السلام عليكم ورحمة الله وبركاته..

عزيزاتي الي يستخدمون الحلاوه.. بغيت مساعدتكم الله يطول في عمركم..
انا قبل كنت استخدم الحلاوه وكانت الوالده الله يطول في عمرها تسويلي اياه وتعطيني جاهز انا بس استخدمه.. الحين بعد الزواج لازم بروحي اسوي لاني ساكنه بعيد عن الاهل.. وانا وحده كسلانه ما احب ادش المطبخ واسوي حلاوه متهايزه وخاصة ريحته مب شي يوم ينطبخ الشكر اتلوع جبدي..

علشان جيه اي وحده فيكن تستخدم الحلاوه الجاهزه وافضل حلاوه للاماكن الحساسه والجسم ويكون مب صعب استخدامه يعني اباه يكون سهل جدا ونوعيه زينه ومن وين ينشرى وعلى كم ووصفولي شكله وكيف يستخدم.. اباه يكون سهل مب يذوب على ايدي واحصصل صعوبه في شل الشعر!؟

وابا نصيحتكم من اشل شعر جسمي كل كم من شهر؟!
وشو استخدم قبل نزع الشعر وبعد نزعه..
وهل الحرمه الحامل تشل شعر الجسم كله عادي؟!؟!؟

وتسلمون على الرد وبارك الله فيكم..

هلا عزيزتي

عن تجربة افضل حلاوة للشعر هي حلاوة ميم صناعة سورية متوفرة في جميع الجمعيات

والصيدليات ...


بالنسبة كل كم تشلين هالشيء راجعلج حسب طبيعة جسمج ومتى يطلع الشعر ...


وممكن بعد ازالة الشعر تستخدمين الليمون المخفف على غير المناطق الحساسة...


وعادي الحامل تقدر تشيل ما يؤثر عليها....

انت فى اى منطقه اختى لانه فيه حريم يسونها ويبعونها

تسلمون عزيزاتي على الرد ومشكورين وايد..

عزيزتي بنت الأمارات أي واحد منهم تقصدين لاني رحت الجمعيه وحصلت عدة اشكال لحلاوة ميم.. ولون الكرتونه مالتها تقريبا وردي على برتقالي شبه بطيخي.. بس شي عدة انواع!؟ اي واحد منهم تقصدين..

عزيزتي أم هادي انا من الشارجه الحين

العلبة مربعة وفيها حبتين داخلها ولونها بطيخي وفي انواع اعتقد شمع سائل بس انا جربت


العلبة المربعة وانصحج فيها بس تبللين صبوعج بالماي شوي وتستخدمينها ....

كنت احسبك فى السعوديه اعذرينى حبيت اخدمك

افضل حلاوة بأستخدمها هي من بودي شوب تجيك سائلة ومعاها قطع قماش صراحة حلوة وسريعة لأن الحلاوة العادية تبهذل اذاكان حر تسيح واذا برد تجمد
وهذا رأيي الخاص جداً