بسم الله الرحمن الرحيم ..
السلام عليكم ورحمة الله وبركاته ..

أخواتي بنات الكويت ..

شلونكم ..

وين ممكن أحصل منتجات كريولان في الكويت ..

أتمنى إللي عندها خبر تقوللي .. وإذا عندكم فكرة عن أسعارها وأفضل المنتجات ..



وبس سلامتكم .. وتسلمون ..

وعليكم السلام ورحمة الله وبركاته00
هلا اختي السلفية 00
انا مني من الكويت لكن ماقدرت ادخل وما ارد عليك 000
اذا كريولان ماهو موجود بالكويت في ماركة شارمل عندكم نفس كريولان 00
احنا بالسعودية ماهي موجودة الا بجدة 00الماركة الاصلية وكل منتجاتها00
وبالنسبة لاسعاركريولان ا سعارها رخيصة مرة بالمقارنة بفعاليتها يعني سعر الظل مايتعدى عندنا 35 ريال 00وبس 00
وسلامتك 00

وعليكم السلام ورحمة الله وبركاته00

إنا دخلت .. عشان أفزعلك .. بس تعرفين ماعندي خبر

******
منوله ..
كريولان وين موجوده في السعوديه .. وهل اسم المحل بإسمها وإلا ؟؟

هلا توتي 00
كريولان موجودة بالسعودية فقط بجدة والمحل هو الكعكي 00
سمعت ناس اشترتها من الرياض لكن على حسب وصفهم في اختلاف بالجودة 00

السلام عليكم ورحمة الله السلفية ماركة كريولان موجودةبمحل عروس البحر بالفروانية عرفتية فية كل الماركات ان شاء الله اكون فدتج

وعليكم السلام ورحمة الله وبركاته ..

منال ..
تسلمين والله يعطيك العافية ..
فعلاً حنا عندنا شارمل .. وهي ماركة ممتازة وخصوصاً الشادو وكريم الأساس والجليتر .. وحتى ألون الشادو عجيبة .. بس أنا أبي كريولان .. يمدحون هالماركة كثير كثير ..

:::


توتي ..
تسلمين يا أم الفزعات .. الله لا يحرمنا منك ..

:::

الهنوف ..
محل عروس البحر إيه أعرفه اللي بالفروانية ..
تسلمين والله يجزاك خير .. وإن شاء الله ألاقي هالماركة عندهم ..

الله يعطيكم العافية ..

أنا قطرية بس أعرف المحل الي يبيع بالجابرية الشارع الي يكون في مكدونالد والأطباء أهو عماره وإذ تصبرين اليوم بيدزون لي العنوان وأكتبه لج...

تسلمين يا حنووونه .. وأنا أنتظرك تجيبين لي العنوان ..

عموماً أنا لقيت هالماركة في عروس البحر .. لكن للأسف مو كل الماركة يبيعون مجرد الشادو وكريم الأساس .. ومعظم الألوان الحلوة خالصة من عندهم .. وحتى كريم الأساس الألوان الفاتحة خالصة من عندهم ما فيه إلا الغامقة ..

أنتظرك يالحنونه ..

العنوان ......
الجابرية قطعة 13 شارع 104 بلوك 10 أسم المحل (مركز ومعهد تجميل السيدات) مثل ماقلت لك أهو يكون في عماره ومكتوب بالعربي ( أبوت ميك أب) ...

ومكياجه روعه وأنا مجربته وإذغ تبقين كريم أساس أنصح ب(ماك) ترى لا يعلى عليه..وإن شاء الله فدتك

تسلمين يالحنونة ما قصرتِ ..
الله يعطيك العافية ..