بسم الله الرحمن الرحيم

السلام عليكم ورحمة الله وبركاته

انا ضيفه جديده اطرق بابكم وعسى ان تتقبلوني معكم ،،،

انا بصراحه كثير معجبه بهذا الموقع وبمن فيه وحابه اني اكون وحده منكم .....

وعندي مشكله قديمه وتاعبتني كثير وهي ان:::
عندي شعر ابيض كثير في راسي وهذي المشكله صارلها فتره تقريباً ما يقارب 3 سنوات وراجعت الطبيب وقال لي هذا احتمال وراثه لان ما عندك شي::

وانا عمري اقل من 30 وانا الحين متزوجه من فتره قصيره ::
قالوا لي اصبغيه اسود وصبغته بس بدون فايده على العكس شعري حسيته كأنه ضاع

ودايم الحين بس احطله حنا مع قليل من الشاي عشان يصبغ الشعر ::

وانا بصراحه محرجه جدام زوجي انا جدامه ابان اكبر منه والسبه شعري الابيض ساعدوني



يا حي يا قيوم برحمتك استغيث اصلح لي شأني كله ولا تكلني الى نفسي طرفة عين (( آمين))

أنا اعاني من نفس المشكلة وجربت الحنة والشاي مامشي حالها لأن الشيب يصبغ أحمر ويبقى الشعر أسود ومافي حل العمر غير الصبغة .وفيه المرمية لكن يبغالها صبر ووقت لأنه كل يوم لازم تمشطين شعرك بمشط مغموس بموية مرمية وتنامين فيه وتغسلينه اليوم الثاني ترى يعطي نتيجة طيبة انشاءالله بس يبغالها الصبر .

وعليكم السلام ورحمة الله وبركاته
اختي لا تصبغين شعرك بالاسود هذا اللون منهى عنه
استعملي الوان اخرى غير الاسود
و إن شاء الله البنات يفيدونك اكثر
بارك الله فيك

بسم الله الرحمن الرحيم

مشكوره اختي فشفوشه
على ردك بس بغيت اسئلك انتي جربتي هذي المرميه وما بيتغير لون الشعر من كثر الغسيل؟؟

اختي ترتيل اشكرك على ردك بس والله انا احترت في فتوى لون الشعر !! لاني لما سألت جالولي يفضل ان تصبغي شعرك باللون الاسود لان باقي اللوان منهي عنها وبعدين سمعت ان الصبغه تخرب الشعر اصلاً عشان كذا انا محتاره ....



يا حي يا قيوم برحمتك استغيث اصلح لي شأني كله ولا تكلني الى نفسي طرفة عين ((آمين))

وعليكم السلام ورحمة الله وبركاته

حياك الله أختي


فعلا الشعر الأبيض صار مشكلة وانتشر بين البنات بشكل كبير ..وكثير يشكون منه

لكن انتبهي من الصبغة السوداء غير انها غير جائزة ايضا خطييييرة وقد قرأت عنها تنبيه قبل أيام في احدى الصحف ..

أختي العزيزة أنا بصراحة ماستمريت عليها لأنها يبغالها مدة طويلة قرابة الشهر وللاسف مادري هل المرمية تروح مع الغسيل ولا لأ .

وعليكم السلام ورحمة الله وبركاته
اختي الغالية أنصحك نصيحة لاتقربي الصبغة لشعرك
مو بس انها حرام ولا مضرة
لإنه تزيد الشيب كلما صبغتي كلما زاد أكثر وأكثر ,,
وأنا قريت ان النسكافية مع الحنا يخلي الشيب والشعر لون واحد,,
وممكن انك تنقعي النسكافية في ماء كل الليل وبعدين تدهنين الشيب
وتخلينه فترة وبعدين تغسلينه واستمري عليها لين يخف..
وممكن فكرة جت على بالي وأنا أكتب الرد انك تستخدين الوان الشعر المؤقته
الي زي مسكرة العيون فيه الوان لشعر استخدميها لشعرك ..
اتمنى من قلبي اني افدتك,,

اختي الكريمة اني سبق وان كتبت في هذا الموضوع الشعر الابيض اني عانيت منه كثير الى ان دلتني واحدة على صبغة طبيعية مئة في المئة اسمها الحجر الاسود واشتريتها من العطارين في مصر تشبه الكحل حق العين لونها مائل السوسني هي عبارة عن حجر قطع تطحينها وتأخذي مقدار ملعقة اكل وتعجنيه مع الحناء وتطلي بها شعرك الابيض فقط وتخليه زي الحنا العادية وتغسليه برضه عادي اللون الاسود يبقى ثابث بشعرك الا طبعا الشعر الجديد اللي يطلع هنا اقلل الكمية الى ملعقة صغيرة مع الحنا واطلي فقط الشعر النابث وهكذا صار لي الان سبع سنين استعمله وهو رخيص جدا بجنيه واحد يكفيني ثلاثة شهور ويباع عند العطارين في مصر ما اعرف اذا كان يباع في دول عربية اخرى بس في واحدة من المنتدى قالت لي ايضا على النسكافية لكن ما نفعني ابدا والمرامية شئ غير عملي لانه مش معقول كل يوم اجلس ارش شعري به واصبح اغسله جربي هذا مؤكد واني استخدمته فعلا اعتقد اسمه في بعض الدول العربية ايضا الكتم لكني مش متأكدة بالضبط اذا كان هو نفسه