ادرى انكم ما راح تخلونى وايد

اعرفكم تحبون المساعده ......بس هذه مشكلة تبى حل لبق ومن غير احراج..... الانها مشكله محرجه....الاوهى







لى صديقة تدرس معاى هى بنت كل صفه حلوه فيها بس شئ واحد مو حلو فيها

واللى هو ريحتها (( العرق )) ريحتها كريهه جدا بحث لما تقعد جمبى احس انى برجع وهى البنت مو قذره يعنى واضح انها عندها هذه المشكله وهى ما تدرى بس هى من شكلها واضح انها نظيفة عباتها وحجابها وكلها نظيفة بس هذه المشكلة ودى اقولها بس اخاف تزعل وما ابى البنات يتكلمون علينا .........!!!!! فما ادرى شنو تقترحون على انى اسوى

فى انتظاركم

الله يعطيك العافيه

بس تقدير مثلا تهدينها كريم للعرق ويكون غالي شوي ومغلف تغليفه حلوه

وإذا هي ذكيه بتفهمها

لأن صراحه إحراج لما تقولين لها

فأحسن شيء الحركه هذي


هذا ما لدي

وكان الله في عونك
تسلممممممممممممممممممين

انا مع رأي الاخت بنت بلدها فكرتها حلوه بس اذا كان مزيل عرق بس يمكن تحط فى خاطرها وتزعل...ممكن تضيفين معاه اشياء ثانيه مثل روج او زجاجة عطر صغيره يكون سعرها معقول مثل الى في بودي شوب ...

بس فيه ناس الله يعافيهم يستخدمون مزيلات عرق ومع ذلك فيهم ريحة ...في هذه الحاله الله يعينك ...

جوري حبيبتي

فكرة بنت بلدها وايد حلوه بس اشتري المعطر وعندج بالشايع يبيع نفس التشكيله

اقصد مزيل العرق مع عطر مع معطر للغرفه وللملابس وحلو بعد لهم نفس الاسم

يعني جنج ماتدرين

لا لما تعطيها شيء ثاني تفهم أنها علشان العطر

لا بد تحسسها بس بسلوب راقي

يعني مزيل العرق + لوشن بعد الحمام + بودرة جسم

كذا لوازم الريحه الله يعافيج

تسلممممممممين

تبغين راي ..اقعد تكلم معها باي حديث واثناء الحوار جيبي جانب الكريمات والتنظيف ومن ضمنها تكلم عن مزيلات العرق.. وقولي لها انا استخدم هذا المزيل مثلا بشكل يوميا تعرفين الجو حار ويمكن تفهم

والله اعلم

انا مع الاخت & هدير الموج & في رايها ,,, مع انه صعب تفتحين معها موضوع زي كذا
واذا كانت البنت صديقتك مرررره ومتعودين تعطون بعض هدايا اعملي زي ماقالت الاخت بنت بلدها ,,, بس لازم يكون في مناسبه عشان تعطيها الهديه ,, لأنها اكيد راح تستغرب الهديه من غير مناسبه ويمكن تفكر في اشياء انتي ماقصديها!!!

تحياتي

مثل ما قالوا البنات جيبي لها مجموعه من بدي شوب او زهور الريف
عطر ولوشن للجسم ومرطب ومزيل للعرق ومعطر جو
او اي تشكيله تعجبك ودخلي معها مزيل العرق .....

اتوقع كذا افضل من انك تفاتحيها بالموضوع .... وإن شاء الله ما تكون عندها مشكله
حساسيه او انها تحط مزيل لكن الريحه ما تروح ؟؟؟

وجزاك الله الف خير

جزاكم الله خير على الرد بس انا استحى اكلمها فى الموضوع واخاف احرجها بالهدية والله هى خير ما تستاهل ان احد يكدرها بس احاول اجرب طريقة بنت بلدها ......

يعطيكم العافية

اخت جورى أذا انتى صديقتها ماقلتيلها على عيبها أجل مين يقولها؟؟؟ ...تلاقيينها ماتدرى عن نفسهافأذا كانت انسانة طيبة وسيعة صدر قولى لها مشكلتها بأسلوب مهذب ومحترم من غير تحرج مو تدخلين خبط لصق انتى ريحتك عرق قوليها بطريقة حلوة عن طريق موضوع يكون فرصة لك للتحدث فى ذلك وختميها بنكتة وفرفشة...بصراحة تجى منك انتى كصديقة وبينك وبينها ولا بعدين تكون جالسة فى مجلس نساء وتفضحها وحدة ماتستحى امام الحضور وبطريقة محرجة هاة ايش رأيك ...وفكرة الهدية حلوة لكن مو أكيد تفهمها ولا خلصت الهدية ترجع زى اول فالاحسن تعرف لأن كل أنسان ما يعرف عيوبة وأخطاءة الامن خلال اللى حولةمو من نفسة...
لا تنسين تقولى لنا ايش سويتى ولك منى تحياتى