السلام عليكم ورحمه الله وبركاته

كل عام وحضراتكم كلكم بالف خير وصحه وعافيه
انا سعيده جدا انى بينكم ومعاكم وعرفت ناس طيبه مثلكم بجد دا كنز لا يقدر بمال
وبعد نجاح الدورتين السابقتين فى ايصال رسالتهم وتحقيق جزأ من احلامكم فى العلم كما قرأت فى الاستبيان الذى كتبتوه جميعكم

نستكمل الان مشوارنا بعد وقوف شهر رمضان للعباده
نرجع الان للعباده من جديده فطلب العلم فريضه وليست سنه يمكن الاستغناء عنها

والاجمل من دا وقالتها لى احدى الاخوات القريبات من قلبى لما حزنت ان المنحه ستبعدنى عنكم فى فترات قالتلى لى "بالعكس دا من حظنا لانك هتتعلمى واللى هتتعلميه مش هتبخلى علينا به"

الكلمات دى جعلتى بجد اخفف من حزنى بالبعد عنكم فترات من الاسبوع
واعطتنى الدافع على انى اجتهد فى المنحه علشانكم وعلشان افيدكم
خاصه ان المنحه تخصص هندسه البرمجيات يعنى هتضيف كتير لنا فى نفس الطريق اللى بنتعلم فيه الان
واقسم بالله انى لن اتأخر عنكم بأى شئ اعرفه او اتعلمه

نظرا للمنحه احنا اتفقنا ان مواعيد الدروس هتكون الخميس والجمعه والسبت
بمعدل درس واحد من كل دوره الجمعه درس جديد من الرخصه الدوليه والسبت درس جديد من التصميم للمواقع بالفرونت بيج والخميس سيكون نتيجه الحل للاسئله والتطبيقات ...

الرخصه الدوليه انا كنت هبدأها ببرنامج الوورد لكنى تراجعت وقررت اننا نبدأ بالباوربوينت
لعده اسباب فاى قرار لا يؤخذ عشوائى:

1- الباوربوينت شيق لانه بتعامل مع التصميم وتغيل العقل فى الابداع وهذا النوع محبب الى النفس وفاتح للشهيه لما بعده من الدورات زى الوورد والاكسل والاكسس
2- الباوربوينت بينمى الحس الفنى للابتكار والابداع
3- نقدر نعمل بنهاية تعلمه تطبيقات جميله وتصميمات تؤدى رساله الى الجميع
4- نقدر نعمل مشروعات وشروحات تفيد الجميع
5- يمكن تصميم الصور والجرفيكس به وهذا سيفيد اكثر عضوات دورة تصميم المواقع
فى اضفاء لمسات فنيه للموقع

بالنسبه لتصميم المواقع هنبدأ بالفرنت بيج برضوا لعده اسباب:

1- برنامج سهل للتعلم
2- يمكن عمل تطبيقات بمنتهى السهوله
3- عندما ننتقل الى الدريم ويفر ستجدون ان الدريم ويفر ليس بصعب لان عندكم خلفيه مسبقه عن اغلب الاشياء

دلوقتى عايزين نتفق على مواعيد بدأ الدورات هل نبدأها هذا الاسبوع
ام نبدأ من الاسبوع القادم

انا لى طلب اننا نأجل الدورات للاسبوع القادم لان فى اخت حبيبه على قلوبنا
"ابريل حواء" عندها ظروف فى الانترنت ولا تستطيع الدخول الفتره دى فلذلك
ياريت نراعى ظروفها ونؤجل الدورات علشان تتابع معانا ومايكون فى دروس مفقوده عندها

انا مش بحب اخد اى قرار غير بالرجوع لكم لانها سنه الحبيب المصطفى
"وامركم شورى بينكم" .... ومن الامثال :" ما خاب من استشار"

يبقى الان بانتظار رايكم فى الاتى :

1- تنظيم الدروس فى المواعيد
2- اختيار الباوربوينت للبدأ فيه
3- اختيار الفرونت بيج بدلا من الدريم ويفر للبدايه
4- موعد بدأ الدورات
5- اى تعليقات تحبوا تضيفوها على اسلوب الشرح اللى تحبوه
6- كل عضوه تحدد الدوره اللى هتشارك فيها.

تسلميالله يعطيك العافيه يارب
وانتي بصحه وسلام وعيد سعيد

1- تنظيم الدروس فى المواعيد

حلو جدا المواعيد رائعه

اختيار الباوربوينت للبدأ فيه

كويس جدا وانا بحبه البور بونت

اختيار الفرونت بيج بدلا من الدريم ويفر للبدايه

حلو جدا تسلمي

موعد بدأ الدورات

حلو ومناسب ع الاسبوع الجاي والايام مناسبه ايضا

اى تعليقات تحبوا تضيفوها على اسلوب الشرح اللى تحبوه

الشرح تمام ومبسط
وتسلمي ع تعبك ومجهود ويارب يعطيك العافيه ان شاء الله

كل عضوه تحدد الدوره اللى هتشارك فيها

ان شاء الله الدورتين اشارك فيها

عيدكم مبروك وكل عام وانتم بخير
شكرا كثير ودورات يا ميس انجي موفيقين 1000 بالمئة وبارك الله فيك وشرح كثير وافي و سهل وتعودنا على اسلوبك الرائع في الطرح
انا عندي إقتراح بالنسبة لدورة الويندوز انا بضن ان اّلأخوات بيعرفو الوورد والباوربوينت بمعنى أنا ندرس حاجة إحنا ما بنعرفها مثال إكسل أو الأكسس
وبالنسبة للدروس ياريت يا ميس أنجي تزيدي من حجم الدرس ما دام كل أسبوع في درس والله انا بدي اخلص بسرعة حتى أستطيع أصمم موقعي
وياريت يا مس تنزلينا كتب او مواضيع او مواقع نقدر نستفيد منها حتى نقدر نخلص بسرعة

كتبت بواسطة لينا الجميلة

عيدكم مبروك وكل عام وانتم بخير
شكرا كثير ودورات يا ميس انجي موفيقين 1000 بالمئة وبارك الله فيك وشرح كثير وافي و سهل وتعودنا على اسلوبك الرائع في الطرح
انا عندي إقتراح بالنسبة لدورة الويندوز انا بضن ان اّلأخوات بيعرفو الوورد والباوربوينت بمعنى أنا ندرس حاجة إحنا ما بنعرفها مثال إكسل أو الأكسس
وبالنسبة للدروس ياريت يا ميس أنجي تزيدي من حجم الدرس ما دام كل أسبوع في درس والله انا بدي اخلص بسرعة حتى أستطيع أصمم موقعي
وياريت يا مس تنزلينا كتب او مواضيع او مواقع نقدر نستفيد منها حتى نقدر نخلص بسرعة

لينا نشاطك جميل بس راعى ان فى اخوات عندهم بيت ومسؤليات
وبصراحه انا والله فخوره بيهم لانهم رغم مسؤلياتهم الا انهم عايزين يتعلموا
غيرهم كتير استسلموا لضغوطات الحياه وانجرفوا معاها

بالنسبه لاقتراح تغيير البدأ فى الرخصه من الباوربونيت لاكسل او الاكسس فدا مطروح للجميع
يعنى احنا دلوقتى عندنا اقتراح جديد من لينا علينا كلنا ناخذه بعين الاعتبار

بالنسبه لكم الدرس دا خليه للظروف هتلاقوا فى كم كبير وهتلاقى فى كم صغير دا على حسب حجم المعلومه انا بيكون ليا من كل درس فايده معينه عايزاها توصل
لو حسيت ان الكم الكبير هيضيع الفائده مش هقدر خليها دى لتقديرى الشخصى
وربنا يسهل باذن الله

بالنسبه للكتب والمراجع عجبتنى الفكره دى لانها هتخلى كل واحده منكم عندها مرجع او مكتبه تسترجع منها معلوماتها
ودا باذن الله هعمله فى الدورات هشوف كتب تكون مناسبه ومفهومه وتكون باللغه العربيه مع انى مش بثق فيها لان اغلبها مش علم عربى لاننا مازلنا بنستخدم برمجيات الغرب بس ماباليد حيله نستعمل الكتب دى لحد ما ييجى اليوم اللى نلاقي فيه البرمجيات العربيه بتغزوا الاسواق الغربيه وهذا ليس بكبير على الله

السلام عليكم ورحمة الله وبركاته
عيد مبارك سعيد لك أختي الكريمة ولجميع رواد هذا الركن. زادك الله علما ورفعة ونفع بك الإسلام والمسلمين. تمنيات لكم بالتوفيق والسداد إن شاء الله.

السلام عليك ورحمه الله
عيد سعيد تقبل الله صالح اعمالنا ان شاء الله

وان شاء الله موفقه فى المنحه باذن الله

وان شاء الله تعلمينا ما اخذتيه بالتفصيل

1- تنظيم الدروس فى المواعيد

المواعيد الجديده مناسبه ان شاء الله

2- اختيار الباوربوينت للبدأ فيه
فكره جيده وان كنت مع الاخت لينا فى تعلم شىء جديد
والباور بوينت ممتع لكن اعتقد انه لن ياخذ وقت طويل لتعلمه
والراى لباقى الاخوات
3- اختيار الفرونت بيج بدلا من الدريم ويفر للبدايه

ok فليكن على بركه الله

4- موعد بدأ الدورات

ان شاء الله من الاسبوع القادم حتى تعود لنا الحبيبه ابريل

انا لا استطيع متابعه الدوره من غيرها

5- اى تعليقات تحبوا تضيفوها على اسلوب الشرح اللى

تحبوه

ان شاء الله شرحك مبسط وقد تعودنا عليه الحمد لله
لكن لى طلب

بالنسبه للويندوز
ارجو ان يكون من ضمن تخطيط حضرتك يا باشمهندسه مراجعه ما اخذناه من الويندوز بشكل فرض لان اذا تركتينا لحالنا لكى نراجعه فالاسف لن نراجع شىء

6- كل عضوه تحدد الدوره اللى هتشارك فيها.

جمانه محمد
مشتركه فى دوره الرخصه الدوليه
وفى دوره الفرونت بيج
ان شاء الله

السلام عليكم ورحمة الله وبركاته

عيد سعيد عليكى أختى الغالية ومعلمتنا الحبيبة

وكل عام وجميع أخواتنا اللى معانا بخير

1- تنظيم الدروس فى المواعيد

مناسب جداً

2- اختيار الباوربوينت للبدأ فيه

فعلاً أختيار موفق فالباوربوينت ممتع جداً

3- اختيار الفرونت بيج بدلا من الدريم ويفر للبدايه

برضوا اختيار موفق

4- موعد بدأ الدورات

الوقت اللى يناسب حضرتك أنا موافقة عليه


5- اى تعليقات تحبوا تضيفوها على اسلوب الشرح اللى تحبوه

أسلوبك فى الشرح رائع مش محتاج أى تعليق


6- كل عضوه تحدد الدوره اللى هتشارك فيها.

إن شاء الله أنا هأشترك فى الدورتين

أنا اشتغلت بيهم كتير بس أكيد هأستفيد من خبراتك ومعلوماتك الغزيرة

وفى النهاية لا يسعنى إلا أن أدعو لك

ربنا يجازيكى عنا كل الخير

ويجعل كل ما تقدمية فى ميزان حسناتك

ويوفقك فى حياتك العلمية والعملية

ويا رب يتحقق لكى كل اللى نفسك فيه

ونشوفك فى أعلى المراكز

السلام عليكم ورحمة الله وبركاته
مهندستنا الغالية وبنوتى الجميلةربنا يوفقك فى حاضر ومستقبل ايامك
ويعينك على وقتك لان كلنا مقدرين المجهود الجبار اللى حتبذليه للتوفيق بين المنحة والانتظام فى الدورات معنا ربنا يجعله فى ميزان حسناتك

1- تنظيم الدروس فى المواعيد
مناسبة جدا

2- اختيار الباوربوينت للبدأ فيه

زى ما تحبى انا بالنسبة لى معنديش فكرة عنه

3- اختيار الفرونت بيج بدلا من الدريم ويفر للبدايه

4- موعد بدأ الدورات

طبعا ننتظر ابريل حواء ربنا يجمعنا دايما فى الخير

5- اى تعليقات تحبوا تضيفوها على اسلوب الشرح اللى تحبوه
جزاكى الله خيرا انتى اسلوبك رائع
6- كل عضوه تحدد الدوره اللى هتشارك فيها.
الرخصة الدولية

الله يجزيك كل خير
لم تبخلي علينا باي معلومة
- تنظيم الدروس فى المواعيد
موافقة على اى وقت يتناسب مع ظروفك
2- اختيار الباوربوينت للبدأ فيه
موافقة برنامج بور بوينت فعلا شيق
3- اختيار الفرونت بيج بدلا من الدريم ويفر للبدايه
موافقة فرونت بيج عندى خلفية بسيطة عنه
4- موعد بدأ الدورات
موافقة من الاسبوع القادم فعلا الاسبوع هذا لسة لم ننتظم
5- اى تعليقات تحبوا تضيفوها على اسلوب الشرح اللى تحبوه
شرحك بسيط لايحتاج تعليق
6- كل عضوه تحدد الدوره اللى هتشارك فيها.
انا معك في الدورتين

السلام عليكم عيدكم مبارك وتقبل الله منا ومنكم وجعله في ميزان الحسنات بخصوص الدورة اولا ننتظر اختنا ابريل حواء ثانيا عذرا نريد تعلم باور بوينت والا لو فكرنا بمنطق من يعرف شيئا فلا داعي لشرحه سندخل في مشاكل تزعلنا من بعض فلسنا جميعا نعرف كل شئ من من يعرف ومنا لا فبذلك تحدث في دواخل النفوس ما لا نريده من رأي ان نمشي عادي كأ ي دورةمراجعة لمن يعرف ومعرفة لمن لا يعرف
ثانيا ربما اشارك في الدورتين لو ينفع