السلام عليكم كيف الحال اخواتي عندي مشكلتين اذا حد يعرف حلها ارجو منكن ان تخبرني بحلها

اولا : يوجد شعر خفيف ولم يزداد بعد في وجهي اريد حل هل هناك طريقة لوقف نمو الشعر او اخفائة وهل صحيح ان خلاطات التبيض تزيد من نمو شعر الوجة واذا تركنا الخلطات هل كريم واحد بدون اخر ما يزود الشعر ؟؟؟؟؟؟


المشكلة الثانية : الدماميل عذبيني عذاب ويطلعين في مكان حساس جدا وهو منطقة الفخاذ المنطقة المحيظة ب....... كل مرة تطلع حبة او دمال وعندما يذهب يترك بقعة سوداء جدا واللة تعبت منهن ومن السواد انا استخدم خلطة الليمون مع الجلسرين هل هذة الخلطة حارة امكن تطلع دماميل او اكل حار والا شي؟
اريد حل لعلاج الدماميل وحل لعلاج السواد واللة يجزيكم خيرررررررر
اشكركم

وعليكم السلام ورحمة الله وبركاته :

حياك الله عزيزتي وسلامتك ماتشوفين شر ..

بالنسبة لسؤالك الاول ..للأسف ماعندي فكرة


بالنسبة للدمامل ..


المفروض تراجعين الطبيبة وماتسكتين عليها لازم تعرفين سبب ظهورها واكيد طبيبة الجلدية راح

تعطيك بإذن الله حل لها..


وان شاء الله الاخوات هنا مايقصرون ..

مرحبااا ...
بالنسبه للشعر
انا سمعت ان عجينة الترمس تخفف ظهور الشعر ... وتبيض ...
وكريمات التبييض ..اعتقد انها تكثر الشعر .. لان اي دهن يغذي الشعر ويساعد على نموه سواء شعر الرأس او الوجه او الجسم ....

وأما بالنسبه للدمامل ...
بسيطه ..
هناك كريم موجود بالصيدليات وهو مضاد حيوي تضعينه على الدمل وتغطينه بلاصق .. وبأذن الله بعد يومين او ثلاث يزول ...
اسمــــــــــه .. فيوسدين ( FUCIDIN ) ..الصراحه كريم ممتاز ..وهناك عدة شركات طبية تنتجه ..
واحنا اللي عندنا بالبيت . نستعمل اللي عليه علامة الأسد ماركة ( LEO ) وعليه خط احمر ...
وبالشفاء انشاااااااااالله ....

هلا وغلا

بصلاله وهلها



يا عمري السؤال الأول جوابه:
تركه أفضل لأنني كانت نفس شعرك بس لما حفيت وستخدمت تشقير طلع أكثر من أول


أما الثاني جوابه :
فطبيب أفضل وأدري وأنا أختك

اشكركن اخواتي كلكن على الرد والمشاركة
وان شاء اللة اسوي الخطلة واشتري الكريم

حبيبتي بنت صلاله
يمكن نمو شعروجهك وراثه من الاهل لان معضم دول الخليج يمتازون بكثافه شعر الوجه والحاجبين فهذا اذا من خلقه ربي ومااظن ان نمو الشعر بوجهك يرجع للسبب صح؟؟؟
فاذا خلقه ربي احسن الف مرة واكيد مناسبه وجهك
فمن المستحسن تركه لان التعبث فيه او حفه يزيد من نموة مثل ماقالت لك بنت بلدها
وبعدين بصير كثييييييف ولا تقدرين تتركين الحف وبعد سنين بصير لون الجلد اخضر مثل لون لحيه الرجال وانا شفت كثير كذا كانوا يحفون وجيههم وتورطوا
والتشقير يكثر الشعر لان الدراسات اثبتت ان المشقر يغذي الشعرة فبالتالي يضاعف من نموها
اما عن المشكله الثانيه فدكتور الجلديه هو الحل المناسب والسريع الآمن
وتحياتي لك ولاهل صلاله كلهم

اشكرك اخت فيفا واللة كلامك صيحيح
بس اعتد ان خلطة الكريمات تزود الشعر بعد
ايش نسوي ما علينا الا الصبر وصحيح ان التشقير يزودة وكذلك اللعب بالشعر عن طريق الحف
بس اريد اعرف لو شقرتي مرة وحدة بس هل يزود ام لا
وهل هناك خلطة طبيعية لتبيض الافخاذ وشكرا

كيف حالك بنت صلاله؟
سألتيني ان كان التشقير يأثر من اول مرة
طبعا لا هو مايبدأ يزيد الا بعد تكرار الفعل مرتين وثلاث 000 وهذا عن تجربتي الخاصه
وبصراحه الوجه يصير حلو من اول استخدام له وبعدين ماراح تقدرين تتركينه لانه يحلي كثييير
انا ليمن شفت الشعر بدا يكثر مع ان حواجبي مافيهم شعر صرت مااشقر الا في المناسبات الكبيرة عرس عيد يعني الحفلات الكبيرة مرة
لاني لاحظت ان شعري زاد وطلع لي شهر ماكان موجود من قبل تصوري طلعت لي شعرة في الجفن المتحرك للعين لحالها بعيد عن الشعر
وبعدين قلت لايبنت الواحد مايتعبث بروحه ولا بيندم بعدين
اما عن خلطه لتبيض الافخاذ فالمنتدى مليان سوي بحث وبتلقين ان شاءلله
وعلى مااضن فيه موضوع في هالركن لازال موجود عن تبيض الاماكن الملحه

بنت صلاله مرحبا فيك وماتشوفين شر ومشكلتك الثانيه كثير يعانون منها

اول مايطلع الدمل استخدمي هذا المرهم bactroban ادهني الانتفاخ ثلاث مرات يوميا لانه هو
مضاد حيوي .. وجربيه تراه ممتاز وبينفعك باذن الله .. اما اذا انفتح وطلع خراج منه يعني الحمد لله ابتدى يطيب هنا تستخدمين ايضا مضاد حيوي لعلاج الالتهاب اللي هو fucidin
من ماركةLEO استخدميه اربع مرات يوميا الى ان يتعافى مره وحده ..

اهم شي اهتمي بالتعقيم المستمر ومالك شر اختي