كتبت بواسطة yaso79

السلام عليكم و رحمة اللة و بركاتة
موضوع تحفة و الردود مفيدة جدا
بصو يا جماعة انا ساكنة فى زهراء مدينة نصر و للاسف كل الحضانات الى حوالينا سيئة جدا بس الى بيصبر انها قريبة و اسعارها موش وحشة
لكن كلهم فى شقق يعنى مافيش جاردن الاولاد يلعبو فيها او كدة
بس انا كنت باودى ابنى على مواعيد الكلاس بالضبط و اخدة لما يخلصها
هو دلوقتى كبر فى kg2 فى مدرسة عباس العقاد التجريبية
بس المشكلة فى اخته طبعا مستوى الحضانات الى حوالينا سىء جدا و اهمال على مستوى عالى
نفسى اوديها نص شهر فى حضانة كويسة بس مايزدش النص شهر دة عن 150 او 200 بالكتير اوى
و تكون ناحية عباس العقاد قبلها بشوية او بعدها بشوية
لان انا الى باوصل ابنى و اجيبة و بعد كدة عندنا تمارين و يوسى ماس فحاجة صعب جدا انى اوصلة و ارجع الزهراء و اوصلها و ارجعلة تانى و اروح اخدها و بعد كدة تمارين الاتنين
يا ريت حد يساعدنى و تكون حضانة كويسة مهتمين فيها بالتعليم
فى ناس قالولى ان حضانة نيو بامبينو ب 260 فى الشهر بس انا رحت اسال عنها تهت غير ان اى حضانة قريبة من عباس العقاد ب 500 فى الشهر
متشكرة اوى

طالما انتى ساكنة بزهراء مدينة نصر فمعناها ان التجمع الاول قريب جدا بالنسبة لك و فى حضانة هناك فى شارع جهاز المدينة اسمها حضانة سما النموذجية و بـ 200 جنيه فى الشهر تقريبا و فيها اهتمام كويس و انا بودى بنتى فيها و على فكرة انا بوديها و هى عمرها 9 شهور لان عندهم البيبى رووم نظيفة جدا

السلام عليكم و رحمه الله و بركاته
الصراحه ماشاء الله الموضوع اكثر من رائع و بارك الله فيكم جميعا
انا ابني عندو 3 سنوات و انا سكنه في النزهه الجديده و كنت عاوزه حضانه كويسه له علشان تاهله للمدرسه و علشان تعلموا انجليزي كويس لاني و الله حولت معاه و مش مستجيب ليه او بمعني اصح بيدلع عليه خصوصا اني مش فضيه قوي لاني اتشغلت باخته الضغيره اللي لسه مشرفه و طبعا الغيره ايه مقلكوش و علشان كده عايزه حضانه اكثر من ممتازه لو تعرفوا تكون جنبي او ناحيه مصر الجديده و طبعا عايزه الاقي منها التقاير اليوميه و اعرف ايه نشطاطها
بس ارجوكم ردوا عليه بسرعه لاني عايزه ادخله في شهر 11 ان شاء الله

السلام عليكم ورحمة اللة و بركاتة
لو سمحتو لو حد يعرف رقم تليفون او الموقع الالكترونى للمدرسة اللى فتحت فى الشيخ زايد فى الحى الاول بجوار الجامع يا ريت تكتبولى اى معلومات عنها ضرورى عشان عايزة ارجع من السعودية وادخل ولادى فيها

مفيش حد يعرف عن المدرسة حاجة يا سكان زايد

بتوفيق

كتبت بواسطة sosa_yoyo

طالما انتى ساكنة بزهراء مدينة نصر فمعناها ان التجمع الاول قريب جدا بالنسبة لك و فى حضانة هناك فى شارع جهاز المدينة اسمها حضانة سما النموذجية و بـ 200 جنيه فى الشهر تقريبا و فيها اهتمام كويس و انا بودى بنتى فيها و على فكرة انا بوديها و هى عمرها 9 شهور لان عندهم البيبى رووم نظيفة جدا

اختي الله يسعدك
ماهو العنوان او رقم التلفون لو سمحتي ؟

احدث حضانة تعليمية لغات فى الهرم حضانة سمارت ستارز اكاديمى
اتفضلى حبيبتى احدث حضانة تعليمية لغات فى الهرم حضانة سمارت ستارز اكاديمى ودى بتؤهل الطفل للقبول بمدارس اللغات وفيها تحفيظ قرآن وتعليم سلوكيات للاطفال وتنمية مهاراتهم وبرامج تعليمية متميزة وحصرية لتنشيط ذكاوات الطفل المتعددة زى الذكاء السمعى والبصرى والاجتماعى وفيها انجليزى وفرنسى وألمانى كمان ومتوفر سيارة لتوصيل الاطفال والمواعيد من 7.3 صباحا لغاية 5 مساءا وممكن تأخير ساعة كمان تبقى لستة وفيها استضافة الاطفال بعد مواعيد المدرسة وكمان انشطة ودورات تدريبية لأطفال المدارس فى اجازة آخر العام واجازة نص العام من سن 5.5 سنوات وحتى 16 سنة ,والعنوان 396 شارع الهرم بجوار محافظة الجيزة الدور الاول شقة 3 واتفضلى صور الحضانة

السلام عليكم يا جماعة

انا بنتى عندها سنتين لية تجربة مع حضانتين
الاولى اسمها جنتى فى شارع مصطفى بكير فى سانت فطيمة مصر الجديدة
هى كبيرة جدا و بنظام المنتسورى و لكن لفت نظرى ات عدد الاطفال كتيييير جدا الاول فلت اجرب و لكم بصراحة صاحبتها وشها كئيب اوى و متجهمة بقيت كل اما اشوفها اكتئب فخفت على البنت

وديتها واحدة تانية صغيرة ادام نادى الطيران اسمها ياسمين صاجبتها مابتاخدش غير 20 طفل و البنت بترجع نظيفة جدا
الحضانتين ب 500

لكن انا مشكلتى مع بنتى انها مش عاوزة تروح بتنزل بالعياط و مش يتندمج مع الاطفال مع اتها العكس خارج الحضانة و بليل و هى نايمة تفضل تقول انها مش عاوزة و بقت عدوانية
اتكلمك معاها و سحبتها فى الكلام كنت فاكرة بيعاملوها فحش ولا بيضربوها بالعكس قالتلى انهم بيلعبوها كورة و على العربية و يقولوا نور حلوة و جميلة

فقلت اسألكم هل دة لانها مرتبطة بية؟ طبيعى يعنى و هل اوديها متقطع؟ انا وديتها اسبوع كامل و مترددة مع العلم اتها شقية جدااااااااااااا ولا الولاد. و برتاح شوية لما بتروح الحضانة.
فيدونى الله يكرمكوا


ام نور

السلام عليكم ورحمة الله وبركاته
واضح ان الموضوع قديم ومحدش دخل من فتره بس الله يكرمكم لو حد يقدر يفيدنى ويرد عليا عن حضانه كويسه فى الدقى او المهندسين,وحد سمع عن الحضانه السويسريه المتفرعه من مصدق كويسه ولا ايه؟؟

فى حضانه فى مساكن شيراتون فى مربع الوزراء اسمها AB دة كويسه اوى و رخيصه بالنسبه للى حواليها بتقبل من سن 3 شهور و الناس هناك محترمه اوى و عندهم انشطة كتير و مدرب اطفال متخصص من وادى دجله و دى مفيش حضانة عملتها ابدا ! وده كمان صفحتهم على الفيس
AB Nursery & Pre-School - حضانة AB مساكن شيراتون - هليوبلس - القاهرة - Cairo, Egypt | Facebook