اشتقتلك ياخوي

يا اخوي شلونك؟؟
مشتاقة لك ..
مشتاقة لمبسمك وعيونك..
فراغ الكون بعدك..
يا هو كئيب البيت من دونك..
يا هو مشتاق لجنونك..
لا تسألنا عن الحال..
حالنا يا بعد عمري والله حال..
تبي تسمع أخبار؟؟ تبي تدري ش اللي صار..؟؟
أنا بعدك كرهت جدة ومافيها.
حتى شوارعها ومبانيها ..

رحلت يا أخوي لكن حسك مارحل....
تغني ..تضحك..وتسرح..
تعصب ..تتضايق ..وتفرح..
وإذا جاني الليل..
أصير أسمعك أوضح..
تناديني..؟؟؟..يا عيني..
نامي..
ذبحك السهر يا بنت..
لا عاد هالأنترنت!!
خذا عقلك وتفكيرك..
هالمنتدى ماعندهم غيرك؟؟!!
تعالي نسولف شوي..
تعالي با أقول لك شي..
وأدري ماعندك شي..
تدري يا اخوي؟!!
ألعب على نفسي..
أقول يا بنت أنسي..
بتمشي الأيام وتمر..وبيمشي العمر..
أكذب على نفسي أدري..
تونا بدري..
ماراح من الفرقى غير اسبووع..
الله يساعد..الله يعين..
تدري يااخوي و ش بيدي الحين..
بيدي صوره من السنين..
وحنا صغار..

يوم كنا صغار..
ما عدنا الاثنين الصغار..
مشى الزمن فينا والوقت دار..
وصرنا كبار..
وتغير كل شي..إلا..
حطة راسي على كتفك..
ومسكة كفي لكفك..
كنت تطالعني..تبتسم..تشيلني ..وتقفّي..
آه يامقفّي..كنت دايم واقف بصفي..
تبي تسمع بعد أخبار؟؟
تبي تدري بعدك شاللي صار؟؟

أمك..
سيرتها من مشيت..
ياليتني ماخليته يروح..ياليت وياليت..
وينه حبيبي؟؟وينه شمعة البيت؟؟
من أبسأل وين أنت؟؟وشسويت؟؟
متى راجع؟؟..ولاتتأخر علي..ومن وين جيت؟؟!!
لا تسرع وانا أمك..وشوي شوي إن مشيت..

وأبوك..
تصدق يااخوي ..توقعته أقوى..
أثره على فراقاك مايقوى..
كل يوم يودي بسيرتك ويجيب..
ولدي رجال..ما ينخاف عليه.
ولدي ذيب..

وأخوانك..
بقعدتهم خالي مكانك..
تعال وشوف حاله في بعدك..
ملوا كل شي بعدك..
لا طلعات..لامشوار..
لا سهرات..لا نادي..حتى أبو نوره..
ما قمنا نسمع له..
إن سمعنا له تجي على البال..
والكل يدمع..

فقدنا قعدتك معانا..
كان السهر معك غير.
كان الليل يجمعنا..
ليش السهر الحين؟؟
ماللسهر طعم..ماللسهر معنى..
حتى قعدات العشا..
تذكر يااخوي؟؟
تذكر الجالكسي و قهوتنا والأخبار..؟؟
وين انت يالغالي؟؟
يقولون أبالغ وأكبر الموضوع..
ماشافو حالك وحالي..
يوم ودعتك وعيونك تلمع دموع..
"أشوفكم على خير..لاتبكون..وأدعوا لي"
الله ياخذك يالفرقا ذبحتيني..
بكل حملك هالمرة جيتيني..
الحين يعني ذكرتيني..؟؟
حطمتي قلبي..قتلتيني..
هديتي كل حيلي اللي فيني..
بقولك شي يافرقا..وطيعيني..
خذيني..ولأخوي ودّيني..
بعدين أنسيني..
يافرقا..تسمعيني؟؟!!!
"انسيــــــــــــــــــــني"

مما راق لي ( لشوق الشديد لآخي )

: (

طيووووووووووووووووووووووووووووووووف
أقسم بالله خنقتني العبرات
حاولت أن امنعها من السقوط
إلا انها ابت
محاجر العين ارتوت ولفظت دموعها
لتسقط بملوحتها على فم مختنق بعبراته

استغفري الله أخيتي الغاليه ولاتجعلي للشيطان مدخل لقلبك
لله ماأخذ وله ماأعطى وكل شيء عنده بأجل مسمى

اسأل الله العظيم الكريم
أن يغفر له ويرحمه ويكرم نزله ويوسع مدخله
وأن يجعل الفردوس الأعلى منزله

فقدنا قعدتك معانا..

كان السهر معك غير.
كان الليل يجمعنا..
ليش السهر الحين؟؟
ماللسهر طعم..ماللسهر معنى..
حتى قعدات العشا..
تذكر يااخوي؟؟
تذكر الجالكسي و قهوتنا والأخبار..؟؟
وين انت يالغالي؟؟

هذه العبارة هزتني وابكتني جدا ,, مااصعب فراق الاحبه
اخيتي حبيت اقولك شئ ان كثيرين في هذه الدنيا مثل حالك يعانون فراق
الاحبه واولهم انا فقدت اخ لي والى الان مازلت اذكره واتألم على فراقه
وحتى اسمي في المنتدى لم يأتي من فراغ بل جاء بسبب شوقي لحبيب
لن اراه مرة اخرى في هذه الدنيا الفانيه.
أسأل الله ان يرحم اخاك ويسكنه فسيح جناته وهو وجميع موتى المسلمين

وكذلك لاتنسي ان الميت يتعذب ببكاء اهله عليه ,, وانتي اذا كان غالي عندك

خلاص حبيبتي بطلي البكاء لانه لايجدي وكذلك تصدقي عنه فإنه تصله الحسنات

في قبره وهو الان في امس الحاجه للحسنات وكذلك اكثري من الدعاء له

وخليلكِ قويه ايمان ولاتضعفي ,,

الأخت طيف المشاعر :
كم هو صعب ان نفقد من نحب !
كم هو صعب الفراق!
لا ألومك والله!
أسأل الله تعالى أن يغفر للفقبد ! وأن يلهمك الصبر والسلوان.

سمعت لغة الأحرف تستغيث , ففوجئت بالجلل , ودعوت لك على ووجل , حقا لعظم المصاب مصيبة !

عظم الله أجركِ , وغفر لفقيدكم ورحمه رحمة واسعة ,

صدمتٌ وربي,, فامتزجت احرفك بدمعي ,

الله يرحمه ويرحم قلبك وقلبي

أختي لكريمة : طيف المشاعر

ماذا فعلتِ بنا يا رعاكِ الله ؟

من فرط شجوني تمنيتُ أن أكون أنا ذلك الأخ

هل أهنيك على هذا الأخ ؟

أم أهــنـيــــــــــــــــه ؟

لكن ....... اجعلي من هذا اليوم يوم فرحك فإن شاء الله لم تفترقا إلا لتجتمعا

وما توادعتما إلا لتلتقيا

والله خير حافظاً وهو أرحم الراحمين

يسلموووووووووووو
على الكلمات الروعه
تحياتي لك

:

يااااااااااه يا طيف ،،

ليتك ما نزلتي هالموضوع ...

ليتني ماقرأته ،،
انهرت وربي ،،
ما أحب هالنوع من المواضيع ..
حاولت الهروب ، وحاولت إني ما أفتح الموضوع نهائياً ..
لكن قلبي ماقوى ، قلت أدخل وأطلِع عليه
وليتني مادخلت ..*
والله مع كل مقطع أنهار
لا أحِب الوداع
ولا أحب الفراق
ولا أحب الأحزان اللي تتجدد بالذكريات
ما أحب الرحيـل ولا سيرة البعد ..
ولا أحب الألم وهو يفتك بقلوبٍ أحبها ..

جبر الله كسر قلبك
ورحم أخاك رحمة واسعة وجمعكِ به في جنّة الفردوس ..

طيفي ،،

تذكري قوله تعالى :
" وَبَشِّرِ الصَّابِرِينَ الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعُونْ "

جعلكِ الله من الصابرين المُحتسبين ..
وألهمكِ وذويكِ الصبر والسلوان ..

أسأله جلّ في علاه أن يرحم والد عزوتي أبوي وموتانا وموتى المسلمين وأن يغفر لهم وأن يجعل قبوره روضة من رياض الجنّة ..

اللهم آآآمين ،، آآآمين ،، آآآمين ..

لقلبك الجوري ..

:

طيووووووووووفه
ارحميني نفسك ورحمينا معك
ماحب المواضيع مثل كذا
وربي خنقتني العبره وبكيت
ادعيله بالرحمه والمغفره

كنت هنا اتوارى خلف الحروف !!
لا اريد ان اكتب فأنزف الوجع ,,

آآآآآآآآآآهـ ياطيف
لو لم يكن لي مُصاب وقرأت حرفك
لجهشت بالبكاء!
كيف و أن جرحي لم يزل ينبض وجع الفقد؟

أحرف موجعه .. منهكه

قرأتها وأحسست باللاوعي!
وكأن المصيبة اليوم وقعت ..

طيفي
ربط الله على قلبك ياحبيبه ويعلم الرحمن في علاه
ان فقدك لـ طلال رحمة الله عليه

كانت مصيبة بالنسبة لي..

اللهم لك الحمد على كل حال

غزيلي
أحرفك ودعواتك كانت كذاك الحضن
الذي أشتهي ان ارتمي فيه
حين تنهار قواي!

لا حرمك الله اجر مادعيته لوالدي رحمه الله
وجمعني الرحمن واياك على سرر متقابلين