السلام عليكم ورحمه الله وبركاته

مع انتهاء دروة تعليم الباوربوينت 2003

والجد والاجتهاد والمثابره فى عمل التطبيقات

اتى وقت الحصاد

وقت تكريم المتميزه الاولى والثانيه والثالثه

علشان كدا زى ما اتفقت مع حضراتكم من البدايه
ان كل واحده تجمع درجاتها

طبعا انا متاكده ان فى كتير نسيوا يجمعوا درجاتهم باستمرار
وافضل عقاب لهم طبعا انهم هيلفوا على المواضيع للدروس ويجمعوا درجاتهم

الان
كل واحده تحط درجتها وصاحبه اعلى درجه هى اللى هتكون فى المركز الاول واللى بعدها الثانيه واللى بعدهم الثالثه

طبعا هو مفيش رقم نهائى للمقارنه به لان كان فى درجات التميز ودى اضافيه

علشان كدا هنحكم التفوق باعلى الدرجات

بانتظار درجاتكم علشان نعرف من هى صاحبه لقب "متميزه باوربوينت 2003"

وان شاء الله نبدا دوره الباوربوينت 2007 ونستكمل دوره الفرونت بيج بعد العيد وذلك على حسب رغبة الاخوات فى ذلك

واى تعليقات تحبوا تضيفوها على الدوره السابقه تفضلوا بطرحها علشان نتناقش فيها ونحس الاداء فى كل مره
انا طبعا بعدت عن نظام التلقين وكل اخت فيكم كانت بتعمل الشئ بايديها مش بتحفظ الدروس علشان كدا اتمنى تكون الفائده كبيره لكم

بالتوفيق للجمــــــــــــــــــــيع

السلام عليكم
انا اول وحده ترد على الموضوع
يامس انا مجمعه درجاتي عندي على الجهاز
انا علاماتي طلع مجموعهم 56 هيه الدرجه دي من كم يامس
ويارب يباركلك ويفتحلك ابواب رحمته زي مانورتينا وعلمتينا وبجد ماننسى مجهودك وتعبك معانا

حبيبتى انا كمان كنت ملتزمه وبحفظ درجاتى وجمعتهم وطلعوا
65 درجه يااااااااااارب اطلع من الاوائل ههههههههه

كان نفسى ابقى معاكم فالاجتماع بس للاسف منفعش
ربنا يكرمك حبيبتى يااااااااارب ويوفقك

مانا قولتلك ياقمر الترتيب هيكون على حسب الدرجات
الدرجات ليس لها درجه نهائيه لان فى درجات التميز ودى كانت اضافيه
لو حددنا الدرجه النهائيه هتلاقى ان فى ناس هيتعدوها
وبالتالى انا قررت الترتيب يكون على حسب مجموع الدرجات

السلامـ عليكمـ ورحمة الله وبركاته

رحت أجمع درجاتي ورجعت

الدرس الأول : -

الدرس الثاني : 10 + 1

الدرس الثالث : 13 + 2

الدرس الرابع : 16 + 4

الدرس الخامس : 15 + 4

المجموع = 54 + 11 =

65 درجة

انا الظاهر حكون اخر وحده كله من وره الدرس الرابع وتنقيص ال8 درجات

يامس انا اسفه فى غلطه لاحظتها الدرس الاخير كنت جامعه درجاته 19 غلط وهو 18 يعنى كده المجموع= 64 درجه

ماشاء الله الدرجات جميله
وتيدى بير فى الصداره حتى الان
المقارنه الان تتم على اعلى درجه يعنى صاحبه المركز الاول حتى الان هى Taddy bear

بانتظار الجميع

السلام عليكم
أولا مبرووووك للغالية تيدي بير وأكيد بتستاهل ولقد أبدعت ما شاء الله
ثانيا اتفضلي يا مس الدرجات (على ما قُسم)
الدرس الأول 10+2 تميز=12
الدرس الثاني 13+2 تميز= 15
الدرس الثالث 13+2 تميز بجدارة =15
الدرس الرابع 16+4 تميز = 20
الدرس الخامس 14+4 تميز=18
المجموع
80

وااااااااااااااااااااااااااو ابريل حواء
ماشاء الله
وكدا تتربعى على المركز الاول
وتاتى بعدك تيدى بير فى المركز الثانى
وبسبوسه فى المركز الثالث