الموضوع حلو بجد بس تفتكرى لو فى مدرسة سعرها قليل وحلوة مش هنودى فيها ليه؟؟ كتر فلوس

بصراحة انا معرفش ولا سمعت فى فيصل والهرم مدارس لغات حلوة وسعرها قليل

دول هنا داخلين سباق فى الأسعار

ده بيتهيألى وزير التربية والتعليم نفسه ما دفعش المصاريف دى كلها فى مراحل تعليمه

ده عند ماما مدارس كتيرة جدا وحلوة جدا وراهبات وما بتعديش ال2000 جنيه

انا مش عارفة ايه اللى جابنى المنطقة اللى ما يعلم بيها الا ربنا دى

بس انا اسمع ان دار الحنان حلوة بس كثافتها عالية جدا 30 تقريبا او 35
ابن عمتى كان مدخل ولاده فيها وحولهم تجريبى لما لقى العملية محصلة بعضها

انا محتاره زيكو اودى بنتى مدرسه ايه
جارتى بنتها فى مدرسه مناره الفاهره وبتشكر جدا فى مستوى المدرسه
وسمعت كمان عن مدرسه طلائع الكمال فى مصر الجديده وكمان فى مدرسه اسمها مودرن اسكول فى الشروق مصارفها بالباص كله كله 4000 جنيه
ياريت لو فى حد يعرف معلومات عن مدارس طلائع الكمال وكمان مواعيد التقديم فى مدرسه مناره القاهره

ماشاء الله عليكى يا muslium
معلومات ممتازة و الله جزاك اله خيرا ان شاء الله تفيد اللى فى منطقتك و يفيدوكى بتجربتهم

كتبت بواسطة أم جورى

الموضوع حلو بجد بس تفتكرى لو فى مدرسة سعرها قليل وحلوة مش هنودى فيها ليه؟؟ كتر فلوس

بصراحة انا معرفش ولا سمعت فى فيصل والهرم مدارس لغات حلوة وسعرها قليل

دول هنا داخلين سباق فى الأسعار

ده بيتهيألى وزير التربية والتعليم نفسه ما دفعش المصاريف دى كلها فى مراحل تعليمه

ده عند ماما مدارس كتيرة جدا وحلوة جدا وراهبات وما بتعديش ال2000 جنيه

انا مش عارفة ايه اللى جابنى المنطقة اللى ما يعلم بيها الا ربنا دى

بس انا اسمع ان دار الحنان حلوة بس كثافتها عالية جدا 30 تقريبا او 35
ابن عمتى كان مدخل ولاده فيها وحولهم تجريبى لما لقى العملية محصلة بعضها

ايوة يا ام جورى ماهى دى المشكله انك تلاقى الاسعار المعقوله و المدرسه الكويسه و الا حرام نرمى الفلوس من غير اى استفادة
ربنا المعين

samahseleem
و الله انا زيك عايزة اعرف المعلومات عن المدارس دى

على فكرة انا شايفة ان كل ام بتحكم على مستوى المدرسة من مستوى ابنها يعنى لوابنها شاطر يبقى المدرسة كويسة ولو ابنها بلبد تبقى المدرسة ضعيفة واحنا كلنا عارفين ان هناك فروق فردية بين الطلاب وفى القدرة على الاستيعاب يبقى الحكم على المدرسة مش راى الام فقط لكن شغل المدرسة الكراريس بتاعت الاولاد فيها مجهود ولا لا الواجب بيتصحح ولا لا فى امتحانات على الدروس وهو ده رايى اية رايكم انتم

بصو يا جماعة اللى انا اعرفة ان مدرسة العابد سيئة فى كل حاجة اخلاق وتعليم ودى حاجة انا عارفاها كويس لان ماما ساكنة قدمها يعنى انا كنت عايشة هناك وبسمع عنها مهازل مدرسة سانت فاتيما الحجاز هى اللى كويسة وبقيت الفروع لا دة بردة اللى سمعتة منارة القاهره كويسة اوى وانا خريجتها وهى كمان دلوقتى احسن من لما كنت فيها بس مشكلتها السن الكبير ودة نتيجة الضغط عليها فى التقديم

السلام عليكم
انا في نفس الحيرة دى مع انى مدرسة بس مش عارفة ادخل ابنى لانى لو اخدتة معايا هضطر ادفع مصاريف الباص ودى ميزانية تانية
بس انا لفت نظرى ان مفيش حد اتكلم علي المدارس الازهرى
انا شايفة انها كويسة انا مدرسة في معهد الكمال الازهري للغات اللي في التجمع
وشايفة ان المستوى العام للاولاد ممتاز
ودة احسن بكتير من مدارس سانت فاتيما والحاجات المشابهه
المصاريف في المدرسة 5500 وعلي فكرة دى ارخص مدرسة ازهرى لغات

فى مدرسة اسمها العائلة الجديدة فى مدينة نصر فى المنطقة التاسعة حد يعرف حاجة عنها وعن مستواها

كتبت بواسطة ملوكة العسولة

السلام عليكم
انا في نفس الحيرة دى مع انى مدرسة بس مش عارفة ادخل ابنى لانى لو اخدتة معايا هضطر ادفع مصاريف الباص ودى ميزانية تانية
بس انا لفت نظرى ان مفيش حد اتكلم علي المدارس الازهرى
انا شايفة انها كويسة انا مدرسة في معهد الكمال الازهري للغات اللي في التجمع
وشايفة ان المستوى العام للاولاد ممتاز
ودة احسن بكتير من مدارس سانت فاتيما والحاجات المشابهه
المصاريف في المدرسة 5500 وعلي فكرة دى ارخص مدرسة ازهرى لغات

انا بدور على مدرسه ازهريه لغات و نفسى القى حاجه كويسه و قريبه مش بعيد زى التجمع و كده عايزه حاجه فى مصر الجديده و كمان ياريت تكون بتاخد سن معقول لو عرفتى حاجه ابقى قولي لنا انا سالت اكتر من مره فى المنتدى بس الظاهر محدش عند معلومات عنها .....و جزاكى الله خيرا

كتبت بواسطة muslium

أزيك يا زقزوقه و انتى كمان و حشتينى
سقاره اللى اعرفه اناه لغات و فى المريوطيه
أما فضل معرفش عنها حاجه يمكن التانيه تكون لغات

أنا رحت النهارده مدرسة الجيزه لغات هى وراء الميريديان علطول و قريبه منى جدا يعنى 4 كيلو من البيت و الطريق فاضى و ديه ميزه
بس هى مدرسه عاديه جدا فى كل حاجه كل كلاس فى منه فصل واحد فقط فى تحفيظ قرأن لحد برى 3 . المدرسه فنائها صغير جدا و كل الأعاب و الأنشطه بيمارسوها فى نادى جنبهم بيبقوا مأجرينه
سألت و ليه امر قالتلى المدرسه وحشه و عايزه تنقل ابنها
سألت واحده تانيه قالتلى لأ كويسه و ملتزمين و متعاونين
سألت و لد فى اولى اعدادى قال انه بيحب المدرسه جدا و المدرسه كويسه و قال ان اقل طالب عندهم بيجيب 90% و ده اللى بيعتبروه خايب
مصاريفها لبرى 4 2800 + 1100 الباص للرمايه +من 300 ل 400 يونيفورم
الكثافه سألت الميس عليها قالتلى برى 4 اقصى حاجه 20 و لما سألت الأم قلتلى مبيوصلوش 30 هى مشتركه لحد أعدادى و ثانوى بتاعها فى مكان تانى مش فاكره فين - الأم قالتلى ان فيه شده و التزام زى بتوع زمان

يعنى انتى لو رحتيها هتحسى انهم كأنهم كلهم اسره واحده و عارفين بعض
بس فى الأخر هى من وجهة نظرى عاديه مفيهاش حاجه مميزه يمكن صغر العدد يخليكى تعملى كونترول احسن و طبعا قربها من البيت. الأم قالتلى ان الأداره متعاونه و بيغيروا المدرسين لو فيه شكوى و مفيش ضرب فى زعيق

بيدوا برايت ستار و فرنساوى

بس و الله انا محتاره اخر حيره و مش عارفه اعمل ايه بفاضل لحد دلوقتى بين المصريه و محرم و المدرسه ديه

هما فاتحين يوم السبت للى عاوز يتفرج على المدرسه

ان شاء الله اروح اتفرج على المصريه و محرم و الجيزه
و أقرر وربنا يهدينى للى فيه الخير

ازيك يا مسلم

بصي يا قمر هل مدرسة الجيزة دية تعتبر أقرب مدرسة ليكي من المصرية و محرم ، و لا ايه ؟

يا ريت تحطي مسألة القرب و البعد من المدرسة دي في اعتبارك برده و انتي بتفكري

و روحيهم برده تاني عشان تقدري تقرري و تقوليلنا رأيك

و برده استني تقرير عبير المتين يوم السبت

و ربنا معاكي و يوفقك ان شاء الله

و انت ما فكرتيش في جينيس ليه ؟