كتبت بواسطة زقزوقة و زقزوق

ازيك يا مسلم

بصي يا قمر هل مدرسة الجيزة دية تعتبر أقرب مدرسة ليكي من المصرية و محرم ، و لا ايه ؟

يا ريت تحطي مسألة القرب و البعد من المدرسة دي في اعتبارك برده و انتي بتفكري

و روحيهم برده تاني عشان تقدري تقرري و تقوليلنا رأيك

و برده استني تقرير عبير المتين يوم السبت

و ربنا معاكي و يوفقك ان شاء الله

و انت ما فكرتيش في جينيس ليه ؟

أهلا يا زقزوقه حبيبتى
ايوه يا زقزوقه مدرسة الجيزه ديه خلف الميريديان مباشرة و انا جنب نادى الرمايه فقريبه جدا

بس انا برده لما باجى احسبها الاقى الفرق بينها و بين محرم فى الفلوس حوالى 500 جنيه و محرم احسن منها 100 مره من وجهة نظرى يعنى شايفه انى متستهلش انى ادفع فيها 4500 و محرم قدامى ب 5000

عموما ان شاء الله انا هروحهم كلهم التلاته اتفرج عليهم وربنا يريح قلبى لواحده منهم و ارتاح

بالنسبه لجينيس هتعدى ال 6000 و ده كتير بالنسبه لى ده انا مكنتش عاوزه اعدى ال 4500 و مش لاقيه حاجه مرضيه بالرقم ده
ربنا يرحمنا المدارس بقت حاجه فى منتهى الأستغلال

كتبت بواسطة muslium

أهلا يا زقزوقه حبيبتى
ايوه يا زقزوقه مدرسة الجيزه ديه خلف الميريديان مباشرة و انا جنب نادى الرمايه فقريبه جدا

بس انا برده لما باجى احسبها الاقى الفرق بينها و بين محرم فى الفلوس حوالى 500 جنيه و محرم احسن منها 100 مره من وجهة نظرى يعنى شايفه انى متستهلش انى ادفع فيها 4500 و محرم قدامى ب 5000

عموما ان شاء الله انا هروحهم كلهم التلاته اتفرج عليهم وربنا يريح قلبى لواحده منهم و ارتاح

بالنسبه لجينيس هتعدى ال 6000 و ده كتير بالنسبه لى ده انا مكنتش عاوزه اعدى ال 4500 و مش لاقيه حاجه مرضيه بالرقم ده
ربنا يرحمنا المدارس بقت حاجه فى منتهى الأستغلال

على فكرة يا مسلم مصاريف المصرية و جينيس قريبة من بعضها قوي ، يعني الفرق حوالي 400 بس
يعني أنا لما سألت على مصاريفها لأولى ابتدائي قالولي 4600 ، و مصاريف المصرية 4200
بس جينيس أحسن و لا المصرية

http://www.qurtuba.info/App_Forms/default.aspx

بصى يا زقزوقه جينيس أجدد و يمكن تلاقى شكلها احلى بس انا مشفتهاش الحقيقه و مقدرش احكم عليهم انا شوفت بس الموقع بتاعهم و عجبنى جدا
عموما انا بحس انها هى و المصريه نفس المستوى و المصريه بتتميز عنها من وجهة نظرى بأنك تحسى معاهم ان فيه نظام معين و سيستم ثابت لا يعتمد على وجود فرد من عدمه

كتبت بواسطة muslium

بصى يا زقزوقه جينيس أجدد و يمكن تلاقى شكلها احلى بس انا مشفتهاش الحقيقه و مقدرش احكم عليهم انا شوفت بس الموقع بتاعهم و عجبنى جدا
عموما انا بحس انها هى و المصريه نفس المستوى و المصريه بتتميز عنها من وجهة نظرى بأنك تحسى معاهم ان فيه نظام معين و سيستم ثابت لا يعتمد على وجود فرد من عدمه

ازيك يا مسلم

فيـــــــــــــــــــــــنك

طيب ليه يا مسلم مروحتيش جينيس و اتكلمتي معاهم ، قبل ما تقرري مين الأحسن هي و لا المصرية ؟

كتبت بواسطة muslium

جزاكى الله خيرا يا اختى على الموضوع المفيد
أنا برده من رأى انه مهما كانت المدرسه غاليه مش هتبقى كفايه و كده كده هضطر أديها يوسى ماس و كورسات انجليش يبقى معنى كده ان ديه فلوس بتترمى على الأرض حرام انا ممكن اعملها حاجه افيد بيها
بس المعضله الصعبه ايه هى المدرسه اللى سعرها معقول و مستواها معقول ؟؟؟
بالنسبه لمجموعة الهرم انا جبت من الدليل اسامى و عنواين بعض المدارس و اتصلت بيهم علشان اعرف الأسعار
بس الحقيقه معرفش حاجه عن المستوى التعليمى محتاجه اسأل اولياء امور اولادهم فى المدرسه يا ريت لو نساعد بعض يبقى خير:

-- مدرسة طبرى لغات
شارع سقاره المريوطيه - 33814123
المصروفات 2000 و الباص فى حدود 1000

-- الرضوى لغات
96 شارع المريوطيه امام كوبرى منشأه البكارى - 37454928
المصروفات 2000 و الباص فى حدود 1000

-- سباتس الخاصه
شارع عز الدين عمر - 33865030

المصروفات 1500 و الباص 1500

بس ديه مستوى رفيع مش لغات

-- الجيزه لغات
الرمايه خلف فندق الميريديان شارع روضة الأهرام - 338331042
المصروفات 2000 و لاباص 1000
و فى أخت فى منتدى اخر ليها قريبه اولادها فيها و بتشكر فيها

-- أم القرى الخاصه
2 شارع التربيه و التعليم - الهرم - 33867290
1000

-- الزهراء الخاصه
50 شارع العروبه الهرم - 33865225
1250

-- عز العرب الخاصه
24 شارع جعفر الهرم - 35860879
1500

-- الفردوس الخاصه
3 شارع احمد عرابى الهرم - 33855188
1500

-- فضل الخاصه
4 شارع فضل السيسى الهرم - 35637373
2000

-- فضل الحديثه
ميدان الطوابق فيصل - 33865555
2000

-- الطلائع الأسلاميه
المهندسين خلف مسجد مصطفى محمود
2200
واحده صاحبتى اولادها فيها و بتشكر فيها اوى و فى مستواها العلمى و فعلا اولادها ما شاء الله عليهم ممتازين مع انها مش بتساعدهم فى البيت - و لو كانت قريبه منى كنت دخلت بنتى فيها

-- دار الحنان

اول فيصل
2400
برده واحده اعرفها بنتها فيها و بتشكر فيها و بتقول اعدادى فيها احلى من ابتدائى

-- سقاره الخاصه
شارع سقاره المريوطيه - 3850279
3000

-- سفنكس الخاصه
طريق فلفله المريوطيه - 3832097
3000

-- أل عثمان
14 شارع الفريق محمد على فهمى الهرم - 33838254
3000 بس فى ناس قالت انها مش كويسه و فى ناس قالت انها عاديه

-- المنار الحديثه
الكوم الأخضر الهرم
3500
واحده صاحبتى ابنها فيها و بتشكر فيها بس انا لما روحتلهم تعاملهم وحش اوى و غير مرحب على الأطلاق

-- محرم الأسلاميه
شارع عز الدين عمر الهرم
البرى 3000 - الباص 1300 - اليونيفورم 300
هى حلوه و الناس كلها بتشكر فيها اوى عيبها الوحيد ان كثافة الفصول ممكن توصل ل 36
موقعها : http://www.moharramils.com/

-- دار الهدى
بجوار معهد مشارى للقراءاات الهرم 33881320
3200 لبرى 4
انا روحت وزرتها و اولياء الأمور شكروا فيها بس هى خانقه اوى و غير جيده التهويه و شكلها وحش بصراحه و متستهلش الفلوس تتدفع فيها - ده رأى

-- حفر الباطن
نزلة البطران شارع ابو مسلم المريوطيه هرم - 3845921
3600 لبرى 4 + 1600 باص + 300 يونيفورم
ناس بتشكر فيها و ناس بتقول ان مستواها مبقاش زى الأول الحقيقه ايه الله اعلم

-- الوادى لغات
المجزر الألى مريوطيه بعد حفر الباطن علطول - 3841792
2250 لبرى 4 + الباص 1600 + اليونيفورم 300


أتمنى اكون افدتكم و ان شاء الله لو عرفت حاجه جديده هقولكم و اتمنى ان اللى يعرف اى معلومه عن اى مدرسه يقولنا و نتعاون على الخير ان شاء الله

أختكم مسلمه

السلام عليكم ورحمة الله وبركاته
ازيك يا حبيبتي قلبي انا اعرفك من موضوع مدارس مدارس
واعرف كمان انك عجباكي المصرية الدوليه
بس ممكن سؤال المدارس التاليه ممكن ترشحيلي افضل اثنين
1-الطلائع الأسلامية 2- مدرسة طبري لغات 3- الجيزة 4- دار الحنان
وهل المصرية الدولية افضل منهم وفي ايه ؟
معليش هتقل عليكي طيب تعرفي مدرسة طلائع الكمال الإسلامية بتاعت مصر الجديدة اسمع اني لها فرع في الهرم تعرفي عنوانه لو امكن
معليش اعذريني انا تقلت عليكي
وشكرا علي مجهودك):KK

يا ريت لو حد يعملنا تفاصيل مصاريف المدارس فى مدينة نصر ومستواها اتمنى ذلك
انا عارفة مصاريف بعض المدارس مثل الملك فهد 3000 ومنارة القاهرة 3500 والتقدم الخاصة بنات 3000 والقاهرة الدولية 4500

السلام عليكم ورحمة اللة وبركات انا من المعادى لكن اخويا ساكن فى فيصل واولادة فى مدرسة سرور ومرات اخويا بتشكر فيها وفعلا الولاد ماشاء اللة عليهم مستواهم كويس والمدرسة بتبعت معاهم الشتات فى البيت والحق يتقال ان مرات اخويا مستواها فى الانجليزى ممتاز ودة مساعد الولاد كتير وكمان مدخلاهم اليوسى ماس وجيبلهم محفظة قران فى البيت يعنى اللى عايز ولادة يبقوا حاجة لازم يبذل مجهود اكتر وطبعا يعقد النية ويتوكل على اللة لكن هى فعلا بتشتكى من الفناء الضيق وانة مافيش انشطةوطبعا لازم نتنازل عن حاجة مقابل حاجة يعنى الخلاصة ان المدارس الغالية مش كل حاجة الام بردة عليها عامل كبير وطبعا حتى لو كتير عرضونى فية ناس بدخل ولادها المدارس الغالية علشان الفشخرة وانا شخصيا اعرف منهم ناس كتير ملحوظة صغيرة انتوا بداتوا الكلام عن المدارس المستهدية وبعد كدة دخلتوا تانى على المدارس الغالية

بالنسنة لمدارس المعادى المستهدية هما اثنين بس ومعروفين جدا لسكان المعادى القناة و فكتوريا وهما تقريبا نفس السعر يعنى الفروق المادية بسيطة وهما فى حدود 3000 من غير الباص لكن فكتوريا واسعة جدا لكن بردة كثفتها عالية جدا جدا بتوصل ل45فى الفصل انا كنت بفكر لابنى لؤى فى القناة لكن دخلتة مدرسة الصرح الخاصة وهى مستوى رفيع ب 3300 فى كى جى والباص ب 1350 ومن اولى ابتدائى ب4600 من غير الباص لكن فيها بسين وفيها انشطة واتمنى انها تكون عند حسن ظنى وكمان فية المدرسة القومية لكن بصراحة ماعرفش عنها حاجة

كتبت بواسطة زقزوقة و زقزوق

ازيك يا مسلم

فيـــــــــــــــــــــــنك

طيب ليه يا مسلم مروحتيش جينيس و اتكلمتي معاهم ، قبل ما تقرري مين الأحسن هي و لا المصرية ؟

و الله يا زقزوقه زى ما قلتلك قبل كده انا كنت ناويه على 4500 و المصريه هتدخل فى 5800 و يمكن اكتر فلو قلت لباباها على جينيس انها هتعدى 6000 هيعلقنا على باب البيت
هههههههههههههههه

هى ديه كل الحكايه لكن انا شايفه من كلام البنات ان جينيس حلوه و كله فى الأخر محصل بعضه