كتبت بواسطة إبريل حواء

السلام عليكم ورحمة الله وبركاته
عفوا يا مس إنجي حضرتك حطيتي أول يوم هو يوم الأحد وما نزلت الأسئلة إلا في الليل مع إني كنت منتظرتها طول اليوم فيا ريت يكون الخميس آخر موعد وليس الإربعاء حتى نقدر نحل الأسئلة كاملة ومراعاة ظروف ربات المنزل وجزاكي الله كل خير على مجهودك الجبار تسلم الأيادي .

وعليكم السلام ورحمه الله وبركاته
اولا انا قولت الدرس هينزل الاحد ولم احدد موعد نزوله وكمان قولت ان الامتحان مدته يومين يعنى يوم الاحد نش محسوب اصلا
ومراعاه الظروف انا مراعيه دا فى الاسئله دى سهله جدا تتحل كدا بسرعه
على العموم هفكر فى حكايه مد المهله بس برضوا المهله الحاليه يومان الاثنين والثلاثاء
والاربعاء ظهرا هو اخر يوم

كتبت بواسطة إبريل حواء

لو سمحتي يا مس إنجي عندي استفسارات
بالنسبة للسؤال الثالث هل نشرح كيف عرفنا الخيار الصحيح
وهل كل سؤال ندعمه بالصور ؟ ويا ريت تحددي لنا الأسئلة التي تدعمها بالصور إن ليست كلها؟؟
كذلك لو تكرمتي هل نضع كل الطرق للوصول إلى أمر معين ؟
وشكرا

اذا حبيتى تفسرى اختيارك فدا كرم زائد منك
واذا حبيتى الاكتفاء بالرمز الصحيح فانا ساعتبره حل واصححه عادى جدا
لا انا مش عايزه اتعبكم اللى تقدروا تدعموا بالصور دعموه
واللى مش عايزين اكتفوا بالكتابه فيه

لا مش كل الطرق اللى تحبوه اللى هتكتب الاجابه باتقان فلها اجر اتقانها واللى تكتفى بحدود الاجابه الصحيحه فاجابتها صحيحه

انا لا اريد ان اكلف انفسكم اكثر من وسعها

كتبت بواسطة جمانه محمد

السلام عليكم ورحمه الله
باشمهندسه اذا تكرمتى ممكن زياده مهله الاجابه
الاسئله شامله
ولابد من مراجعه وافيه
بارك الله فيكى

وعليكم السلام ورحمه الله وبركاته
امممممممممممم

طيب هفكر فى حكايه المهله دى
والله انا شايله هم الوقت الباقى قبل رمضان ولسه فى درسيين باقيين

وبعدين المفروض ان كان فى اسبوع بين كل درس والتانى
يعنى المفروض الكل بيراجع قبل الامتحان بكتير

هشوف حكايه مد المهله وارد عليكم
لكن حتى ارد المهله كما هى يوم الاربعاء ظهرا

كتبت بواسطة لينا الجميلة

كيفك يا ميس أنجي
أنا عندي سؤال كيف بقدر أعمل شروحات على الصور ببرنامج الرسام التابع للويندوز ولا في برنامج آخر و شكرا , و انا اضم صوتي لصوت اخواتي بزيادة مهلة الإمتحان للأن الإجابة لابد لها من وقت لأنها مدعمة بالصور

الرسام يعتبر اسهل برنامج
وهتلاقى الشرح الخاص به فى الدرس السادس للويندوز
بشرح فيه الرسام
راجعى على الدرس وهتلاقى الامر سهل جدا

وتقدرى تعمل الشروحات على الفوتوشوب
اى برنامج صور يستطيع ان يعطكى امكانيه الشرح على الصور

كتبت بواسطة إبريل حواء

السلام عليكم
مس إنجي لو سمحتي ما فهمت هذا السؤال يا ريت يكون بالإنجليزي 7-استخدمى علامة تبويب الفهرس الخاصة بنظام تعليمات ويندوز للحصول على تعليمات حول ملفات صوتية ، اضغطى على زر عرض عندما تنتهي

واعتذر على طلبي فلم أفهم مقصد السؤال.

السؤال معناه باستخدام برنامج التعليمات للويندوز للمساعده والدعم
فى كدا زى كتيب للويندوز بتشرح فيه حاجات زى الصوت واى شئ فى الجهاز
وعلشان اسهل الموضوع بكون فى قائمه ستارت start
ادينى جاوبت سؤال من الاسئله

السلام عليكم ورحمة الله وبركاته
وأقول لك يا مس إنجي يا حنيّنة متشكرين بس والله اليوم انعموا عيوني على الكمبيوتر وعلى الله ما يروحشي تعبي خسارة
وبجد فكري في مد المهلة الله يخليكي

والله في ناس تانيه عايزة تعترض زي الأخوات بس بصراحه مكسوفين و وجههم منك في الأرض بس فعلا المهلة صغيرة و كمان لحظي زوجي جاي أجازة النهارده وهو له 4 أيام بيأجل أتمني النهارده يأجل كمان بس لو جاء حتبقي حوسه

نيجي للاستفسارات:
1) السؤال الأول المطلوب في الجزء التاني إعادة تشغيل من المحاكي( الكلمه دي مستفزاني الحقيقة) يعني بمعني إن الكمبيوتر شغال وعايزه أعمل restart معلش أصل في حاجات لما بتترجم للعربي بتبقي غريبه شويه

2) السؤال الخامس : المطلوب عمل التهيئة لأي درايف في الجهاز انا اللي عدي علي في اللي راجعنه للآن الفرمته أثناء تسطيب الويندوز هل ده المطلوب و لا لسه في حاجة تانيه في الدروس اللي ماراجعتهاش

3) زي ما الأخوات سـألوا لو في كذا إجابه للسؤال نذكر جميع الإجابات الممكنه ولا كفايه واحدة

4) ينفع إذا في إجابة بالصور إن ماأكتبش الخطوات لأني مش بأحب الكتابه الكتير ولا لازم نكتب طبعا؟

5) السؤال السابع برضه مش فاهماه زي الأخت إبريل

6) السؤال 18 مطلوب حذف محتويات سلة المهملات بس انا عايزة اللي فيها ممكن بس أصور الخطوات بس ما أحذفش المحتويات 
نكتفي بهذا القدر ورلي لقاء آخر

وجزاكي الله كل خير عن العذاب اللي بتشوفيه معانا ده

سلامت عيونك يارب
ربنا يحفظهم لكى
وحاضر هفكر والله فى المهله لا تقلقى
بس نظمى وقتك وان شاء الله خير

كتبت بواسطة votvot

والله في ناس تانيه عايزة تعترض زي الأخوات بس بصراحه مكسوفين و وجههم منك في الأرض بس فعلا المهلة صغيرة و كمان لحظي زوجي جاي أجازة النهارده وهو له 4 أيام بيأجل أتمني النهارده يأجل كمان بس لو جاء حتبقي حوسه

امممممممممممممممم
حاضر والله هفكر فى المهله الزياده

نيجي للاستفسارات:
1) السؤال الأول المطلوب في الجزء التاني إعادة تشغيل من المحاكي( الكلمه دي مستفزاني الحقيقة) يعني بمعني إن الكمبيوتر شغال وعايزه أعمل restart معلش أصل في حاجات لما بتترجم للعربي بتبقي غريبه شويه

ليه دى كلمه جميله وهتلاقيها كتير لو دخلتى امتحان الرخصه وبعدين انا فسرت كلمه المحاكى فى اول سؤال ان الكمبيوتر المحاكى معناها الكمبيوتر اللى شغاله عليه الان ودى مش ترجمتى انا دا امتحانات الرخصه

2

) السؤال الخامس : المطلوب عمل التهيئة لأي درايف في الجهاز انا اللي عدي علي في اللي راجعنه للآن الفرمته أثناء تسطيب الويندوز هل ده المطلوب و لا لسه في حاجة تانيه في الدروس اللي ماراجعتهاش

لا الفرمته للدرايف غير الفرمته للويندوز من الاسطوانه
فرمتت الدرايف المقصوده هى الفرمته من داخل الويندوز ودا تم شرحه فى الدرس التاسع
وطبعا دى متعملوش عملى والا هتمسحوا البيانات اللى عندكم هتكتبوا الطريقه بس

3) زي ما الأخوات سـألوا لو في كذا إجابه للسؤال نذكر جميع الإجابات الممكنه ولا كفايه واحدة

انا قولت اللى هتجاوب باتقان هيكون لها درجات تميز واللى هتجاوب بطريقه صحيحه هتاخد درجه السؤال كامله (والكمال لله وحده)
يعنى براحتكم جاوبوا على اد السؤال واللى هتزود لها درجات تميزها

4) ينفع إذا في إجابة بالصور إن ماأكتبش الخطوات لأني مش بأحب الكتابه الكتير ولا لازم نكتب طبعا؟

لا عادى هاتى الصور ووضحى الصوره نفسها يعنى مثلا وهتظر الشاشه دى ومن خلالها نختار كذا كدا يعنى مش صوره بس وانا استنتج هى بتعمل ايه

5) السؤال السابع برضه مش فاهماه زي الأخت إبريل

مانا رديت وجاوبته واكتر كدا من كدا مش هقدر لانى يبقى هقولكم الاجابه صراحة

6) السؤال 18 مطلوب حذف محتويات سلة المهملات بس انا عايزة اللي فيها ممكن بس أصور الخطوات بس ما أحذفش المحتويات
نكتفي بهذا القدر ورلي لقاء آخر

وجزاكي الله كل خير عن العذاب اللي بتشوفيه معانا ده

ياحبيبه قلبى
انا المهم عندى تعرفى الخطوات علشان كدا بطلب عملها عملى وكتابتها
لكن طالما محتاجه الحاجه يبقىى اكتبى الخطوات بس
متغيروش حاجه فى اجهزتكم
تثبتولى انكم عارفيه الاجابه ومش مشكله عملها فعلا

وبانتظار الباقى
بس متضيعيش وقتك فى الاستفسارات

معلش استفسار صغير أخير ومعلش انا ماكنتش شفت ردودك علي الأخوات قبل ماأبعت السؤال

دي شاشة الdisk management عندي ممكن معلش تفهميني ايه الدرايفات اللي مالهاش أسماء دي انا عارفه السي طبعا وعليه الويندوز بس الاتنين التانيين دول ايه؟