السلام عليكم ورحمه الله وبركاته

بجد انا سعيده كتير انى رجعت تانى معاكم لمجالس العلم

انا بعتبرها مصدر الطاقه فى حياتى

العلم مش بينتهى والاجمل اكتساب المعرفه بمختلف انواعها

فى المنحه كان عندنا كورس بنتعلم فيه ازى نعمل برزنتيشن او عرض ونتكلم عنه
ونوصل هدفنا اللى بيستمعوا الينا

والامتحان كان كل واحد فينا يحضر موضوع ويعمله على الباوربوينت ويتكلم عنه ويناقشه فى ضوء معايير علميه عالميه فى طريقه العرض

الاجمل ان كل واحد فينا كان بيعرض موضوع مختلف وكنا بنتعلم معلومات جديده انا مكنتش اعرفها

كل واحد فينا علشان يعمل موضوعه عمل بحث على الانترنت كتير علشان يدعم العرض ويتأكد من المعلومات

شوفوا بقى كم الفائده من الطريقه دى :
1-معرفه معلومات جديده
2- الاعتماد على النفس فى البحث
3- تعلم طريقه الوصول الى مانحتاجه

وبمرور الوقت والخبره والممارسه هتتعلموا ازاى توصلوا فى اقل وقت ممكن
ولما تعملوا بحث مش تفتحوا اول موقع يظهر
لا
هتلاقوا نفسكم بتشوفوا وتقولوا
لا الموقع دا انا عارفاه مش حلو
او
اه جميل الموقع دا انا دايما بلاقى فيه اللى محتاجاه

النهارده هنتعلم حاجات فى دورتنا الجديد

دورة احتراف البحث فى محركات البحث

ومعرفة أسرار جوجل...

وشعارنا هو

”علم نفسك بنفسك“

يعنى مش هنتعلم جوجل بس لا هنتعلم ازاى نبحث على اى موقع

الان جاء موعد

الدرس الأول

للتحميل اضغطــــــــــوا

سبحان الذى سخر لنا هذا

وكالعاده لفتح الدرس اضغطوا على Read only

اى شئ تحتاجوه انا فى خدمتكم

والاجمل والاجمل والاجمل اننا بنتعلم من انسانة زيك
انتى مكسب كبير قوى وشرف لاى حد انة يتعلم منك
وانا سعيدة جدا انى تلميذة عندك
انا عارفة انى تلميذة مش شطورة خالص بس انا اكيد هبقى شطورة لان عندى احلى مهندسة اتعلم منها
ربنا يديكى كل الخير الى فى الدنيا ويحقق كل امنياتك
مع خالص احترامى وتقديرى
واجمل التحية يافندم

حبيبتى انتى عارفه ان مفيش حد بيدخل هنا ومش بيكون شاطر
الحقى اسحبى اكلمه قبل ما اغضب وطبعا غضبى جربتوه قبل كدا
حضرتك يافندم شاطره واشطر منى كمان
ويالا بقى ذاكرى الدرس واثبتيلى شطارتك انا مش هتنازل عن كدا
وربنا يكرمك يارب
ويكرم الجميع ويحققلكم كل اللى بتتمنوه فى طاعته
ويجمعنى واياكم فى جنات النعيم

كتبت بواسطة Eng.E.M.K

حبيبتى انتى عارفه ان مفيش حد بيدخل هنا ومش بيكون شاطر
الحقى اسحبى اكلمه قبل ما اغضب وطبعا غضبى جربتوه قبل كدا
حضرتك يافندم شاطره واشطر منى كمان
ويالا بقى ذاكرى الدرس واثبتيلى شطارتك انا مش هتنازل عن كدا
وربنا يكرمك يارب
ويكرم الجميع ويحققلكم كل اللى بتتمنوه فى طاعته
ويجمعنى واياكم فى جنات النعيم

تغضبى لالالالالالالا
نسحبها طبعا يافندم هو مين الى قالها اصلا يافندم
انا مقدرش على غضب حضرتك يافندم
هثبتلك شاطرتى يافندم علشان حضرتك عايزة كدة يافندم

ايوا كدا
انا احب البنوتات المطيعه
كدا انا قلبى راضى عنك
بس لازم تقدمى اثباتات صحه كلامك
تذاكرى الدرس وتحلى السؤال وتجيبى ورقه ممضيه من اتنين موظفين حكومه
وبكدا تثبتى بالبرهان الساطع
بانتظار استيفاء الشروط المطلوبه

السلام عليكم

مشكوره ياحبوبه على الدرس وراح ادكريه ويارب افهم حاجه

من العيال

ارسل الواجب فى رساله خاصه؟صح

تم تحميل الدرس بعد قراءة المقدمة الاكثر من رائعه من انسانة رائعة تقدر معنى العلم
وطبعا أنا مش خايفة من الدرس بالعكس أكيد حيكون رائع بس انا خايفة من حل الواجب وكيفة ارساله وخصوصا موضوع التحميل ,طبعا لأنها حتكون أول مره وربنا يستر

تم التحميل ياغالية

على فكرة أنا كنت نايمة وصحيت من نومى علشان نمت قبل تنزيل الدرس وكنت قلقانة وأنا نايمة وعندى فضول عايزة أشوف الدرس وفى الاخر قلت طيب أقوم أبص كده على الدرس لأنى متشوقة جدا لمذاكرته فاذا بى قريت الدرس كله

بس بصراحة قبل كل ده جريت على القصة الجميلة وقريتها

بجد قصة رائعة ومعبرة تسلمى على قصصك الحلوة

وربى يوفقك فى امتحاناتك وتنجحى بتفوق ليس له نظير باذن الله
ولى عودة مع حل السؤال انشاء الرحمن

ميرسيي حبيبتي علي الدرس الممتع ده و طريقة عرضك لنقاط الموضوع كالعادة اكتر من ممتازة..

انا بعتلك الاجابات علي الخاص ... فهل هي دي طريقة تلقي الاجابات ؟ او فيه طريقة تانيه ؟
المرفقات مثلا؟
دمتي بألف الف خير