السلام عليكم ورحمة الله وبركاته اخواتي العزيزات
صراحه ماراح الاقي منتدى احسن من منتداكم هذا والله يوفقكم
اتمنى انكم تجاوبوني وتردوا على اسئلتي بدقة تكفون لاني من جد محتاجة للاجابات هذي
1- مين تعرف مكان كويس يعمل تنظيف بشرة صح لان بشرتي منعدمة ويبغالها تنظيف مضبوط يعني مشغل مضمون على قولتهم وبحدود 250 ريال.
2- عندي مشكلة وهي اني استخدمت الة براون لازالة الشعر ومن عقبها صارت الشعره اذا طلعت يكون مكانها زي الحبوب والشعرة من داخل يعني لازم اضغطها وتطلع او بتبقى جوه وفي كل الحالتين راح يبقى مكان الحبة بقع داكنه زي بقع حب الشباب وهذا متعب نفسيتي وماني عارفة البس زي الناس فاذا تعرفون عيادة تجميل شغلهم صح مو تجاري ومضمون ويقدرون يشيلون البقع هذي دلوني تكفوووون
3- عندي مكان تشققات الحمل في البطن والجنبين باقي اثرها ولونه غامق!!! كيف يروح او تعرفون ايضا عيادة تزيل هذه التشققات.
4- بالنسبة للاماكن الداكنه جربت اشياء كثيرة من وصفاتكم ولا نفعت فمثلا لسواد الركبتين وتحت الابطين ايش اسوي وحتى لو كان العلاج تجميلي ماعندي مشكلة بس وصفوا لي وين؟
وعلى فكرة انا في الرياض للي حابة توصف لي مكان واذا امكن الاسعار معها
ومشكوووووووووووووووووووووووووووووووووورة اموووواح ياحلوات

ومع ذلك انا في انتظار ردودكم الحلوة وبايات ياعسل

والله اسمحيلي يالغاليه

ما عندي رد لأسئلتك

ان شاء الله الاخوات اللي عندهم جواب للاسئله اكيد ماراح يقصرون

واسمحيلي

اهلين
أختي ... شوكة وسكينة ...
نورتي المنتدى وانا اعرف صالون في الدمام اذا تقدرين تروحين خميس او جمعة وهو ممتاز لتنظيف البشرة هو صالون اللمسة الأخيرة
اما اسألتك الباقية اتمنى الأخوات في المنتدى يساعدونك
وخصوصآ بنات الرياض

شوفي حبيبتي انا ماعندي الا جواب لسؤال واحد انا كنت استعمل اله البراون وصارت عندي نفس المشكله وعلى فكرة انا استعملتها 3 سنوات متواصله يعني بدون اي طريقه لنزع الشعر الا البراون وبعد كذا طلعت عندي مشكله المسامات الواسعه واالبقع البنيه يعني على البلاطه ماني قادرة البس شي مثلك وبعد كذا قررت اني اترك اله البراون واستعمل الحلاوة والحمدالله ان البقع راحت والمسامات صارت ماتبين تغريبآ 000

مشكورين على ردودكم يا لؤلؤة دبي وعواصف شوق وام ريماس والله يجزاكم خير واتمنى احد يرد على باقي اسئلتي

صباح الورد للجميع ..

اختي شوكة وسكين ..

اذا تقدري تروحي البحرين .. راح اقولك على صالون جداااااااااااااااااااااااااااا ممتاز .. صالون class و راقي في شغله .. ومتخصص في تنظيف وعلاج البشرة ... وفيه خبيرة بريطانية ممتازة ومخلصة جدا في شغلها ... وسعره كمان اوكى .. يعني في حدود 20 - 25 دينار بحريني .

بس بصراحة ما راح تلاقين افضل من هذا الصالون .. لأني مجربة كذا صالون وما في احسن منه ( اكيد والله )

هذا الصالون اسمه

بروفايل

ويقع في العدلية ..

مع خالص حبي وتمنياتي لك بالتوفيق

شوكه وسكينه انا برضو عندي نفس المشكله ونفس اعراضك بالضبط بس
ياليت اختنا sooosتقولنا بالتفصيل عن الصالون يعني وين بالضبط
في البحرين وش يسون لك وبكم شغلهم

مرحبا حبيباتي ..

سوري للتأخير .. بس للي يسأل عن صالون بروفايل .. أقول له إنه في منطقة اسمها العدلية بالبحرين مقابل معرض الفيراري .. وملاصق إلى إيلي صالون ( الصالون الأخضر سابقا )
وشغلهم جدا مضبوط .. يعني الجلسة تقريبا تآخذ معك من ساعتين إلى ثلاث ساعات .. تعمل لك الخبيرة فيها تنظيف شامل لبشرة الوجة .. والرقبة .. والذراعين .. وكمان تعمل لك مساج لكل المناطق المذكورة بالإضافة إلى القدم .. وعلاج البشرة عندهم جدا رائع .. كما إن الخبيرة البريطانية ترشدك للطريقة المثلى للتعامل مع بشرتك حسب نوعيتها ومشكلتها ..

بصراحة شغلهم وايد ورااااااااااااااااائع .. وانا نفسي جربت صالونات الفنادق الخمس نجوم .. وصالونات أخرى جدا مشهورة .. بس مثل هالصالون المتخصص في علاج البشرة وتنظيفها ما لقيت .. كما ان سعرها مناسب مقارنة بشغلها المضبوط .. يعني بالريال يكون في حدود 200 ريال - إلى 250 ريال فقط .

مع تحياتي ...

اف الف الف شكر لك عزيزتي سوسنه بس بالبحرين؟؟؟؟؟ متى باروح له كنت اتمنى بالرياض ولازلت انتظر ردودكم عزيزاتي