كتبت بواسطة adam_mh

السلام عليكم ورحمة الله وبركاته
ازيك يا حبيبتي قلبي انا اعرفك من موضوع مدارس مدارس
واعرف كمان انك عجباكي المصرية الدوليه
بس ممكن سؤال المدارس التاليه ممكن ترشحيلي افضل اثنين
1-الطلائع الأسلامية 2- مدرسة طبري لغات 3- الجيزة 4- دار الحنان
وهل المصرية الدولية افضل منهم وفي ايه ؟
معليش هتقل عليكي طيب تعرفي مدرسة طلائع الكمال الإسلامية بتاعت مصر الجديدة اسمع اني لها فرع في الهرم تعرفي عنوانه لو امكن
معليش اعذريني انا تقلت عليكي
وشكرا علي مجهودك):KK

أزيك يا حبيبتى عامله ايه الحمد لله انا بخير غير ان ابراج عقلى طارت من موضوع المدارس ده ههههه
انا صحيح عجبانى المصريه الدوليه لكن سعرها يعتبر مرتفع بالنسبه لى خصوصا انى بفكر لقدام يعنى لسه فى مصاريف حاجات تانيه و كل سنه المدرسه هتغلى عن دلوقتى فهى دى المشكله لكن المدرسه من وجهة نظرى حلو و تقريبا احسن مدرسه انا شوفتها المدارس الأرخص يا اما بعيده اوى عنى يا اما القريبه جبتلى اكتئاب

- رقم واحد من وجهة نظرى الطلائع الأسلاميه أولاد صاحبتى فيها و مستواهم ما شاء الله حلو جدا و سعرها جميل تقريبا 2200 برى 3 و بياخدوا انشطه و مهتمين بالأولاد و بيدوهم بوكليت كمان بصراحه مدرسه هايله انا مشفتهاش بس من اللى بسمعه عنها و بالسعر ده تبقى حلوه جدا

- رقم اتنين دار الحنان بنت واحده صاحبتى فيها و بتقول انها معقوله و الأعدادى و الثانوى بتوعها احلى من الأبتدائى بكتير على كلام صاحبتى

- معرفش حاجه عن الطبرى

- بالنسبه للجيزه لغات انا روحتها المدرسه كويسه من حيث الأهتمام بالناحيه التعليميه و الأخلاق و اللى حاسسنى بكده كلامى مع مدير المدرسه راجل تربوى و مسئول .. الأنشطه ضعيفه و مش بيدولهم كمبيوتر مش بيدخلوا المعامل يعنى المدرسه كثافتها منخفضه جدا وديه ميزه بس فى المقابل صغيره و ضيقه جدا و الفصول ضيقه اوى

الراجل قلنا ان برى 4 مش هيقل عن 2800 يعنى ممكن يوصل 3000 + قولى 1200 باص للرمايه (حيث اسكن) + 300 يونيفورم يبقى بنتكلم فى 4500 تقريبا و انا شايفه ان ده كتير عليها

انا روحت كمان مدرسه محرم و هحط تقريرى عنها فى المشاركه القادمه ان شاء الله

- طلائع الكمال معرفش حاجه عنها بصراحه

بصى انتى بنتك فى الفاروق لغات ما تستنى عليهم يمكن يتصلحوا على كى جى 2 المدرسه سمعتها حلوه مش بالساهل هتلاقى زيها و بعدين لو متعدلوش ابقى انقليها على برى1

معلش عاوزه اسألك هى مصروفات الفاروق قد ايه لأن اختى احتمال تدخل بنتها فيها

و اى حاجه تانى انا فى الخدمه
وفقنا الله و اياكى لخير ما يحب و يرضى

انا كمان روحت محرم اتفرج عليها


هرجله و هيصه و محدش رضى يفرجنا على حاجه و ام هناك شوفتها شكتلى منهم اوى و كانت عاوزه تنقل ابنها و المفاجأه القاصمه و التى جعلتنى اسقط هذه المدرسه تماما من حسباتى ان الولد قالى انهم 40 فى الفصل و كمان المدرسين بيضربوهم !!!!!!!!
مفيش اهتمام بالصلاه غير للكبار
الأداره مش فعاله اوى المدرسه كبيره و كثافتها عاليه و مفيهاش rules واضحه

اللى يضحك اننا لما طلبنا نتفرج على المدرسه قام واحد من المسئولين نده الداده و قالها فرجيهم على فصل كى جى قالتله الفصل مقفول قالها فرجيهم من الشباك ؟؟؟؟؟
هههههههههههههههه و الله هم يضحك و هم يبكى
و كان فى اولاد كتير اوى و امهاتهم اتاريهم جايين مجاميع تقويه

adam_mh

كمان انتى بتسألى ايه الفرق بين المصريه و المدارس التانيه

المصريه بتحسى معاهم انهم ناس فاهمين بيعملوا ايه و عندهم سيستم ماشين عليه و ان المدرسه مش معتمده على فرد او على ميس لأ ادارة المدرسه تعتمد على سيستم موضوع و الكل بيمشى عليه بصراحه هى فيها كل حاجه:
الناحيه التعليميه تمام
الأهتمام بالأطفال و معاملتهم تمام
تعاون الأداره تمام
الأنشطه تمام
المدرسه واسعه و نظيفه جدا و صحيه من حيث التهويه و الأضاءه
أسلاميه فيها تحفيظ قرأن و اهتمام بالصلاه و فصل بين الأولاد و البنات
كثافة الفصول منخفضه
فى نفس الوقت تعتبر قريبه منى

يعنى فيها كل الحاجات اللى مبتلاقيهاش مجتمعه فى مدرسه تانيه
يعنى بصراحه بحس انهم مسددين خناتهم كويس
و الله اعلم وربنا يهديهم و يفضلوا كده علطول
يا ريت لو نتلم كلنا عليهم و نخليهم يعملولنا خصم كبير شويه ههههههههه

و الله الموفق

بصي يا مسلم انا حكيليك علي مدرسة الفاروق الهرم وقوللي ايه رايك
اولا طلبو في اول الدراسة الكراريس وورق كانسون وكراسة كانسون والوان وخيط صوف وترتر
ورزمة ورق تصوير وعلبة مناديل وصلصال وكراريس رسم للأنشطة اه وفرع زينه وورق كريشه يعني طلبات بحوالي 100 جنيه ماشي
وقالوا الحاجات ديه للفنون وهتجيلك اخر السنه في الفايل بتاعها والأعمال الفنيه اللي عملوها
وكنت عجبني اني بروح اخد البنت من الكلاس نفسه واتكلم مع الميسات معهم براحتي ومعايا كمان ارقام التليفونتهم
ثاني حاجه وانا بتفرج علي المدرسة ايام التقديم قالو في قسم الكي جي في لعبة الدوده والعاب ليهم وفرجوني علي جاردن رمليه عبيطه قوي مافيهاش غير زحليقه والباقي ارنب بايظ
وبعدين الرحل الترم الأول قالوا رحله مجانا لي حديقة الأزهر وبعدين قالو لاغينها وخلينها حديقة الحيوان فطبعا مابعتش البنت الرحلة , ورحله الترم الثاني لسيرك عتاب بان في الرمايه ب10 وخلاص علي كدها
وبالنسبه الدراسه كانو التيرم الأول ماشين واحده واحده وبصراحه ده كان كويس
والنت كانت شاطره في التيرم الأول كان العربي لحد س والإنجليزيي لحد L والماث 5
اما التريم الثاني بدأو يجرو ويدوبك خلصوا حروف العربي واخده كتابه علي حرفين بس اسد و بطة وانا إسمي مريم
والنجليزي 3 كلمات كتابه بس cat dog hat
والماث من 1:20 وكتابه one - two - three
والجمع في حاجات بسيطه هوه ده الماث عندهم
اما الأكبر والأصغر ما اهتموش بيه قوي وكانت طريقة الشرح مش واضحه للبنت
وكمان كانوا بيدوم حساب وفي الأخر ممتحنوش فيه ومش عارفه ليه كانو واجعين به دمغنا طول السنه من1 :20
اما الدين كان التحفيظ عباره عن مقرأة لامين حوالي 3 كلااسات في فصل واحد المقرأة تقرأ ة السور وخلاص
والبنت كانت مش بتحب تحضر من كتر العدد ومش بتحب الصوت العالي
والكمبيوتر مكنش فيه ليه كتاب اصلا ومدوش حاجه فيه يدوبك كانت تقعد علي الجهاز بتقلي بنلعب وخلاص
معأني في مدارس تانيه كانوا عاملين ليهم كتاب ظريف للكمبيوتر
اما الشيتات طبعا اساسا احنا اللي جايبين الورق بس كان الشيت بيجي في نصف ورقه وكلام صغير كانو بقولوا اللي مسئول علي التصوير هوه الي عامل كده
والأمتحانات هوه امتحان شهري واحد في الترم الأول وامتحان التيرم وامتحان الترم الثاني وامتحان اخر السنه بس
بس كل اسبوع في مراجعه يوم الخميس ولما كانوا بيدو شيت قبل الأمتحان قلاقيه عبارعن تجميع شيتات الترم كله ومكنش فيه تجديد يعني خلاص البن حظت حرف كذه بجيبوا كلمة كذا وخلاص مع اني كل حرف عليه 3 كلمات أ كلمة اسد ابرة اذن في كل ورق المراجعات مكنوش يجيبوا غير كلمة اسد
وبصراحة البنت كانت شاطره التيرم الأول اما التير الثاني لما بقي حرفين في الأسبوع مكنتش مركزه قوي وبصراحه انا كمان مكنتش مركزه معاها ولما بدات اشكي
قالو اني بنتي التيرم ده بقت سرحانه مش بتكلم زي الأول طيب كان فين الكلام ده من قبل كده ماقلوش إلا لما بدات اشتكي
وكل لما اقول للميس البنت مش شاطره تقولي بنتك بتدلع عليكو هيا معايا زي الفل اه كانت تعرف تتملي الحروف بس مش عارفه ده حرف ايه هيا كانت بتكتب وخلاص حافظه كتابه
ومفيش ولا اغنيه عربي خادوها اما اغاني الانجليزي اغنيني بيبي دونت كراي وهيا اساسا حفظاها من الأول واغنية لكرافت لايت اشارات المرور بس
وكمان كان في مجموعة كتب مثل صغيرة من اكسفورد اسمها potato plas
علي ما اذكر كانو بيخدوها ومعاها اسطوانه اسماع فقط ولما انا عملتلهم اسطوانة عليها نفس اغاني الكتب بس مصورة فيديو من علي النت عشان تجذب الأطفال اكتر مهتموش بيها حتي عملتلهم اسطوانه اغاني عربي للحروف الآبجدية والأنجليزية الارقام وايام الأسبوع وكله مصر فيديو بردو مهتموش بيها مع اني ده بساعد الأطفال علي التركيز مع الأغاني اكتر
وكمان ملكيش علي لبسهم مش حلو خالص اساسا حكاية الدرل ديه مش نافعه حتي كولون واحد مش بكفي يدفي وكمان الجو بكون بارد جدا
بس بصراحه الكلاس بتعهم كان جميل قوي وتهوية حلوة والعدد كان 25
انا فعلا طول عليكي قوي طيب شوفي تحبي تسالي في ايه تاني وان ارد عليكي
ومصاريفها 3526 لغات واللبس تي شيرت صيفي 30 شتوي 40 درل 35 جاكيت 86 وخفيف جدا مجبتهوش وتريننج بي 90 وكله حسب المقاس وحسب العدد اللي انتي هتجيبيه واحسبي
وطبعا بابا كان بوديها وانا اجبها بس

اه وكمان مكنش فيه غير حفلة العيد الضحي فقط ولما بقولهم ليه مشتركتش فيها قالو ي جي 1 ليسه صغير واساسا لاحظنا كي جي 1 قسم العربي اشترك اشمعني بقي اللعات وحفلة عيد الطفوله بعد ما البنت حظت الأغنيه وراحت لابسه فستا ولا العروسه والله قالو لاغينها عشان هما صغيرين وخلنها لكيجي 2بس طبعا برده العربي عشان كان هوه كلاس واحد بس لغات وديه اول سنه
اما الموسيقي يعني عاديه واخر السنه قالتلي الأمتحان اخر 4 26-4
وهيروحي لحد اخر يوم وبعدين ياخدو اجازه جم قبلها من شم النسيم قالو ميجوش ورجعو في البيت او اللي عاوز يجي يحضر عادي ولما وديت البنت بعد شم النسيم وقلت للميس راجعي معاها عشان مستواها مش عجبني وبعد الشيت بتاع المراجعه عشان تشرحلها h...t , c...t
, do... اكمل يعني بتتحل ازاي عشان البنت كانت غير مدربه عليها خالص لاقتها جابتلها ورقه وكتبلها hat cat dog
وقعدي اكتبيهم يا حببتي وبس وميس العربي مفيش اصلا أمال عملتي ايه في الكلاس قالتلي الميس جابت المكعبات وخلتهم يلعبو وده كان قبل الأمتحان ب4 ايام شفتم
رحت انا مودتهاش تاني رجعتلها في البيت وكمان النتيجه طلعت بس انا ليسه مجبتهاش وكمان مفيش حفلة

كتبت بواسطة SOSO72

مدرسة سانت فاتيما للغات


العنوان:66 شارع اسماعيل القبانى - مدينة نصر - القاهرةرقم الهاتف:2600803
4023540

مدرسة سانت فاتيما مش راهبات؟؟
متاكديين من المعلومة دي وهيا نفسها اللي في العباسية ولا دي واحدة تانية

ايوة مدرسة سانت فاتيما مش راهبات واحسن فرع هو فرع الحجاز

كتبت بواسطة adam_mh

اه وكمان مكنش فيه غير حفلة العيد الضحي فقط ولما بقولهم ليه مشتركتش فيها قالو ي جي 1 ليسه صغير واساسا لاحظنا كي جي 1 قسم العربي اشترك اشمعني بقي اللعات وحفلة عيد الطفوله بعد ما البنت حظت الأغنيه وراحت لابسه فستا ولا العروسه والله قالو لاغينها عشان هما صغيرين وخلنها لكيجي 2بس طبعا برده العربي عشان كان هوه كلاس واحد بس لغات وديه اول سنه
اما الموسيقي يعني عاديه واخر السنه قالتلي الأمتحان اخر 4 26-4
وهيروحي لحد اخر يوم وبعدين ياخدو اجازه جم قبلها من شم النسيم قالو ميجوش ورجعو في البيت او اللي عاوز يجي يحضر عادي ولما وديت البنت بعد شم النسيم وقلت للميس راجعي معاها عشان مستواها مش عجبني وبعد الشيت بتاع المراجعه عشان تشرحلها h...t , c...t
, do... اكمل يعني بتتحل ازاي عشان البنت كانت غير مدربه عليها خالص لاقتها جابتلها ورقه وكتبلها hat cat dog
وقعدي اكتبيهم يا حببتي وبس وميس العربي مفيش اصلا أمال عملتي ايه في الكلاس قالتلي الميس جابت المكعبات وخلتهم يلعبو وده كان قبل الأمتحان ب4 ايام شفتم
رحت انا مودتهاش تاني رجعتلها في البيت وكمان النتيجه طلعت بس انا ليسه مجبتهاش وكمان مفيش حفلة

بصى حبيبتى متزعليش نفسك
بالنسبه لمصاريفها اعتقد المفروض مستواها يبقى احسن من كده

للأسف انا مقدرش افيدك اوى فى موضوع الحكم على اللى خدوه فى كى جى 1 لكن من قرأتى لردود الأخوات فى الموضوع الأخر متهيألى هم ملخبطين و مش مهتمين
ليه بقى انا مقدرش افيدك هقولك:
أنا اصلا دخلت بنتى كى جى 1 متهيألى مكملتش حضور شهرين من السنه كلها
كانت كل ما اوديها يوكين و تعيا فأغيبها و هكذا لحد ما السنه خلصت .. المهم انا كنت شغاله معاها من قبل المدرسه فى الحروف العربى و الأنجليزى و الأرقام عربى و انجليزى و كنت جيبالها برامج على الكمبيوتر و معلماها جمع و طرح على بسيط فبصراحه مكنتش مهتمه بالمدرسه خالص انا بس كنت عاوزاها تروح علشان تبقى اجتماعيه و تاخد على الأطفال لكن كاناحيه تعليميه كنت انا بعملها اللى انا عاوزاه و مش معتمده على المدرسه نهائى و بعدين دخلت من كى جى 1 على برى 1 علطول يعنى مأخدتش كى جى 2 و كنت حاسه ان مستواها عادى زى باقى اصحابها مش اقل منهم هى كانت بس فى الناحيه الأجتماعيه لسه متعرفش تتصرف كويس لكن تعليميا محستش بفروق خالص و لا عمر الميس بتاعتها اشتكتلى من كده

فأنا عاوزه اقولك لو معرفتيش تلاقى مدرسه احسن متزعليش حاولى انتى معاها تعملى اللى انتى عاوزاه و هتلقيها بتتعلم معاكى احسن من المدرسه كمان كفايه مفيش خروج فى الجو السىء ده و تضيع اغلب اليوم فى المدرسه
و ده ميمنعش انك تشوفى حد مسئول فى المدرسه و تشتكيله من كل السلبيات ديه و لو فضلوا على كده انتى هتمشى البنت من المدرسه و كمان هتكتبى رأيك بالتفصيل فى المنتديات على النت هدديه فى ناس مبتجيش غير بالعين الحمرا
و قوليله ان مصاريف المدرسه مش رخيصه علشان يبقى الوضع كده
طيب قوليلى انتى ساكنه فين يعنى مدارس المريوطيه تنفعلك و لا هتبقى بعيده عليكى؟

أنا رأى فى السن الصغير ده شوفى اقرب مدرسه ليكى حتى لو كانت رخيصه اوى و سجلى البنت فيها و خلاص و اهتمى انتى بيها فى البيت و على برى 1 و حتى بعد كده ابقى انقليها مدرسه ابعد شويه تكون كبرت و عرفت تعتمد على نفسها
ايه رأيك؟

كتبت بواسطة possy26

ايوة مدرسة سانت فاتيما مش راهبات واحسن فرع هو فرع الحجاز

جزاك الله خيرا يابوسي على الرد ماتعرفيش مستوى سانت فاتيما اللي في العباسية تعليميا ايه؟ ياريت اي حد عنده فكرة يقولي دي تبقى جنب مكتبي على طول وابقى حليت مشكلة المواصلات

سانت فاتيما فعلا مش راهبات بس مسحيين ومشتركه وبتاخد سن كبير بس هي دي عيوبها واللي اعرفه ان احسن فرع مدينه نصر وفيها IGمدرسه عريقه اما بتاعه العباسيه لااعرف عنها غير انها نفس اداره مصر الجديده مها محرم عندها معلومات كتير عنها