ارغب في ادخال صور للكمبيوتر من جوالي , ولم استطع ,, استخدمت الوصله بس ما ظبطت معي ابغى منكم الفزعه يا اخواتي العزيزات.
وساكون ممتنه لكم ولكم جزيل الشكر.

السلام عليكم ورحمة الله وبركاته


أول شي أختي نبي نعرف وش نوع جوالك؟؟؟

ونوع الكمبيوتر إللي تستعملينه؟؟ هل هو هو كمبيوتر شخصي ولا كمبيوتر محمول؟؟


أنتظر الجواب ثم لك الحل بإذن الله

شكرا همس القلوب على المرور.
جوالي الدمعه( الزعيم) من نوكيا.
والكمبيوتر اللي استخدم شخصي مو محمول.
سانتظر ردك الان بفارغ الصبر وشكرا مره ثانيه.

أوكي أختي علشان تحملين الصور للكمبيوتر

لازم يا إما تستخدمين الكيبل أو وصلة ir

الكيبل أنا عن نفسي ما أحب أستعمله لأن ساعات يكون مضروب ويدمر الجوال

بس إذا عندك الدمعة أعتقد يجي معاه كيبل

تركبينه على الكمبيوتر وعن طريق السي دي تعرفين الكيبل للكمبيوتر

وبعدين عادي تركبين الجوال بس بتحتاجين حق برنامج Nokia PC Suite

تلقينه في السي دي إللي يجي مع النوكيا أو تحصلينه عن طريق الموقع

بعد ما توصلين الجوال بالكمبيوتر تفتحين البرنامج هذا وعن طريقه تقدرين

تنزلين الصور، تحملين صور للجوال، تدخلين رنات .. الخ...

وتقدرين تنزلين الصور عن طريق وصلة الir وأنا أستعمل هالطريقة،

بس إذا كان كمبيوترك شخصي، أعتقد ما يجي معاه وصلة ir

فلازم تشترين وصلة ir خارجية، يجي حجمه صغير وتركبينه كأنك تركبين

ماوس، يعني سهل تركيبه بس هم لازم يتعرف عليه الجهاز وبعدين

تقدرين تنزلين الصور من الجوال ويتم هالشي أيضا عن طريق Nokia PC Suite..

أختاري واحد من الطريقتين وشوفي الطريقة إللي تريحك..

حملي البرنامج من هنا


وإذا عندك أي سؤال ثاني ، إحنا بالخدمة

شششششششششششششششششكرا جزيلا اختي,
عاجزه عن شكرك .
لكن ما اقدر اقول الا الله يجزاك الجنه ووالديك وجميع المسلمين .

العفوووووووو حبيبتي

وإذا بغيتي أي شي أنا حاضرة

وتقدرين تسألين بأي وقت

وكل الأخوان والأخوات هنا ما يقصرون

إذا لقيتي صعوبة في إستخدام البرنامج

أو واجهتي أي مشكلة فلا تترددي بالسؤال


واللهم آمين أختي

والله يرزقنا الجنة أجمعين


تقبلي أطيب تحية