ااه فعلا ان شاء الله استخير واللى فيه الخير يقدره ربنا ان شاء الله
شكرا ياطلحة على ردك

شذى انت لو عاوزة رايي
استخيري الله ووديهم دجلة
دول اصلا بقالهم في التعليم زمن
ومش اول سنة
ومش هيجربوا في الولاد زي روان
مش عرافة دة احساسي
توكلي على الله وشوفي المناسب ليكي اكتر

يالا يا لؤلؤة بكرة إن شاء الله السبت مش حتروحي تتفرجي على الحاجة و تستجوبي الدكتورة سهير و تسأليها عن أخبار المدرسات أنا نفسي أروح ربنا ييسر لو زوجي خلص بدري حنروح بإذن الله و خصوصا إننا ما اداناهمش صور الولد

السلام عليكمو يا أمهات يا محتاسات في اختيار المدرسات
أنا رحت روان النهارده بس للأسف الدكتورة سهير مريضة جدا شفاها الله و عافاها فماكانتش موجودة و ما لقيتش حد أكلمه
بس اتفرجت على شوية حاجات من اللي جت علشان ما طلعوش كل حاجة
الحمد لله حاجات شكلها عسول و عجبتنى
و الدراسة إن شاء الله حتبدأ في 1 أكتوبر
بس أنا الصراحة كان نفسي أتكلم مع الدكتورة سهير عن المنظومة التعليمية
هو لا يزال هناك تدفق على المدرسة من المدرسين بس أولياء الأمور!!!!!!!!!!!!!!!
أنا الصراحة بحب المدرسة دي و بحس بارتياح ناحيتها بس مرعوبة إنها ما تفتحش السنة دي أو يبقى في مشكلة في باص المدرسة (علشان سكني في شيراتون)
كل شيء بأمر الله و ربنا ييسرلنا الخير كلنا كلنا

انا رحت يا طلحة بس مادخلتش حاسيت من بره انها زى ماهى مافيش جديد وعلى فكرة موضوع مرض الدكتورة سهير دة مش مطمئن لان الاسبوع اللى فات جوزها قال انها فجاه ظهرت عندها مشاكل وتليف فى الكبد وفى الرحم ومش فاكرة التفاصيل اوى فربنا يستر والله انا حاسه انهم ممكن يتلخموا فى الموضوع دة ومش يقدروا ينتظموا السنة دى عشان كدة انا رأى حاولى تشوفى حاجة كمان احتياطى عشان ماتتزنقيش اول السنة وبعد كدة التحويل ليها سهل بس عشان الولد مايضعش عليه سنة وربنا يعمل اللى فيه الخير انشاء الله

ما عنديش أي مكان تاني للأسف
و فعلا احتمال كبير ربنا ما يقدرش ان المدرسة تخلص. هو ابن الدكتورة كان هناك و كان في عمال و مدرسين جايين يسألوا
المشكلة ان عدد اللي قدموا قليل جدا
انا لو روان ما فتحتش العيال حيفضلوا قاعدين معايا علشان روان كانت الامل الاخير

طلحة اديملهم فى النزهة وفى الفاروق ولو مشكلة السن يبقى شوفى اى اى واحدة السنادى بس وانشاء الله السنة الجاية يبقى فى كلام تانى
انا فعلا شايفة ان مافيش اولياء امور تقريبا!!
بصى كمان مش مشكلة لو دخلتيهم الفاروق بيبى كلاس وكملتى فيها اهى مدرسة الكل بيشكر فيها واسلامية وقريبة من بيتك وتبقى مطمنة عالولاد فيها مش مهم بقى لو دخلوا كى جى فى سن كبير انا لو كانت جنبى كنت حولت عليها

وعندك كمان طلائع الكمال الأسلامية قريبة من شارع الثورة استخيرى والفاروق احسن واحده ومش مهم السن

جزاكي الله خيرا
ربنا يعمل الخير لينا كلنا

افيدونى اعملوا معروف ؟ انا قدمت لبنتى فى مدرسة القناة و هى عمرها 4 سنين و خمس شهور هل ممكن تقبل فى المدرسة و لو ما اتقبلت فى حد يعرف مدرسة تانية احسن منها ؟ و شكرا .