مرحبا يا حلوات

بصراحة عندي شوية اسئلة وياريت تردوا علي



اولا: كيف نرسم العين من تحت لأن الآن انا ارسمها بالآي لاينر السائل بس من فوق وما اعرف ارسم العين كاملة فوق وتحت..




نفس الشي ياريت تدلوني على مكياج خفيف..... انا حاليا اعتمد على البودرة والروج ومحدد العين........ اللي ابغاه مكياج خفيف من الشدو والخدود...

والله انا ماعرف شي بالمكياج لكن ان شاء الله يفيدونا الخبيرات

ابنة الرجل

شوفى عزيزتي

بالنسبه لاسفل العين خذي الاي لاينر وحاولى تحطين نقط فقط بين رموشك السفليه ولا توصلينها لحد الجهه المحادذيه للانف بعدين خذي فرشاه ذات رأس مدبب وحطيها بشدو مثلا اسود ومشي على النقط وشوفى النتيجه وادعى لى طبعا لما توصلين لزاوية العين حاول بالشدو تدمجين نهاية الاى لاينر العلوي مع السفلى ولا تيأسين حاولى اكثر من مره وانصحك بكحل سائل بدي شوب لانه سهل .

بالنسبه لكريم الاساس عندك ماركة قير لاند منزله كريم اساس مشمشي هذا تحطينه مع روج مشمشي وبودره خدود زيه وشوفو شكله طبيعي وحلوو مره

وعندك بلاشرات شانيل الاخيره للخدود رووعه الوانها ولما تحطين بودرة الخدود
حطيها على خدك من الوسط .....وعلى اسفل انفك بس خفيف مره وعلى منطقة الذقن

والحين طايحين بالملمعات يعني ما عاد يستخدمون ارواج كثير يعني ملمع وردى مع تحديد وردى وملمع مشمشي مع تحديد مشمشي واحمر مع احمر وهكذا

نرجس واى استفسار اسالي لا تستحين

اختي ابنة الرجل
شوفي طال عمرك انا قريت طريقه وحاولت اطبقها البارح وفعلا ضبطت وبسرعه خلصت ميك اب عيوني ويا انا دعيت لها الله يوفقها اختصرت علي الوقت والجهد

الطريقه :
اولا يفضل تشترين افضل كحل سائل سواده مايحتاج ولا يزول من اول لمسه بالغلط على عينك وهو معروف عند الكل بانه الافضل
وهو الكحل السائل من لانكوم الاسود الي فيه ورده ذهبيه
اوكي
بعد كذا سندي ايدك وابدي ارسمي خط الكحل من فوق بطريقه بدون فن مره يعني بس حاولي تقربي من منبت الرموش ونفس الشي تحت ارسمي خط جنب منبت الرموش حتى لو عرض شوي عادي كملي

بعد كذا اخذي عود آذان وابدي امسحي الزائد كانك هونتي ماتبين الكحل بس مو تمسحينه عن جد مرره لا يعني لاقرب حد يصير بس خط رفييييييييع جنب منبت الرموش بعد كذا

اخذي شدو لون فاتح وانشريه بعود اذان او باصبعك على الجفن وطلعيه على فوق وبعد كذا اخذي لون غامق وحطيه بعود اذان او فرشه صغيره على الجفن المتحرك وحاولي تبدين فيه من برا وتدخلين على الجفن المتحرك

مدري فهمتي على شرحي او لا

وبعد كذا اعملي الماسكرا وبرضو افضل نوع ماسكارا من لانكوم او ديور بس انا افضل لانكوم

وبخصوص البلاشر جربي الي من ماك لون مشمشي جدا رائع واشتري معه فرشه كبيره علشان يسهل توزيعه بطريقه خفيفه وطبيعيه

اي سؤال انا حاضره

تحياتي

البنات ما قصروا بيض الله وجيهم


لو تبين زياده تحت أمرك

تسلممممممممممممممممممين

الله يسلمـكم اخواتي

راح اجربها باذن الله



بس انا استعمل منتجات أفون وبودي شوب ايش رايكم فيها

بدي شوب الشذو وكريم الأساس وبودرته الأساس روعه


بس الروج لالالالالالالالالالالالا

تسلممممممممممممممممين

انا أستعمل أرواج أفون والبودرة والمسكرة........ أدوات تنظيف الوجه عموما..





مشكورة