بسم الله الرحمن الرحيم
خواتي أبي إللي عندها خبرة بالأسواق تدلني وين ألاقي فساتين سهرة تكون أسعارها معقولة وملابس مالت طلعات وزيارات وجواتي ودراريع ....إلخ لأني بصراحة سوق شرق والمراكز الباقية الفنارغالية أبي لوتعرفون أماكن أسعارها مقولة
لو سمحتوا ردوا علي

السلام عليكم

روحى للحمراء مول فى الفروانيه

وعمارة السيارات فى المباركيه

ومجمع السندس فى حولى

اسعار مناسبه وموديلات حلوه

على فكره انا كنت سائله نفس السؤال فى عالم حواء

والبنات ما قصرو

يا هلاااااااااا حياك الله ..
بالنسبة للمجمعات اللي أسعارهم معقولة .. هي مجمعات حولي ..
مثل المهلب .. العثمان .. بلازا .. السندس .. النقرة الجنوبي .. النقرة الشمالي ..
هذه المجمعات تلاقين فيهم كل اللي تبينه من ملابس طلعة وسهرة ومكياج وكريمات وأحذية وجناط بأسعار معقولة .. وألحين ترى معظم محلات الكويت عندهم تنزيلات ..

وعلى فكرة ترى سوق شرق ما هو غالي .. بالعكس أسعاره معقولة .. ولو تروحين بعد أسبوع أو أسبوعين إن شاء الله راح تلاقين تنزيلات تصل إلى 50 % إلى 75 % ..

موفقة إن شاء الله ..

حبايبي والله ألوفه والسلفية تسلمون وما قصرتوا

أهلا أختي ( شذى الليل ) ،

حماتي قالت لي على محل بالأيوب بالسرداب بالزاويه ،

كل فتره ينزل ملابس وبلايز مختلفه ويبيعها بدينارين ونصف ....
بس شنو سالفتهم ....

إنها استوكات ماتم عليها شهر أو شهرين بالمحلات الكبيره والغاليه إلا وباعها عنده ،وما تلقين مقاسات ...

وأحلف لك إني شفت بدلة بنت خالي شاريتها بستين دينار قطعتين ، لقيتها عنده كل قطعه
بدينارين ونصف .
وصديقة خالتي بدلتها بمائة دينار لقتها عنده بعد ستة شهور ومن غير شعور اشهقت واصرخت .

بس ما شاء الله من تروحين ماتلقين إللي تبينه ابسرعه البضاعه تخلص ...
حماتي :
أعطته رقم موبايلها علشان من يستلم البضاعه الجديده يتصل فيها وتلقى المقاسات والموديلات .


عندك مثل ما قالت أختي ( ألوفه ) ،
الحمرا مول بالفروانيه....وجدت خالتي فرق السعر بينه وبين الفنار ،
عاد خالتي ماتسكت تجادلهم فيقولون تقليد ....
أقول لها مايجوز ... خلاص اشتريتيها والله وفقك بالسعر المناسب عاد بلا معصيه .
فعلا فيه بدلات للسهره حلوه وفرق السعر مع المحلات الثانيه بالسالميه واضح .



وعندج محل ( أنوتا ) بكويت ماجيك في أبو حليفه وايد رخيص وماركات ، وأكثر بضاعته من
( فيرا مودا ، الجناح الأخضر ، وريفا ) يعني مستوى ، بس مضى عليهم كم شهر ونزل سعرهم.
وبعد تلقينه عند سوق السالميه بصفة معرض المرسيدس بس بعيد وايد عنه ،يعني المحلات بالشارع الطويل في آخر السوق تقريبا بجانب السفيره وألعاب وليد يعني ابصفتهم .

وأما الشنط والأحذيه :
من ( خطوات ) بجانب معرض المرسيدس محل كبير ، وعلى طول السنه فيه خصم .

الحمد لله آنا ماأروح السوق وايد ولكن من خبرات قريباتي ،
هم يدورون وآنا أروح طوالي على المحل إللي يناسبني واشتري حاجاتي .

وإذا بتمريني آنا حاضره . هههههههههههههه .

هلا أختي شذى الليل
أنا أتفق مع خواتي
طبعا من أفضل المجمعات مجمعات حولي وخصوصا المهلب والنقرة الشمالي والجنوبي والعثمان
وبالنسبة لسوق شرق فيه محلات وايد حلوة وأسعارها معقولة وفيه عندج مثل ما قالوا البنات مجمع الحمرا مول بالفروانية وفيه مجمع مناور ومبارك الصيفي بالفروانية وإذا رحتي النقرة تلقين مقابل مجمع النقرة الجنوبي محل (ستبس) يعني خطوات تلقين فيه أحذية وشنط وإذا رحتي السالمية تلقين نفس المحل بس كبير وايد

وتحياتي لج مع تمنياتي لج بتسوق ممتع

ما شاء الله عليكم تسلمون خواتي أنوار الكويت وعزيزة بإسلامي
عزيزة خالتج رهيبة ياحليله

وعليكم السلام ورحمة الله وبركاته

اذا تبين الصراحه اختي مالك الا سوق الفحيحيل
اتكلم جد والله اسعارهم مره رخيييييييصه في عندك مثل سوق







<------ متردده تقولج

اخاف اسوي ترويج لمحل معين اقصد دعايه

المهم في عندج الدبوس والعنود وخان الخليلي وربي كل مره ينزل بلايز
وتنانانير حلوه مره

تنانانير ترى اقصد تنانير بس من زود ماهي حلوه طلعت كذا

المهم اسعارهم تبدا من نص دينار الى دينارين وثلاثه
بس روووعه


وشكرااا اذا بتروحين مريني

رحاب بس أبي أسأل كم يعطونج نسبة بيني وبينج خليج جاهزة في أي لحظة راح أطب عليج

تسلمين حبيبتي وما قصرتي

شذى لا تنسين تقوليلهم انك من طرفي وراح تلقي الخصومات
تهل عليك من كل صوب




<----- دايم تحس انها مشهوره