مادري شسوي والدمعه مو راضية توقف من عيني ..



ابيكم تساعدوني ارجوكم وبسرعة

شعري احترق من الصبغة ، لأنه رقيق وما استحملها والمشكلة ان بعد يومين عندنا زواج شسوي يبنات انقذوني بخلطاتكم السحرية بسرعة ما في وقت ، صبغت شعري هاي لايت وصارت الشعرات اللي نصبغت متقصفه وايد وحالتها حاله حتى أنها صارت تنكسر من النص ، وصار شعري باهت ما فيه لمعه بعد ما كان ناعم ويلمع ..ارجوكم الفزعه يالنشامة


ابي خلطة تلمع الشعر المصبوغ وتخلي شكله صحي اكثر ، مع العلم أني جربت حمام زيت بس ما فرق .


أدري أنكم ما بتخيبون رجائي لكم

مع تحياتي ........بشاير

بشاير حبيبتي باقولك من خلال تجربتي الشخصية انا استخدم مجموعةمن الزيوت بكميات متساوية وخليك عليها الى يوم الزواج ساعتين واغسليه كل يوم وحطي لة حمام زيت 10 دقايق ووالله يطلع رووووووووعة000نسيت ماقولك الزيوت (الصبار الجرجير النارجيل الخروع،السمسم ؛عافية،الزيتون،البقدونس،.....واي شي بس كمياتهم متساوية

مشكورة ياسكاكر ما قصرتي حبيبتي شكرا على النصيحة ربي يسعدج ويخليج للي يحبونج يارب

وايضا جربي الزبده رائعه
انا صبغت في آخر شهر رمضان صبغ عاااااادي مش هاي لايت
ومع ذالك احترق شعري
قمت احط فيه زبده بعد ما اسيحها ...تكون دافيه وبعدين الفها بمنشفه حاره (والضاهر انتي تعرفين الطريقه)
اخليها لمدت ساعه بعدين اغسل شعري......

بشاير حبيتي ركزي في نصيحتي لك زين
قصي المتقصف بسررررررررعه قبل لايوصل التقصف لشعرك
اللي فوق
لان الزيوت والاغذية اللي بتحطينها بتتوجه للتقصف عشان تحله ويضيع عالفاضي لان التقصف ماله حل الا القص
قصي منه ولو جزء بسيط المتطاير خاصة
ثم ابائي بتزييت شعرك كل يوم وعند الترويش سوي حمام كريم وليس حمام زيت
عشان يرجع اللمعه لشعرك
وحمام الكريم متوفر عند قزاز بالسعوديه
واكيد بمحلات التجميل تلقين.......

بشاير حبيتي والله بتندمين اذا ماسرعت بقصها بيصير شعرك باهت وفاقد للنعومه واللمعان
والشعر يعدي بعضه..مثل الزكام يوم ينشر بين الناس
شيلي المقصف واعتني فيه ......

حبيبتي الغالية أم وريحانه
ما قصرتي اختي على النصيحة ورايحه طيران اجرب طريقتج بعد مارديت مت الدوام ..يسلمووووو

أختي في الله الغالية سديم ... تعجبني والله مواضيعج ونصيحتج على العين والراس ،، بس مع الأسف عقب ما طاح الفاس في الراس لأني أصلا قصيت شعري قصير للكتف وبنفس الوقت عملت الهاي لايت ، وسويت شعري مقطع والحين مستحيل اقصه زود لأن زوجي مايحب القصير جداً وبعدين اصير جني اتشبه بالرجال وهذا حرام ، تسلمين يا أحلى سديم ، بس الحين ما في حل ألا أني أهتم هاليومين بحمامات الزيت وبعدين لما يطول شوي أقصه من جديد عشان يسترجع حالته.

ماقصروا البنات

بس نقطه صغيره طبعا بعد صبغ شعرك لازم تغيرين الشامبو القديم لشامبو خاص بشعر المصبوغ ضروووري لان شعرك بحاجه لشامبو خاص بشعر المصبوغ يقويه ويرجع له ليونته الي فقدها

وتركو عنكم الصبغات ترا والله هي الي تخرب الشعووور للاسف

تحياتي

أختي نواعس دامعة ، مشكورة على الرد ، وترى تدرين أني ماأحب الون شعري بالمرة ، واحب يكون لونه أسود فاحم لأن بشرتي بيضه ويناسبها الأسود ، لكن شنسوي ، الواحد يحتاج التغيير بين وقت والثاني وخاصة المتزوجات ، مع أني ما صبغت ألا خصل قليلة جداً لكن تعالي شوفي هالخصل أشلون أحترقت وتقصفت وخاصه أنها باينه من جدام الوجه يعني من( الأمام ) ، يالله الحمدلله على كل شي .

جبت لك شي هالمره رهيب وينقذ الموقف بسرعه طالما انك ماتقدرين تقصينه
نبي شي يغذيه بسرعه ويرجع لمعته وصحته
اسمعيني ياقمر
تعرفين زيت الفازلين حق الشعر اللي نوعين الازرق والاخضر
اكيد تعرفينهم لانه معروف
بس تاكدي انه الاصلي
وحطيه قبل لاتتروشين بساعتين ثم اغسلي راسك عادي ........
بتشوفين النتيجة بسرررعه
هاذا الشي مجرب في حالات مثل حالتك
ويستدرك الموقف ويعالج الشعر لانه يرجع زيوته الطبيعية

بشاير
الا قولي لزوجك يجيبه لك
وادعيلي على اللي بتشوفينه ........من النتايج الحلوه
بس ها انتبهي يوميا ساعتين اقل شي
بعد كذا استعميله على كيفك اسبوعيا او يوم ويوم
بس الحين نبي نعوض الزيوت الطبيعية في شعرك...........
لذلك استعمليه كل يوووووووم

الله يرجع لك شعرك ..
بس أنتي مشكلتك بسيطه بالنسبه لمشكلتي قبل تسعه شهور؟
كنت توني طالعه من النفاس وطبعا الوحده لازم تكون متكشخه ومتزينه ..وأروح لأحد المشاغل
علشان أفرد شعري (من اللقافه)(علشان أطول ما أستعمل السشوار)
والله لما رجعت للبيت أنه صاير مثل الشعيريه الباكستانيه من جذوره
تخيلوا وحد تو زوجها جاي من السفر ويبغى يشوف زوجته في لأحلى صوره بعد الحمل والولاده
يعني شي ما تتخيلون وريحته مثل الشياط ويوم ورا يوم ويحت لحد ما بقى غير 20 حبه
وانا أتهرب من الضيوف والا أحط ربطات .حالتي النفسيه الله أعلم بها
زوجي قدر حالتي وحذرني من الشغلات هذي....توبه
الحين الى كتفي بفضل الله ثم بفضل الزيوت والحلبه وحمام الزيت المكون من البيض وزيت الزيتون , والكثيراء ووزيت الجرجير
ماعليش طولت عليكم ولكن للعبره
وانت عليك بالتدليك بازيوت اللي متعود عليها شعرك مع حمام البيض والزيت
وان شاء الله يظبط قبل المناسبه......فيلم هندي
وسلامتكم