بسم الله الرحمن الرحيم

أشلونك يأخوان ؟ عساكم مرتاحيين

أبي أسالكم ماهي أفضل أنواع الكاميرات الرقمية (الديجتل )

وابي أفضل المواصفات لها ( مو مهم السعر كثر أهمية المواصفات )

وهل في كاميرات ممكن تكون فيديو بنفس الوقت

وهل ممكن أخزنها في (memory)
و تكون كصور فوتوغرافيه بعد اضافة تعديلات لها بالكمبيوتر اي في لها وصله خاصة عشان أخزن فيها الصور و اطلعها كفوتوغرافية

أذا تذكرت اي سؤال حول الموضوع برجع لكم

وجزاكم الرحمن كل الخير

مستعجله

ابي اشتري كاميرا

فدلوني بافضلها

جزاكم الله الجنة

الأخت الفاضلة : رهف القلوب

شوفي أختي الفاضلة من جهة نظري أن من أفضل الكاميرات الديجيتال الموجودة في الأسواق

هي

كانون Canon

نيكون Nikon

و بعد ذلك السوني Sony

و إل جي L G

احسن شيء بعالم الكاميرات هو ماركة (كانون)
روح عندهم وهم يقولولك المواصفات عندهم اشياء خياليه بالتصوير الديجتال والفيديو كل شي تبغاه احترافي ممكن تلقونه في كاميرات كانون
وايضا سوني
لكن كانون معروفه جدا في عهدها الطويل بتصنيع كاميرات الديجيتل وبعض كاميراتها ممكن يوصل إلى خمس الاف وفي اقل في بالف وفي بالفين وفي بثلاثة على حسب
واهم شيء الميجا بيكسل لانه الحين طلع انواع جديده وقوية في التصوير والوضوح
احسن شي تروح عندهم وتسأل وهم بيشرحولك كل المواصفات

أخي العزيز ماتركس
أختي العزيزة مليكة القلم

أشكركم وجزاكم الله الجنة

بس شو يعني الميجا بيكسل ( مافهمت ارجو التوضيح )
وهل هالنوع صغير حجمة _ لاني أبي كاميرا مواصفاتها جيدة و لكن صغيرة الحجم

جزاكم الله الجنة

انتظر المزيد من خبراتكم حول الكاميرات

جزاكم الله الجنة

انتظركم

إخذي 7 بيكسيل

بالنسبة للكاميرات . .

أستخدمت الـ نيكون

Nikon coolpix 7900

الموديل هذا 7 ميجا بيكسل

يعني صورته حجمها الرئيسي

حجم ورقة A3 . .

ممتازة جدا للمبتدئين . .

لأن الأعدادات اللي بالكاميرات الأخرى جاهزة فيها . .

بمعنى , أن لو بغيتي تصورين شي قريب جدا . .

وتخلين التركيز عليه . .

فما تحتاجين مثلا توسعين العدسة , وتغيرين بقيمة الـ ISO مثل الكاميرات الباقية . .

بس تختارين خيار تصوير الأشياء القريبة , والكاميرا راح تضبط التركيز والأشياء الباقية . .

وفيه مثلا التصوير تحت الماء . .

أغلب الكاميرات تصور تحت الماء . .

لكن النيكون فيها ببرنامجها هالخاصية . .

عشان يقدر يلغي التشويش اللي ينتج من الغلاف اللي يستخدم تحت الماء . .

وكذلك حجمها صغير . .

وكذلك شاشة العرض الخلفية , تعتبر من الشاشت الكبيرة بالنسبة للكاميرات الأخرى . .

والكثير من المميزات الجميلة . .

لكن أذا بتدخلين بالتصوير الأحترافي . .

فعندك الكانون ممتازة . .

كتبت بواسطة مليكة القلم

احسن شيء بعالم الكاميرات هو ماركة (كانون)
روح عندهم وهم يقولولك المواصفات عندهم اشياء خياليه بالتصوير الديجتال والفيديو كل شي تبغاه احترافي ممكن تلقونه في كاميرات كانون
وايضا سوني
لكن كانون معروفه جدا في عهدها الطويل بتصنيع كاميرات الديجيتل وبعض كاميراتها ممكن يوصل إلى خمس الاف وفي اقل في بالف وفي بالفين وفي بثلاثة على حسب
واهم شيء الميجا بيكسل لانه الحين طلع انواع جديده وقوية في التصوير والوضوح
احسن شي تروح عندهم وتسأل وهم بيشرحولك كل المواصفات

كلام سليم جدا
الكانون فى موديلات روعة
انت روحى اى توكيل كانون
وهما حيفيدوكى ان شاء الله