وعليكم السلام ورحمة الله وبركاته
ياهلا ومرحبا فيكِ ورود نرجسية
نورتي الملتقى
أفضل خطوة سويتيها انك تبحثي عن الحل
و حاعطيكِ نصائح من خلفيتي البسيطة
وان شاء الله البنات يضيفوا عليها
- أول شيء لازم تعطي نفسك ايحاءات ايجابية
مثلاً .. تقولي لنفسك دائماً [ عندي قدرة أوجه الناس ]
أو [ شخصيتي قوية ] و ايحاءات من هذا القبيل دائماً ردديها
وخليها على لسانك
- النقطة الثانية خصصي لك مذكرة اكتبي
فيها هذي الايحاءات وكرريها
[ شخصيتي قوية .. شخصيتي قوية ...شخصيتي قوية...]
30 او 40 مرة اللي تقدري عليه وكل يوم اكتبي
- ونقطة مهمة بالنسبة لتأتأه في الكلام
ادعي دعاء موسى عليه السلام
{ واحلل عقدة من لساني } طه:27
- وبالنسبة للحريم أنصحك قبل تدخلي عليهم
في جلستهم خذي نفس عميق ثلاثة مرات
دخلي الهوا من أنفك وخرجيه من فمك حترتاحي
- اذا كنتي تتكلمي و حد قاطعكِ في كلامك
قولي [لو سمحت ما انتهيت من الكلام اذا انتهيت اتكلم ]
يعني باختصار لاتسمحي لأحد يقاطعك في كلامك
- اذا احد هزأك مالو داعي تردي عليه في الاصل
ولا الرد من الذوق
فاذا زاد التهزيء و قلل من احترامو لك زيادة عن اللزوم
فطالعي في عينو لأن هذا حيديه ايحاء [ ما اسمح لك تهزيء أكثر من كذا ]
- والنقطة الاخيرة المهمة حطي في بالك من الان فصاعداً
انك حتتغيري يعني حتتغيري ولو ايش ماصار باذن الله حتتغيري
و هذا اللي عندي و ان شاء الله البنات يفيدوكي أكثر وأكثر
آآآآآآآآآآسفة على الاطالة
الروابط المفضلة