كتبت بواسطة emmy10

ألف شكر يا أودى على التقرير المفصل ده..ده برضه كان عشمى فيك ..لأنى اتعودت منك على التقارير الجامدة دى..ويا ريت دعواتك إن ربنا يوفقنى للى فيه الخير لإبنى

أنا فهمت كدة إن ميس عصام هى اللى كانت مدخلة فيها..فيا ريت تحكيلنا على تجربتها مع المدرسة

emmy
السلام عليكم
بصي انا لسه داخله على اخر صفحه على طول
انا للاسف في الاخر مدخلتش الاندلس الازهريه مش انت قصدك عليها؟؟؟؟؟؟؟؟؟ انا دخلت امجاد انترناشونال عشان تتعود البنت من الاول على الانترناشونال
بصي الصراحه نفس الكتاب بيتدرس عندنا وزعلت في الاول اول ماشوفته لاني اتعقدت منه
بس بصراحه هوة كتاب حلو مش وحش خالص هوه عندنا ابتدوا ب levle 2 على طول وسائل المواصلات والنباتات والالعاب اللي بيشوفها هوه لونه اصفر وعباره عن تقريبا 5 كتب مع بعض انا بقولك مواصفاته عشان لما تروحي تشوفيه تعرفي المستوى اللي ابنك او بنتك هتدرسه واعتقد لو اكبر يبقى كتاب غيره
وفي الاخر زي ما قلت قبل كده الرك على اللي بيديه
اما بالنسبه للتجربه الحقيقيه فمش هقدر افيدك معانا معماريه مصريه 3 ولادها في مراحل مختلفه فيها هيه اللي ممكن تفيدك
بصي اعتقد فيه مدرسه اسمها الاندلس في المهندسين خايفه برده يكون قصدك عليها

السلام عليكم

دعاء بالنسبة للانترفيو أنا مش فاكرة اوى لأنه من 3 سنين لابنى ومن 4 سنين لبنتى اللى فاكراه انهم أخدوا البنت لوحدها وخرجت قالت مقبولة وكانت لسة ميس مارى مش المديرة كانت ميس غادة اللى هى فى دياموند دلوقتى

والولد كانت ميس مارى وقبل علطول لكن دلوقتى هما بيدققوا جداااااااااااا فى حاجتين
الانترفيو ورونى كانت قالت ريبورت عنه السنة اللى فاتت

والمستوى الاجتماعى لأنهم فى الاول كانوا ممكن يقبلوا شهادات فوق المتوسط دلوقتى لأ علشان واحدة صاحبتى راحت تقدم واترفضت علشان زوجها معهد عالى
وكذا مدرسة رفضته مش جينيس بس

بالنسبة للفصل

أنا قابلت مديرة المدرسة وقالت انهم فعلا طبقوا النظام سنة واحدة ورجعوا فى كلامهم تانى واديتنى محاضرة طويلة عريضة أن المهم التربية فى البيت والرقابة فى المدرسة وواضح ان مفيش نية خالص لانها كمان اتحججت بالأماكن وان الأعداد كبيرة ومفيش مكان واحتمال ياخدوا قطعة أرض يوسعوا بيها

كتبت بواسطة انسانه تحب الله

ازيكم يا امهات يا جميلات
بالنسبه للطلائع الاسلاميه الانترفيو بتاعها فى 6 وهو صعب شويه بص مصاريف الكج 2700 والباص 2700 واللبس تقريبا 600 بس الفصل فيها فصل بجد الولاد مبنى والبنات مبنى
يا رب اكون افدتكم

هو ايه رايكم فى منهج اى كان ومنهج برايت ستار

ازيك يا انسانة عاملة ايه؟؟؟؟؟
كنت عايزة معلومات زيادة منك عن المدرسة و ايه رايك فيها
انا اللى اعرفه ان بنوتك كانت فيها..مش كدة؟؟؟
و الانترفيو صعب ازاى .. ياريت تفاصيل زيادة معلش
و شكرا

و يا مسلم هى الداتا بقت متقسمة بينك و بين اودى؟؟؟
لو كدة يا اودى انا عايزة الداتا اللى عندك عن مدرسة الطلائع الاسلامية فى المهندسين
و شكرا

ازيك ياساره عامله ايه دي المعلومات اللي عندي عن الطلائع الاسلاميه :

مدرسة الطلائع الإسلامية لغات

· العنوان:5 شارع الورود - ميدان جامعة الدول العربية - خلف مسجد مصطفى محمود
· التليفون: 33372134
· المصاريف:
§ 2200 برى 3
· مواصفات:
§ بوكليت
§ فصل اولاد عن بنات
§ يوجد انشطه
· من أقوال المتقدمين عن المدرسه:
§ واحده صحبتي بتشكر فيها اوى و فى مستواها العلمى و فعلا اولادها ما شاء الله عليهم ممتازين مع انها مش بتساعدهم فى البيت.
§ الجزء التاسع ... () ... انسانه تحب الله ... انا رحت امبارح يوم 1\6 لمدرسه الطلائع الاسلاميه علشان التقديم طبعا قالولى انها مش هينفع تدخل كج لان سنها هيكون 4 سنوات الا 20 يوم وهقدملها فى النرسيرى
§ المهم:البنت عملت انترفيو شويه صور على الوان على مكعبات بس اللى داخل الكجى كانو بيوقفوه على سبوره يجمع عليها صور وعملت انا وباباها انترفيو بس هم كان نفسهم ان اى حد يدخل النرسيرى وبالتالى كانت الاسئله عباره عن سؤال واحد انى عرفت المدرسه منين؟وما كانش عندهم وقت ان احنا نسالهم عن اى حاجه خالص وقبلو البنت وقالولنا روحو ادفعو وفوجئت انى اول قسط 1600 جنيه وفيه قسطين ب3000 فاضلين يعنى كله ب 4600من غير الباص
§ والله انا حتى مش عارفه الكتب او اليونيفورم بكاماو حتى الباص انا لقيت نفسى بدفع اول قسط زى الباشا وكل الاسئله اللى فى دماغى اتبخرت او بالاصح ما فيش حد يجاوبك عليها
§ بينى وبينكم انا بداخلى صوتين صوت بيقولى كده احسن ويبقى كده امامى سنه واكون شوفت تجاربكم مع المدارس كلها لان الان الطلائع ما بقتش خلاص من المدارس الرخيصه ومش عارفه الغلو ده كلو لازمته ايه (على اساس انها تبع جمعيه خيريه)فهشوف خلال السنه حال مدرسه الطلائع هيبقى عامل ازاى واقارنها بالمدارس اللى بتتكلمو عنهاواختار
§ وفيه صوت تانى بداخلى بيقول ياريتك ماكنتى دفعتى وكونتى دخلتيها كج1 فى اى مدرسه تانيه لان انا للان مش عارفه النرسيرى ده هيرسى بالاضافات على كام؟(بصراحه انا اكتشفت انى عبيطه ربنا يسامحنى بقى)
§ وفيه معلومه كمان لسه عارفاها النهارده فيه ولد اعرفه فى الطلائع جاب 89% المدير عايزه ينقل لان المدير قال اللى هيجيب ااقل من 90% ينقل من مدرستى وامه ناويه تشوف محرم لانها ساكنه فى الهرم بس انا مش فاهمه منطق المدير طب ما هو لو كان الولد جاب المجموع ده ما هو يبقى من ضمن اسبابه المدرسه ولا ايه
§ انا مش عارفه هى الطلائع ايه اللى حصل فيها ده كان طوب الارض بيشكر فيها دلوقتى ربنا وحده اللى يعلم بيها وعجبى انتو ايه رايكم فى الموضوع ده يا ريت تقولولى رايكم بكل صراحه
********************************

مسلم مش عارفه انت مش عندك الملفات دي الاسلامي والازهري لوكده قولي خليني ابعتهالك ووانا مجهزاهم ومظبتاهم

ازيكو يا امهات يارب تكونو كلوكو كويسين
انا بس كنت عاوزة اضيفلكو معلومة الظاهر ان انتو مش واخدين بالكو منها ان في مدرستين رواد
1- مدرسة الرواد - مدينة نصر
2- مدرسة رواد المستقبل - المعادي - عند كارفور
وهما ملهمش دعوا ببعض

جزاكى اللة خيرا
ممكن اسال على مدرسة طلائع الكمال الازهرية الى فى أرض الجولف
انا سمعت انها كويسة بس بتاخد سن كبير مش عارفة كام؟؟؟؟
انا ابنى يتم 4 سنين الا عشر ايام اول اكتوبر القادم
كنت عاوزة اعرف حد اولادة فى المدرسة ممكن يفيدنا
ولو هية كويسة ممكن اضحى بكى جى 1 وودية البيبى كلاس لو المدرسة كويسة وتتستاهل
؟

muslem متشكرة جدا

emmy
اهلا بيكي معانا ... منورانا
بصي معمارية المصرية هي اللي مدخلة ولادها في الاندلس وبتشكر فيها جدا جدا