أخواتي انا ليه فتره طويله غايبه عن السعوديه وانشاء الله راح نرجع على الصيف , وأبغى أفصل فساتين زواجات أومناسبات تكون أنيقه وبسيطه في نفس الوقت .اذا ممكن تدلوني على أسماء مشاغل حلوه وأماكنها أدعي لكن من كل قلبي . وبعد أبغي خدمه ثانيه اللي عندها موديلات فساتين حلوه توريني أياها لاني زمان ما حضرت مناسبات الله يخليكم منتظره ردودكم .

في تلاقي جاهز وناعم وبعضها مميزة ومو متكررة

البنات مايقصرون ماعندي خبرررر
ولو تزورينا بالكويت تبشررررررررررررين



دارينووووووووووووو

مرحبا

كيفك هياء.....

تأنسي وتشرفي وتنوري جده مررررررررررره

انتي بس توصلي على جده اسئلي عن سوق المساعديه راح تلقلى كل الي انتي بدوري عليه
احلى فساتين حق اشهر المصميمين اللبنانين وكمان اشهر المصممين العرب...

وفيه كمان عندك جده مول في اشياء روعه هناك....
دا بالنسبه اذا حبيتي تشتري جاهز وتريحي نفسك

اما المشاغل عندك دار الموضه و مركز نواره ...وانا راح اسئلك عن مشاعل كمان

ان شالله اكون ساعدتك في الموضوع..

تحياتي ....دانة جده

الله يسعدكن أخواتي دنيا وأخره على هذا التفاعل المعتاد منكن .
غاليتي دانة جده أشكرك فعلاً على ترحيبك بي وجمعني الله وأياكي وأخواتي في المنتدى في جنات عدن . أختي هل سوق المساعديه هذا كبير ؟ ودي لو ما عليكي كلفه تدليني على أسماء المحلات المرموقه فيه اللي تنصحيني بزيارتها . وبعد اللي في جده مول علشان أنا أهلي في منطقه ثانيه وراح أجلس في جده بس يومين بعد وصولي ولا ودي أتعب من كثر الدوران مع تعب السفر وأولادي . اعذريني ياغاليه بس مالي ألاأنتم .
وبعد طلب صغينون منكن يابنات المنتدى اذاتقدرون تعرضون الازياء الجديده الموضه الان وماهي الاسعار المعقوله في الاسواق الان .

مرحبا هياء...

والله المساعديه من الاسواق المعروفه انها فيها فساتين السهرات ..
و ما فيه محل واحد هوا سوق مفتوح مو مركز تجاري. بس من جد راح تلقى كل الي تبغيه من موديلات..
اصلا معروف عندنا دا السوق بس يبغالك تلفي فيه مزبوط عشان تشوفي اكبر تشكيله من فساتين السهره...بس على فكره الاسعار مو رخيصه عشان في موديلات حق اشهر المصميمين اللبنانيين ..يعني ما راح تلقى اقل من 2000 ريال..
والله جده مول انا ما اعرف اسماء محلات بالذات بس انا اسمع كتير من العرايس بيشترو فساتين الزفاف من هناك...
واي شي انا في الخدمه..

دانة جده

تبغى مكان فية فستاين سهرة حلوة ومديلاتها غريبة يعنى ماحد يلبس زيك عليك بسوق النجار الدولى من دون تردد لعلمك انا اذا عندى مناسبة مااحتار اروح على طول عندة والاقى اشياء كثيرة تختارى اية ولا اية المهم كل من شاف فستانى قالوا تهبل وموديلها غريب من جبتيها الى الان وانا محتفظة فيها من جمالها روحى بس وادعيلى ولاتنسى لا رحتى ردى على وقوللى ايش رايك لا تنســين

واي خدمة حاضرين.....

وهلا وسهلا فيك...

نعم سوق سوق النجار موديلاته حلوة وكمان اسعاره معقولة ،،،
لكن صراحة المساعدية وجدة مول الأسعار مبالغ فيها -كثيرة فستان ب 2000 ريال-.

عزيزتي هياء
انتي في امريكا ومحتاره والله المحلات هناك تحيرك ايش تاخذين
وايش تخلين والاسعار فيه الغالي والرخيص
وبالتوفيق