السلام عليكم

أعاني من مشكلة منذ يومين وهي ان الأتصال بالإنترنت أصبح بطيئ
والجهاز أصبح ثقيل ولا أعرف مالسبب ؟

هل عندكم خلفية عن الأسباب المؤديه لذلك ؟
مع العلم اني حذفت المحفوظات والكثير من الصور ! ولكن لازال البطء مستمر

أننظركم

لو اتصالك ديال آب عادي فهذا أمر طبيعي

اسباب بطء الاتصال احد الاسباب هذي:

1- نوعية المودم
2- نوعية توصيلات الهاتف في المنزل
3- الشركة المزودة للانترنت
4- نوعية خط الهاتف
5- احتمالية اصابة جهازك بباتش او تروجون ياخذ لود الانترنت و يكون متصل بالنت من وراك
6- وجود برامج متصلة بالنت و ساحبة لود الاتصال

اذا كان الاتصال سريعا و فجاءة اصبح بطئ فالاحتمال الاول يستبعد

و مرات بعد ما يجي مطر او هواء قوي يصير بطئ هنا نقول التوصيلات الهاتفية ممكن صار لها شي

اما نوعية الهاتف فهو بطئ لو كان اسقاطي

و بعض مقسمات الهاتف تكون بطئية مثلا لو كنتي في الرياض 465 للعليا بطئ و 217 للعليا سريع لانه مقسم جديد

السلام عليكم . .
مثل ما ذكر الأخ MrSaudi والأخت هنــد . .
أن البطء له أسباب كثيرة . .
لكن بما تغير السرعة جاء فجأة , فإحتمال المودوم والأتصال يكون قليل , إلا إذا كانت شبكة الأنترنت بطيئة . .
جربي هالطريقة وإن شاء الله يضبط معك . .
بنسوي ثلاث خطوات :
1- تنظيف الجهاز من مخلفات الإنترنت والملفات المؤقتة . .
2- تنظيف الجهاز من الفيروسات . .
3- تنظيف الجهاز من برامج التجسس وبرامج الإعلانات . .

@@@@@@@@@@@@@@@@@@@@@

1- تنظيف الجهاز من مخلفات الإنترنت والملفات المؤقتة . .
عشان تنظفين الجهاز من مخلفات الإنترنت , لازم تمسحين الكوكيز , وملفات الإنترنت المؤقتهInternet Temporary Folder , ومجلد الـ Temp ومجلد الـ Prefetch . . وغيرها
وعشان ما تصعب عليكي الشغله , فيه برنامج مجاني وخفيف وممتاز يعمل الشغلة هذي . .
اللي هو Free Internet Eraser v.2.0
برنامج خفيف , وممتاز . .

http://www.softaward.com/download3214.html

دبل كلك وانتظري شوي , راح يبدى تحميل البرنامج . .
وهذي واجهة البرنامج . .



من فوق البرنامج , إضغطي على Windows وأشري على جميع الخيارات . .
وكذلك من فوق إضغطي على Browsers وأشري على جميع الخيارات إلا الأخيرة . .
ألحين تأكدي إن متصفح الإنترنت مغلق . .
وإرجعي لـ Main وأضغطي على زر Quick Clean . .
وخلاص . .

تأكدري بعدها هل سرعة التصفح رجعت مثل أول . .
أو تحسنت شي بسيط . .
إذا ضبطت السرعة ألحين أوكي . .
وإذا لأ كملي الخطوات . .
وأنا أنصحك تكملين الخطوات حتى لو ضبطت السرعة عندك . .
لأنك بتنظفين الجهاز مضبوط . .

@@@@@@@@@@@@@@@@@@@@@@@@@@

2- تنظيف الجهاز من الفيروسات . .
إعملي تحديث للأنتي فايروس اللي عندك وإعملي سكان كامل للجهاز . .
أو
إدخلي أحد مواقع السكان أون لاين بالرابط الجاي . .
وإعملي سكان كامل للجهاز . .
http://www.lakii.com/vb/showthread.php?t=158312
إختاري الأول أو الثاني هم الأقوى . .
جربي الثاني لأن الأول عملوا له تحديث , وتغيرت بعض خطواته عن الشرح اللي بالموضوع . .

@@@@@@@@@@@@@@@@@@@@@@@@@@@

3- تنظيف الجهاز من برامج التجسس وبرامج الإعلانات . .

حملي هالبرنامجين وإتبعي الشرح لطريقة الإعداد والتحديث . .

البرنامج الأول :
Ad-Aware SE 1.06
(Advertisement Aware كاشف الأعلانات )
http://www.lakii.com/vb/showpost.php?p=1460015&postcount=57


البرنامج الثاني :
Spybot - S&D 1.4
للبحث و تدمير برامج التجسس
http://www.lakii.com/vb/showpost.php?p=1460027&postcount=58

@@@@@@@@@@@@@@@@@@@@@@@@@

إذا خلصت كذلك نظفي الجهاز مرة ثانية بالبرنامج الأول . .
وإنشاء الله يضبط معاكي . .

هند

اتصالي DSL

شكرا لك على مرورك


MrSaudi

اتصالي كان سريع جداً لكن من يومين فقط صار ثقيل !

شكرا لك على التعقيب


غريب الهمس

مشكور اخوي غريب الهمس

ماقصرت

الخطوتين الأولى والثانية سويتها والحمدلله صار اسرع من اول لكن مارجع لسرعته الأوليه

الخطوة الثالثة

مشيت بالخطوات لحد ماوصلت الزر (Check fo Problems) ضغطته وأنفتحت لي النافذة الموجوده في الصورة !! ومادري وش السبب رغم اني مشيت على الخطوات اللي ذكرت

أهلا أختي *النجمة المضيئة* . .
إعملي تحديث للبرنامج , من زر Update اللي على جنب البرنامج . .



بعدين زر Search for Update . .
إذا ما قدر يعمل بحث للتحديثات أو عطاكي مسج ثانية , في زر جنبه (بالصورة مكتوب عليه Safer Networking . . إلخ ) , جنب هذا الزر فيه سهم , لو تضغطينه بيطلع لك مجموعة سيرفرات تقدرين تختاري أي سيرفر فيهم عشان يبحث عن التحديث فيه . .
إذا لقى التحديث , بيعطيكي لسته مثل اللي بالصورة ,تختارين اللي تبينها أو كلهم , وتضغطين على زر
Download Update . .
بيقعد فترة يحمل التحديث , إذا خلص , تقدرين بعدها تعملين سكان عادي بإذن الله . .
(بالصورة عندي إنتهى تحميل التحديث , عطاني علامة صح أخضر علي اللي حمله )

@@@@@@@@@@@@@@

إذا خلصتي السكان , إعملي الطريقة الجاية , بتحسن عمل المتصفح . .

أحذفي المتصفح , ونصبيه مره ثانيه . .

من قائمة "أبدأ" أو "Start" . .

أختاري "لوحة التحكم" أو " Control Panal" . .

بالكنترول بانال أفتحي "أضافة وازالة البرامج" أو " Add remove Program" . .

بيفتح لك صندوق فيه البرامج . .

وعلى الجنب فيه زر أسمه "أضافة/ أزالة مكونات Windows" أو "add / Remove windows component"

أو شي زي كذا . .



بيطلع لك صندوق ثاني . .



شيلي علامة الصح من الـ Internet Explorer . .

يعني خليه مو مؤشر عليه . .

وأضغطي "التالي" أو "Next" . .

بيحذف لك المتصفح . .

حتى أيقونة الأكسبلورر تختفي من سطح المكتب . .


اذا أنتهى . .

سوي نفس الطريقة بالضبط

يعني من نفس اضافة وأزالة البرامج

اضغطي على

"أضافة/ أزالة مكونات Windows"

أو

"add / Remove windows component"

أو شي زي كذا . .





بيطلع لك نفس الصندوق الأول . .

بس هالمره أشري على Internet Explorer . .

يعني رجعي علامة الصح على الـ Internet Explorer . .

وأضغطي "التالي" أو "Next" . .

بيرجع المتصفح مره ثانيه . .
@@@@@@@@@@@@@@@@


إعملي تحديث للمتصفح . .


@@@@@@@@@@@@@@@@

وإن شاء الله بيضبط معاج . .

خخخخخخخ

ضغطت على update

الا ويطلع لي صوت خيل يخرعني





______

مشيت بالخطوات لحد ماوصلت Download Update ضغطته طلعت لي هذي

الرسالة الموجودة في الصورة



جزاك الله خير اخوي غريب الهمس

والسموحه لاني ضيعت وقتك ..



مشيت على الطريقة الأخيرة اللي ذكرتها
شكرا لك ..

أما صوت خيل !!! غريبة
خخخخخخخخخ

طيب حلو , القائمة اللي ظهرت لك في البرنامج (اللي فيها إستفهامات)
هذا التحديث الموجود في الموقع , فلازم تختارين منه عشان يحمله لج ,
الرسالة اللي ظهرت لج تقول "لو سمحتي إختاري بعض التحديثات " . .
تضغطين على المربع اللي قبل الإستفهام , يصير عليه علامة صح ,
بعدين إضغطي
Download Update . .
وبعدها سوي سكان لجهازك . .

(أختاري نفس المختارة أنا بالصورة اللي حطيتها ,
أول واحد واللي قبل الأخير , أو نفس أساميهم )


وبالعكس أختي ما فيها تضييع وقت ولا شي . .
وأنا بالخدمة أختي . .

مشكور وجزاك الله خير اخوي غريب الهمس
جاري التحديث ..