[ALIGN=CENTER]السلام عليكم والرحمه..

بنات دبي والشارجه..
بليز ردو عليي وبدعيلكم من خاطري..

أبا اسامي خياييط يفصلون فساتين مرتبه وحلوه وعلى الجسم يعني مقاس الجسم بالضبط.. يعني مب الصدريه وسيعه والظهر نازل والكم راص عدل ووووالخ..
ولو سمحتو ابا من اسعارهم انها تكون مقبوله وزينه.. يعني مب ضو ضو..

ومب بس انا الي بفصل.. عندي 4 خوات بيفصلون معاي ومعتمدين عليي اني ادور لهم خياط مره يخيط شرات المصممين.. وما فيهم على الجاهز لان في بالهم موديلات حلوه..

ابا اسامي خياييط مجربه وعندكم ثقه انه يفصل حلو.. ودلوني موقعه بالضبط لاني ميييييح في الاماكن والمناطق الي فيها الخياييط..

والخياط مب شرط يكون مصمم ازياء او ضارب توب في السوق.. يعني المهم يفصل على الجسم والموديل والديزاين الي نحن انراويه..

لان عرس اختي قريب وانا ابا افصل فستان حلو وشكله راقي.. وحاطه في بالي ديزاين راقي وحلو.. ولون حلو.. الحين بس باقيلي الخياط المناسب!؟

مب تعطوني اسم خياط مب مجرب والا مب شي ويخرب لي الفستان.. ويقومون خواتي يدعون عليي.. والقطعه الغاليه تروح هباء منثورا.. الله يخليكم اترياكم وما لي غير الله وانتو اخواتي..

بليز يا بنات بتسوون خير لو بتساعدوني ويزاكم الله خير..

بليز لا تحبطوني ابا رد ارجوكم

اترياكم على احر من الجمر..[/ALIGN]sid

انا دائما افصل عن اثنين :
خياط الفاتنة هذا للفساتين الهامه للاعياد والاعراس وهذا بتلاقينه خلف مطعم اصفهان الى فى الشارجه ...


خياط حسينه وهذا للفساتين العاديه وهو جنب العروسة للخياطة والتطريز اذا تسمعين فيه
وهو بالقرب بعد من الفاتنة بس هو خلف السينما والافضل تتصلين له وهو بيدليج ..لان المكان صعب اوصفه ...

تسلمين يا الغاليه مشرفتنا..
بس وين موقع خياط العروسه في الشارجه والا دبي.. وعلى اي شارع عشان يسهل لي الامور.. وبكم تقريبا يفصلون عشان آخذ احتياطاتي معاي..

(( وينكم يا الاخوات ابا ردود يزاكم الله خير ))

لا هو فى الشارجه فى نفس المنطقة الى فيها الفاتنة عند سوق المواشي الى في الشارقه ...خياط العروسه وحسينه خلف مطعم حلب الشهباء ...ومثل ماقلت لك انتى اتصلي وهم بيدلونج احسن ...لان المنطقه فيها لفات وايد ...

اسعارهم : حسينه ب100 وفوق ..
واذا بغيتى بدل بعد جدام حسينه خياط اسمه منولتا يفصل بدل وشغله نظيف وايد ...
الفاتنة : فساتين الاعراس يفصلها ب 300 وفوق ...

زين والله سعرهم وايد زين بنسبالي.. ومشكوره وايد وايد ويزاج الله خير وعسى ربي يملى حياتج السعاده ويتحقق الي في بالج يا رب.. وما بنسالج من الدعاوي ان شاء الله..

وينكن يا ابنيات افا ما هقيتها منكن والله

محد يبا يساعدني كالعاده

!!!!!!!!!!!!! وهذا انا اقول نشاميات
يالله يا الشيمه

اختي انا فصلت عند الفاتنه لبس هندي حق ليله الحناء يوم عرست

بس كان روعه و مظبوط.. و كل حد تخبل عليه