واللة ربنا يستر بس معتقدش ان فية فرق فى المعاملة اصلا الحضانةمفيهاش دلوقت غير ابنى وولد كمان وبعدين اللى فهمتة من كلامها قبل كدة ان مش انا لوحدى اللى نزلت معاها بس هى من الواضح انها بتعمل كدة علشان يعنى انا مطلبش حاجة زيادة على اساس انى مسكينة وهى اتنزلت وخدت الولد اعتقد انها بتعمل كدة مع الكل و اللة انا مش عارفة حظى كدة مع المدرسة ومع الحضانة دة اكيد العيب فية لانى مش عارفة اختار ولا العيب فى المنظومة كلها وان الناس مبقاش عندها ضمير واللة ما انا عارفة

بوسي يا جميلة ...ما تؤنبيش نفسك ...شكلها بقت ازمة ضمير ... بس غريبة اووي حكاية ان مافضلش غير ابنك وواحد تاني ..باقي الاولاد راحوا فين ...يعني اهلهم نقلوهم من الحضانة ...لو كدة اسالي والدة الطفل التاني اللي مع ابنك في الحضانة ...يمكن يكون حصل حاجة خليتهم يسيبوا الحضانة او الاهالي مش عاجبهم اسلوب المديرة حاولي حبيبتي تعرفي السبب

يا جماعه مفيش حضانه كويسة فى اخرفيصل وتكون امان بامر الله لانى نازله ان شاء الله مصر قريب ومحتاجه فى منطقتى حضانه
كويسة ونظيفة ومش مهم الفلوس بس تكون امان

بصى يا كوكى الولد صحى من النوم وبيعيط وبيقولى مش هيرجعونى عندك تانى بس هو كل يوم بيقول كدة وبيرجع مبسوط من الحضانة ويقولى الحضانة حلوة على اخر النهار يغير راية ويقولى وحشة وعايز اعقد فى البيت بس انا النهاردة لبست وهنزل اروح معاة واحاول اسال فى الحضانة لية الاطفال مشيت ولما اشوف المهم لما ابنى لقانى هنزل معاة بيستعجلنى على انة يروح الحضانةواللة انا مشعرفة هو موقفة اية بالظبط من الحضانة ولا هو عايزها وعايزنى فى نفس الوقت قوليلى رايك اية

فى نفس الوقت انا كنت مرتاحة وهو فى الحضانة لانة بيتعبنى جامد جدا وبعدين لما ابتديت اودية الحضانة كان الولد قبلها نفبتة زى الزفت وبيعمل حركات وحشة كتير ولما وديتة الحضانة اتظبط شوية وبقى احسن وانا بقيت اهدى شوية لانى اصلا عصبية وكانت بردة طريقتى مش صح اوى معاة لكن انا مش عارفة الاحسن اية وانا لو قعد معاية تانى واحنا كمان ايم امتحانات لاختة اعتقد انى هرجع تانى اتعصب علية بس واللة دة غصب عنى لان الضغط لية جامد واللة وهو شقى جدا مش عارفة اعمل اية اكمل الشهر وبعدين يقعد لما اختة تاخد الاجازةواقدملة الدراسة الى جاية بيبى كلاس ولا اسحب الفلوس و يقعد من دلوقتى طولت عليك لكن معلش عايزة اعرف رايك

بصى يا كوكى انا لسة راجعة دلوقتى لما رحت مع ابنىاول لما دخل كان ماسك فية جدا وبعدين الميس قالتلو تعالى اديك بالونة راح لها ونسينى تماما وفضلت مستنية مسمعتوش بيعيط خالص ولا سال عنى اصلا وقعد يلعب بالالعاب ومع الاولاد وعلى فكرة انا رحت لقيت فى الحضانة اولاد حوالى 5 او 6 يعنى عدد كويس وبعدين مشيت وفضلت واقفة برة مسمعتوش بيعيط خالص فطمنت يبقى هو فعلا عايز الحضانة وعايزنى كمان لانة متعلق بية جدا ولاانتى اية رايك حتى المدرسة اللى كان بيقولى انها بتقولو انت مش هتروح عند ماما انا سمعاة كل شوية ينادى عليها ويخليها تعملة حاجة يعنى هو بيلعب بية ولا انتى اية رايك لو كان فى حاجة بتزعلة من الحضانة ماكنش هيعمل كدة وينسانى صح معلش انا طولت عليك جامد بس عايزة اسمع رايك

اولا السلام عليكم ورحمه الله وبركاته اولا ربنا يجزيكي خير يا كوكي علي الموضوع ده بصو انا عندي مشكله باختصار ان ابني يعاني من فرط حركه وتشتيت انتباه وهو مرضADHDالمهم عشان مطولش عليكم هو كويس جدا وطبيعي جدا ماعدا مشكله واحده انه مبيتكلمش هو عمره 5 سنوات واحنا قاعدين في السعوديه وانا حاليا في مصر عشان بديله تخاطب المهم مش هطول عليكو اني لفيت بيه لدكاتره مصر تقريبا كلهم ولم اترك مجال الا وخضت فيه وكلهم اجمعوا انه مش محتاج غير تخاطب وتعديل سلوك وانه يشوف اطفال عشان يلقط
منهم كلام المهم هو ابتدي من شهور يقول كلمات ولكنه بيتكلم زي ما يكون الطفل لسه بيتعلم المهم انا كمان عملتله اختبار ذكاء وطلعت النسبه 90 يعني عادي معلش طولت عليكو المهم انا كنت سالت البنات في منتدي حواء والله يجازيها خير الاخت رشا ردت عليا انه في حضانه اسمها الحضانه الدوليه بياخدو زي حاله ابني وبيهتموا فيهم وانا ان شاء الله راحه بكره عندهم انا بس عاوزه اسال اذا كان حد عنده معلومات عن الحضانه هم ناس كويسين ولا لا لاني طبعا خايفه عليه هي بتشكرلي فيها هي قالتلي انهم ماديين بس في النظام والمعامله كويسين فيار يت اللي تعرف تقولي وجزاكم الله كل خير واسفه اني طولت عليكم وادعولو ربنا يشفيه

حبيبتى لولوكوكى ربنا يشفيلك ابنك يا رب وتشفية احسن واحد للاسف انا معرفش حاجة عن الحضانة دى يا رب اللى يعرف يفيدك قلبى معاك

السلام عليكم ورحمة الله وبركاته
ممكن استفسر اذا حد يعرف حضانه نتهتم بتحفيظ القران فى مصر الجديدة
جزاكم الله خير

السلام عليكم
ازيكم يابنات موضوع فعلا رائع ومهم جدااا بس اسعار الحضانات فى مصر الجديده ومدينه نصر غاليه اوى ليه كده انا عندى اقدم بيبى كلاس فى مدرسه افضل
انا ساكنه فى الزيتون وديت ابنى فارس 3 سنين حضانه اسمها فتافيت السكر الولد مش حبباها خالص ولما بيشوف مديره الحضانه بيستخبى فيه وبيخاف منها وبيقولى شدتتلى شعرى طبعا
انا اتكلمت معاها فى الموضوع ده وحلفت انه ماحصلش بس الولد بيخاف جداااااا من الحضانه دى انا دفعت فيها 120 جنيه ومش عجبانى ولا عجبه الولد فوديته اسبوعين ومارحهمش كلهم كمان وقعدتته واللى مش عجبنى انهم بيعلموا ابنى الرقص وديما الاقى اغانى ولالطفال بترقص
وانا ماافضلش حاجه زى كده لابنى ماحدش يعرف حضانه تانيه وتكون بتحفظ قرءان واناشيد اسلاميه لانى محتاره بصراحه