هاضطر اجيبها ..السنة اللي فاتت جبت من لطفي وزلط اللي مصر الجديدة هي كويسة وسعرها معقوا كانت في حدود 160 تقريبا

على فكرة انا سمعت ان اكتيف كان منزل السنة اللي فاتت شوز حلوة اوي وكانت في حدود 120 بس اتنسفت ,, واحدة صاحبتي قالتلي انها سمعت عنها من واحدة وشافتها وعجبتها ولما راحت تجيبها قالولها ديه نزلت اسبوعين وخلصت...
الظاهر اننا لازم نشتغل مخبرين اليومين الجايين علشان نلحق نجيب حاجات المدرسة..!!

كتبت بواسطة odo2da

على فكرة انا سمعت ان اكتيف كان منزل السنة اللي فاتت شوز حلوة اوي وكانت في حدود 120 بس اتنسفت ,, واحدة صاحبتي قالتلي انها سمعت عنها من واحدة وشافتها وعجبتها ولما راحت تجيبها قالولها ديه نزلت اسبوعين وخلصت...
الظاهر اننا لازم نشتغل مخبرين اليومين الجايين علشان نلحق نجيب حاجات المدرسة..!!

على فكرة اكتيف دايما بيعمل خصومات انا جربته فى حاجات كتير

وفعلا بيستحمل جدااااااا وسعره حلو معقول

وكمان بيكون فى كوتشات ريبوك عليها خصومات انا جبت السنة اللى فاتت للولاد

وشغالين حلو أوى

بس نصيحة لما تجيبو كوتشى مش تجيبو الشكل اللى من أودام تحسى ان فى

جزء طالع كدة لفوق مش عارفة فاهمنى ولا لأ يعنى هاتوه فلات

والمقدمة بتاعته حتة واحدة مع الكوتشى

لانه بيتخلع والكوتشى كله بيكون سليم