انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 21 1234511 ... الأخيرالأخير
عرض النتائج 1 الى 10 من 210

الموضوع: لكل النعومات دعوه عامه من بقره مشاغبه >>>اتفضلوا <<<

  1. #1
    تاريخ التسجيل
    Aug 2008
    الموقع
    مصر حببتى مهما قالوا
    الردود
    4,687
    الجنس
    امرأة

    summer2009 لكل النعومات دعوه عامه من بقره مشاغبه >>>اتفضلوا <<<








    ودعوه عامه من بقره مشاغبه
    لكل الغوالى وبتقول فى الدعوه




    تتشرف بقره هانم بنت الحسب والنسب بدعوة سيادتكم لحضور حفلة تخرجها من المرحله الاولى (اللبانى)




    الى المرحله التانيه (الموسكارى )




    وذلك يوم من الايام فى وقته وتاريخه
    ولكن بشرطين
    اولا تتمنى للاطفال نوماً هنيئاً
    ثانيا لكل حفله زى رسمى لكن حفلتى
    تختلف وهى عايزه اداه رسميه





    وكانت كلمة بقره هانم فى حفلة تخرجها موجهة لكل السيدات والانسات التى تجهل انواع اللحمه وكيفية التعامل معها
    وكانت تتحدث بأستياء شديد
    عن السيدات التى تذهب الى الجزار
    وتطلب منه جزء طرى من اللحمه وتطلع هى ونصيبها
    وكان الهدف من التجمع اليوم انها عايزه الستات تكون مدأرمه وتكون واقفه ادام الجزار فاهمه هى عايزه من اى جزء بالظبط
    وكل جزء ايه استخداماته مش كله قطع واقلب واسلق فى الحله

    وبالذات النعومات اللى بتدبح الاضحيه
    فى العيد الكبير
    تلاقى الجزار واقف بين دبيحته وحواليه كذا طشت كبير
    ويطلع للست نصيبها من الاضحيه
    طبعا مش عارفه تميز الحته الطريه من الحته الجامده والحته اللى تنفع تتسلق من الحته اللى تتشوى
    حتى ولو كان قالها على اسماء الاجزاء



    سيبونا بأه من كلمات الحفلات وتعالوا معايا فى جوله سريعه



    اول حاجه حنتكلم عليها
    بعد ذبح الأضحية يجب على ربة المنزل أن تضع اللحوم التى قطعها الجزار إلى أجزاء كبيرة بالفريزر لمدة ساعتين،او داخل التلاجه الى اخر اليوم لأن أنسجة اللحمة تكون مفتوحة، ويؤدى ذلك إلى صعوبة تقطيعها، وبعد خروجها من «الفريزر» يجب عدم استخدام المياه لغسلها وتذويب الثلج بها، حتى لا تفقد قيمتها الغذائية وتتشبع مسامها بالماء الذى يفقدها حلاوة مذاقها ويجب ألا تزيد فترة الاحتفاظ على ٤٠ يوماً.







    * قومي بغسل اللحوم بوضعها في طشت كبير مع فركها وتغيير الماء كل فتره

    ٭ يفضل ازالة الشحوم عن اللحم لأن وجود الشحوم بكميات كبيرة في اللحم يؤثر على فترة التخزين.




    * قومي بتقطيع اللحم على حسب رغبتك فيمكن تقطيع جزء منه قطع صغيره وجزء اخر قطع كبيره وكهذا كما يمكنك القياام بتتبيله




    * وزعي قطع اللحم في اكياس البلاستيك واحكمي اغلاقها



    ٭ ثم ضعيها في الفريزر



    الطريقه الصحيه والصحيحه عند القيام باذابه الثلج عن اللحوم المجمده لاستخدامها



    هناك ثلاث طرق لتسييح اللحوم: الثلاجة، الماء البارد ,الميكرويف

    1) الثلاجة: وتعتبر أفضل طرق تسييح اللحوم بمختلف أنواعها.




    ضعي اللحوم في الثلاجه بدون اضافه الماء الى ان يذوب الثلج وهي تحتاج وقت طويل لذلك
    وبعد إذابة الثلج عن اللحوم بالكامل فإنه يمكن ابقاؤها في الثلاجة لمدة 3 - 5 أيام الى ان يتم طهيها كما أنه اذا تم تعديل الرأي عن عدم طهي تلك اللحوم بعد اذابة الثلج عنها فإنه يمكن اعادة تجميد تلك اللحوم فقط في حالة استعمال الثلاجة لتسييح اللحوم المجمدة لأن سطح اللحم في هذه الحالة يبقى بارداً لدرجة 4 درجات مئوية، وهذا يعني عدم مقدرة البكتيريا على التكاثر

    2) الماء البارد: لا يفضل استعمال هذه الطريقة ويمكن في الحالات السريعة اللجوء للماء لإذابة الثلج ولكن لا تنزع الغلاف عند تسييح اللحوم في الماء البارد وتأكد أن اللحم مغلف بغلاف يمنع دخول الماء الى اللحم إغمر اللحم المغلف في الماء البارد وقم بتغيير الماء كل 30 دقيقة وهكذا الى ان يزول الثلج عن اللحم




    المايكروويف: إذا تم تسييح اللحوم بهذه الطريقة فيجب طهيها حالا لأن بعض اجزاء اللحم تصبح دافئة وفي مرحلة الطهي ولهذا لا ينصح بحفظ الأطعمة المطهية جزئيا لأن ذلك يعطي الفرصة للميكروبات بالتكاثر ويجب الأخذ في الاعتبار أن اللحوم التي تم تسييحها بطريقة الماء أو المايكروويف لا ينبغي إعادة تجميدها وإنما تطهى فورا ومن ثم يمكن إعادة تجميدها.



    لغاية دلوقتى حلو الكلام
    عرفنا امته نقطع لحم الذبيحه وازاى نفك التلج من عليها



    ندخل فى الجزء التانى من موضوعى
    وهى اجزاء الذبيحه او العجل

    طبعا مع اختلاف انواع اللحوم من بتلو
    لضانى لمسكارى
    للحم الغنم للحم الغزلان
    المهم تختلف الأسماء والاشكال والمذاق لكن الاجزاء واحده

    ومن هنا حقسم العجل الى 3 اجزاء

    • اولاالرأس وما فيها من


    1. مخ
    2. لحمة راس
    3. لسان



    • ثانيا انواع اللحوم


    1. الرقبه (لحمه دوش)
    2. الصدر (لحمه سن)(لحمة الضلوع)
    3. عرق الفلتو
    4. الروزبيف
    5. الانتركوت
    6. عمود الفخده(التربيانكو)
    7. وش الفخده
    8. الموزه


    • ثالثا ما بداخل الذبيحه


    1. القلب
    2. الكبده
    3. الكلاوى
    4. الفشه
    5. الكرشه
    6. المنديل
    7. الامعاء الدقيقه (السجق)
    8. الامعاء الغليظه (الممبار)
    9. وطبعا مش حننسى الديل (العكاوى)
    10. الكوارع
    11. الريش



    انا اللى قدرت احضره فى بيتى
    جهزته علشان تشوفوه
    واللى مقدرتش اجيبه
    دورت على الروابط بتاعته

    واتمنى من كل ست المشاركه
    بجزء جديد من الذبيحه وطريقة طبخها


    [CENTER]وحشتونى جدا جدا
    واعذرونى على عدم تواجدى
    ]

  2. #2
    تاريخ التسجيل
    Aug 2008
    الموقع
    مصر حببتى مهما قالوا
    الردود
    4,687
    الجنس
    امرأة


    وبعد ما اتكلمنا عن اسماء الاجزاء
    حنتكلم عن انسب الطرق للطبخ

    اولا جدير بالذكر اننا نعرف
    ان لحم الابقار اطرى من لحم الجاموس
    وان كل ما صغر سن الذبيحه كل ما كان لحمها اطرى

    نبدأ

    اولا الرقبه (لحمه دوش)

    والنوع ده من اللحمه شديد جدا
    على صغار وكبار السن لانها بتاخد وقت كتير على النار وحتى لو استوت بتكون شديده

    ثانيا لحم الصدر (لحمه سن)(لحمة الضلوع)

    طبعا الاسامى تختلف والجزء واحد

    القطعه ده تختلف تماما مع السن لانها طريه جدا وبتنفع للسلق ومع الخضار









    ثالثا عرق الفلتو او العمود الفيليه

    وده غنى عن التعريف
    اطرى قطعة لحمه فى العجل كله
    ممكن سلق وشوى وقلى ماعدا الاسكالوب
    لان انسجتها ضعيفه ولو ادقت حتتفكفك من بعضها

    وطريقتها المفضله عندى

    بعد تنضيف العمود من الدهون كلها
    بحضر علب التتبيلات الجاهزه زى بهارات تتبيله الكفته او الهمبورجر و الباربيكيو والفراخ المشويه وافرط عليهن مكعبات مرقه علشان اظبط الحدق
    وادحرج العمود فيهم وبعد كده اقليه فى مقلايه فيها قليل من الزيت على نار عاليه مع التقليب علشان تنشف الطبقه الخاجيه
    وبعد ما يبرد اقطعه شرائح وارجع اقليه فى نفس المقلايه يادوب ياخد تسويه بسيطه على الجانبين بقليل من الملح والفلفل

    عمود فلتو متبل حتكلوا صوابعكم وراة بالصور












    *المنيو الاول*,*,*,خضار مشوى بالاعشاب مع لحم مشوى بصوص مميز*,*,*,






    رابعا الروزبيف او الانتركوت


    وهى ايضا من النوعيات الطريه جدا
    لكن اشد من الفلتو
    وممكن تتعمل منها الاسكالوب
    يعنى تتحمل الدق علشان تتفرد وتتهتك الانسجه

    ولكن علشان اولادى مايحبوش البانيهات فبعملها مع الخضار وغالبا مع صينية البطاطس بالفرن






    [CENTER]وحشتونى جدا جدا
    واعذرونى على عدم تواجدى
    ]

  3. #3
    تاريخ التسجيل
    Aug 2008
    الموقع
    مصر حببتى مهما قالوا
    الردود
    4,687
    الجنس
    امرأة
    خامسا الT بون ستيك او التيبون ستيك

    والجزء ده مشترك بين عمود الفلتو والروزبيف وهو عباره عن عظمه على شكل حرف T وبيكون على الناحيه اليمين العمود الفلتو وعلى الناحيه الشمال الروزبيف وتؤكل مشويه

    ^^^بطاطس جديده جراتا وتبون استيك^^^




    وانا اكلت الفلتو وسيبت الروزبيف علشان تميزوا حرف الT


    سادسا عمود الفخده(التربيانكو)

    وهو ما يعرف بعمود اللحم البارد
    والجزء ده شديد ومحتاج تسويه
    ويستخدم فى السلق و الخضار والعمود البارد












    يا ام شادى تعالى شوفى شطارتى




    *واليكم المنيو الثالث*,*,عمود روستو ومكرونه اسبجتى بالتوم والصلصه*,*,






    سابعا وش الفخده

    وده الجزء الوحيد اللى ممكن يشوى من الفخده لانه طرى جدا وينفع للستيك بانواعه

    ولكن عندى ملاحظه فى تقطيع اى جزء لحمه وبالاخص وش الفخده

    فى اى قطعة لحمه نسيج او اتجاه للانسجه فلازم التقطيع يكون بشكل عرضى وليس طولى













    وبعد التقطيع شرائح لو سميكه اقطعها قطع للخضار او مكعبات زى الكباب حله
    والفرق بين الكباب حله وقطعيات لحمة الخضار التنيه ان الكباب حله بتكون خاليه من الدهون






    لو رفيعه تكون للشوى او الاستيك






    *الى من يهمه الامر *******كباب حلة بالبطاطس***********




    *******فتة افرنجى****** من الحى الشرقى وبالصور





    ثامنا الموزه

    يا عينى يا عينى على الموزه
    من الذ واطرى انواع اللحمه وبتكون ملبسه بالدهن الخفيف
    وطبعا تنفع للسلق و الخضار والطبخ زى العمود البارد

    وطبقى المفضل ليها
    هى الموزه بتقلية التوم والكسبره

    ودايما بعملها مع الملوخيه
    لانى بعد ما بسلق الموزه وهى شرائح
    بحمرها فى معلقتين سمنه
    وبعد ما تتحمر انزل عليها بجزء من تقلية الملوخيه وعليها مغرفتين شوربه يا دوب تغلى غلوه واحده واظبط ملحها واقدمها مع الصوص بتاعها












    [CENTER]وحشتونى جدا جدا
    واعذرونى على عدم تواجدى
    ]

  4. #4
    تاريخ التسجيل
    Aug 2008
    الموقع
    مصر حببتى مهما قالوا
    الردود
    4,687
    الجنس
    امرأة



    ولكل من الكبده والقلب والكلاوى
    وما يطلق عليه الحلويات
    طريقتهم واحده
    وهى بعد التنظيف والتقطيع التتبيل بالتوم والملح والفلفل والليمون واحمرهم فى السمنه

    ولو حبيت اشوى
    بزود على التتبيله مسطرده
















    ومن ضمن الاجزاء التى بداخل العجل
    الامعاء الدقيقه (السجق)وبعد التنضيف بتحشى لحمه مفرومه متبله وتعلق فى الشمس الى ان تنشف واخيرا تتقلى وهى مختلفه عن الممبار







    وكان اخر جزء فى العجل هو الديل
    وبنطلق عليها العكاوى

    وبنتعامل معاها على انها لحمه
    بالرغم من ان فيها عضم لكن بسلقها عادى واضعها على صينية البطاطس




















    وللريش نصب كبير من اطباقى
    وهى ريش بيت الكلاوى
    بتكون ريش صغيره ولحمتها ناعمه جدا
    وممكن بعد ما تتبل
    تتحمر او تتشوى او الطريقه التالته
    وهى على ورق العنب المحشى
    وطريقتها على الرابط ده

    المحاشي بأشكالها من الأطباق المحبوبه عند الجميع أخواتي تفضلن بالمشاركه

    وطريقتى فى محشى الورق عنب

    ارص في الحله الريش البتلو بعد ما اديها تحميره فى معلقة سمنه على النار
    يادوب اديها لون مش اكتر




    وابدا الف الورق العنب وارصه فوق اللحمه



    وفى النهايه اديها المرقه بتاعتى وفيها عصير طماطم وبهارات وملح لكن ما بغطيش وشها بالمرقه علشان لما تغلى الطبقه اللى فوق ما تتفكفكش



    ولما المايه تنشف شويه ازودها شويه كمان علشان السوى يكون كامل





















    واتمنى ان اكون افدتكم حتى ولو بمعلومه صغيره


    [CENTER]وحشتونى جدا جدا
    واعذرونى على عدم تواجدى
    ]

  5. #5
    تاريخ التسجيل
    Jan 2007
    الموقع
    بين احبابي
    الردود
    14,077
    الجنس
    امرأة
    التدوينات
    7
    التكريم
    • (القاب)
      • متألقة صيف 1432هـ
      • مُبدعة صيف 1430و1431هـ
      • فنانة الحلويات
      • خبيرة طبخ متميزة

  6. #6
    تاريخ التسجيل
    Aug 2008
    الموقع
    مصر حببتى مهما قالوا
    الردود
    4,687
    الجنس
    امرأة
    وهذا الرابط للاخت زينب لعمود اللحمه البارده







    وده رابط الاخت رنود للضلع المحشى





    وده رابط الاخت زينب لعمل الريش
    http://www.lakii.com/vb/showthread.php?t=493806




    وده رابط الاخت 1roza لعمل الكوارع







    رابط الجميله roza1 لعمل الكوارع واللسان







    والاخت roza1 كانت متوصيه بينا تمام
    وقدمتلنا الخروف على طريقة منال العالم








    رابط الاخت تغريد فى عمل الكبده والفشه







    رابط الاخت ام شادى لعمل اللحمه البارده
    http://www.lakii.com/vb/showthread.php?t=481346




    رابط الممبار والكرش للغاليه زينب محمد2




    رابط القطه الاء لتنظيف وطبخ الكرشه والامعاء





    وهذا الرابط للاخت زينب لعمل الممبار


    [CENTER]وحشتونى جدا جدا
    واعذرونى على عدم تواجدى
    ]

  7. #7
    تاريخ التسجيل
    Aug 2006
    الموقع
    فلسطين - غزة
    الردود
    44,703
    الجنس
    امرأة
    التدوينات
    18
    التكريم
    • (القاب)
      • مكتسحات القمة
      • نجمة إبداع في ركن الجوال
      • خبيرة برامج
      • وهج عطاء الكمبيوتر
      • درة صيف31/ 1432هـ
      • لؤلؤة شتوية نادرة
      • تربوية مثقفة
      • لمسة عطاء
      • مبدعة صيف1430هـ
      • مدربـة متميزة
      • ريحانة الحوار
      • عطاء ركن التغذية والصحة
      • ضياء العلم
      • شعلة العطاء
      • فرحة عدسة
      • لمسة إبداع
      • مستشارة ركن الحاسوب
      • احساس راقي
      • الأم الحنون
      • متميزة ركن الأمومة والطفولة
      • بصمة مبدعة
    (أوسمة)
    بجد بجد بجد
    اااااااااااااااااااااااااااااااابداااااااااااااااا ع
    وتطبيقات
    ووصفات
    وطريقة عرض الموضوع
    حتى العنوان رائع
    ههههههههههههه
    بجد انتي في كل شيء عجباني تبارك الله عليكِ
    ربنا يحميكِ انتي وأهل بيتك
    طبعا إلى المفضلة
    للاستفاااااااااااااااادة الكبيرة ان شاء الله
    ربنا يسعدك

  8. #8
    تاريخ التسجيل
    Mar 2007
    الموقع
    رام الله --فلسطين
    الردود
    25,653
    الجنس
    امرأة
    التكريم
    • (القاب)
      • الوصيفة الأولى
      • لمسة ديكورية مبدعة
      • متميزة ركن المقبلات
      • مُبدعة صيف1431:1430هـ
      • سيدة مطبخ لكِ
      • مبدعة البوفيهات
      • فنانة التقديم
    (أوسمة)
    يسلمو دياتك يا رب موضوع رائع حبيبتي
    ان شاء الله الصبايا يقدمولنا كل ما هو جديد ومفيد
    في ميزان حسناتك ان شاء الله
    بس قوليلي شو المنديل يلي في البقره ما فهمت
    نحمدك ربي حمداً طيباً مباركاً فيه

  9. #9
    تاريخ التسجيل
    Aug 2007
    الموقع
    جده بلدالرخاء والشده
    الردود
    4,468
    الجنس
    امرأة
    ماشاءالله لاقوة الابالله
    ابدعت يالغلا الله يعطيكي الف عافيه

  10. #10
    تاريخ التسجيل
    Apr 2008
    الردود
    1,747
    الجنس
    امرأة
    بصراحة مش عارفة اقول اية موضوووع غاية فى الروعة بجد


    تسلم الايادى حببتى ماشاء الله شرح وافى


    ومشكورة على تعبك يغالية


    دى مشاركاتى

    كباب حلة
    http://www.lakii.com/vb/showthread.php?t=590954



    ستيك اللحم
    http://www.lakii.com/vb/showthread.php?t=563863





    دجاج بالسجق

    http://www.lakii.com/vb/showthread.php?t=571302





    كتف فى الفرن

    http://www.lakii.com/vb/showthread.php?t=550749



    كبدة

    http://www.lakii.com/vb/showthread.php?t=593707




    كبدة اسكندرانى

    http://www.lakii.com/vb/showthread.php?t=589713




    آخر مرة عدل بواسطة nanosa311 : 28-09-2009 في 12:25 PM

مواضيع مشابهه

  1. دعوه عامه
    بواسطة haninels في ركن الكروشيه والتريكو
    الردود: 24
    اخر موضوع: 26-11-2010, 05:55 PM
  2. دعوه عامه لجميع اعضاء المنتدى الكرام
    بواسطة dordor في الديكور الداخلي والخارجي
    الردود: 1
    اخر موضوع: 21-06-2006, 05:06 AM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ