السلام عليكن ورحمة الله وبركاته
كيفكم بنات وحريم ونسوان وكل الأصناف من الجنس الناعم


ياأخواتي اكيد معظم أو بعضكم أو على الاقل وحدة منكم قرات موضوعي إلي في ركن نافذة إجتماعية وعرفتم سالفة هنيدة كلها والمطلوب
أبغى اقلكم يا حلوات إن فيه شي أستحي منه أسمه زواج وهذا الشي اللي انا مستحيه منه راح يحصل لي في شهر سته بالهجري من هذا العام يعني بعد شهر من اليوم
وانا اكبر اخواتي ومستحيه من كل اللي حواليني بس أنتو اكيد الله يحفظكم عارفين شغلات العرايس
وأنا طبعا توي اعرف بعض الاشياء و
واليوم فتحتو عيوني
استاذتي جالسة تكلمني وتقل لي ها إش سويتي وكذا فقلت ولا حاجة قالت ماسويتي اقنعة وإلا شي لوجهك قلت أبدا طبعا أنا من ذوات البشرة البيضاء بس من يوم دخلت الجامعة صرت على قولة أبوي الله يحفظه حجة بالصباح ام بقشة
ودقاقة في المساء وهذا كله من السمرة الغير طبيعية اللي جايه على وجهي من الجامعة وأكيد اللي سمع عن جامعة الطايف مارح يلومني
والخلاصة إني ابغاكم لو سمحتو تكتبوا لي اش لازم تصلح العروس لوجهها وجسمها وأياديها
وإنتو اعرف بها الشغلات فلو سمحتو لا تبخلوا علي وسلامتكم

ألف مبروك مقدما
أنا أنصحك بالحمام المغربي كل اسبوع مره وحاولي ما تتعرضين للشمس الحاره قدر الأمكان

الف مبروك اختي هنيدة ..

الله يتمم لك على خير..

ان شاء الله تفيدك هذي الروابط :

http://www.lakii.com/vb/showthread.p...E1%DA%D1%E6%D3


http://www.lakii.com/vb/showthread.p...E1%DA%D1%E6%D3

الله يوفقج الغاليه لا ترهقين نفسج ابدا وحاوووولي تسووين رياضه بالبيت واكثري من الخضروات والفووواكهه ترا ماشي احسن منها لصفاء البشره

موفقه انشاءالله الغاليه

مبروك عليك مقدما
وان شاء نخدمك في الافراح

الف مبروك
وانصحك باستخدام صابونة بابايا لانها تساعد على ازالة الاوساخ وبالتالي تبييض لون البشره

ألف ألف ألف مبروك هنيدة

بين قوسين ( ياويلك ) تحسبين الزواج لعبة

وبالنسبة لطلبك المنتديات كثيرة وبعضها تخصص قسم للعرائس انت بس حطي بحث وتلاقي

العجب

تمنياتي لك بالتوفيق والحياة السعيدة والذرية الصالحة

الف الف مبروك الله يتمم لك بخير يارب
ها ولا اوصيك حطي العريس في عينك
ههههههههههه لا تغاري
بالنسبة ليا اقولك
تجملي بنعم الخالق
يعني اشربي حليب كثير وكلي فاكهة وخضار كمان واشربي موية كل الاشياء دي مررة مفيدة للبشرة

أشكركم يا حلوات على ها النصايح بس كل اللي قلتوه مابحبه يعني ماأحب خضار ولا فواكة ولا حليب ولا رياضة
وبالنسبة لطريقة الحمام المغربي ممكن تعطوني نبذة عنه وطريقته لو سمحتو لأني ماافهم بها الشغلات إلا بعد الشرح المطول

عزيزتي عندي لج طريقة وايد حلوة هي تنعم الجسم و تسوي تقشير
بسيط لبشرة الجسم و خاصة للأردافو الأفخاذ
تجيبين شوية قهوة مطحونه (تركية الي في الاكياس و مطحونه و جاهزة في السوبرماركت)
و تخلطينها مع شوية خل تفاح
و في كل وقت سبوح تبللين نفسج أول بالماي و تدهنين الأرداف والأفخاذ
بالخلطة و تبدين تفركين نفسج بالحجر الأسود على شكل دوائر باتجاه عقارب الساعة
بشويش هاه ، قد ما تتحملين ، اذا فركت وايد قوي ممكن تجرحين نفسج
و بتلاحظين طلعت لج حبوب حمر صغار
انا صراحة طلعت لي أول مرة و بعدين جسمي تعود
كل منطقة تقريبا خمس دقايق يعني مثلا الفخذ اليمين خمس دقايق
بعدين انتقلي لغيره و هكذا
بعديت اغسليه بالماي و كملي سبوحج ، بتلاحظين المنطقة ناعمة
ليش لأنه صار تقشير بسيط للبشرة و كل ما استمريت و داومت عليها
كل ما تجددت البشرة أكثر و أكثر
اااااااااااه تعبت من الكتابة .. أي أسئلة يالغالية؟؟؟
و مبروك يا رب و عقبال الي في بالي>>>>>>>>>>>>> معروفة أنا