مرحبا بنات خلوني ادلي بدلوي مع العلم اني مارحت الى الامارات بس زوجي راح وهذه خبراته

السكن مثل ما قالوا الاخوات لازم تقضين يومين ببرج العرب وتراهم مسوين تخفيض للخليجيين ممكن تلاقيه 1200 الى 1600 ريال وممكن تروحين الجميرا بيتش
اما من ناحية المطاعم فيها شوية صعوبة لعدم وجود الخصوصية للعوائل يعني متعبة هذه العملية وا ادري وشلون بتسون مع العلم انه فيه مطعم ايراني بالتوين تاور اسمه داليان زين ورخيص بس المشكلة لامكان خاص للعوائل وفيه بشارع الرقة مطعم شامي اسمه الصفدي بس لامكان للعوائل اما بالنسبة للجلابيات الوتد بسوق البستان والهودج واليشمك بستي سنتر الشارقة ولاينسون يروحون سوق مرشد شارع سكة الخيل هناك محلات مرة زينة بس يبيلها شوية فر وبتلاقون كل زين بعد سوق عكاظ ومو بعيد عن سكة الخيل كلها شارع 10م اما بالنسبة للحدائق انصحكم تتطلعون المنطاد بحديقة الخور
الاسواق
1/ سيتس سنتر
2/ حمر عين
3/ الغرير
4/ لامسي
5/ الوافي
6/ برجمان
7/ البستان
هذه اللي عندي واذا افتكر ابو العيال شيء قلت لكم عليه

دبي رائعة في كل شي .. خاصة للعرسان

أناا رحت الإمارات حلوووة

خالتي ساكنه في الامارات وكل عطله تجينا لابسه جلابيات كل وحده احلا من الثانيه اتقول انها تخيطها في مجمع اسمه منال جنب سوق مرشد وتشتري بعد من محل اسمه راجو جلابيات تهبل
هذا غير اليشمك والمصممات هناك الي تخلي الجلابيه كنها فستان سهرة على فكره هذة في دبي....................


اتمنى اني افدتك.....

بالنسبه للمحلات حق التمشيه والمطاعم..........

عندك جميرا بيتش هذا يهبل فيه مطعم وفندق روعه................
وفي ستي سنتر هذا مجمع وفندق ........
وفي الوافي هذا فيه الماركات العالميه مثل شانيل_ بيير كاردان_ لاكوست_ستيفانيل_.
وفي برجمان هذا يهبل بعد فيه مطاعم فوق في الدور الثالث...
ولامسي هذا حق التمشي لانه ماعجبني لان المحلات مفتوحه على بعضها بس تصميمه يهبل...
ولاتنسين برج العرب لان رحتكم بدون ماتزورونه راح تفوت عليكم اشياء تهبل بعد في برج العرب فيه كوافير وأخصائيه تجميل ومحلات للمجوهرات مثل شوبارد.......
روحي حديقه الخور _ بس نصيحه لا تلبسين كعب راح تتعبين وانتي تمشين........
وروحي واي وادي والمجمعات الي قالوا عليها الاخوات هذا كل ماعندي والي اتذكرة .....

مشكوره اختي ام علياء على الكلام الجميل تسلمين

اختي ام مشاري بالعكس فيه وايد مطاعم فيها قسم خاص للعوايل وفي مطعم قيصر فيه غرف خاصه للشخصين وفيه باب والدخول باستإذان وبعد وايد مطاعم جيه

واختي شهلاء انشاء الله تلقين حجز واتشرفينا

وحيا الله الجميع

طبعا دبي كل ما فيها حلو و نظيف و اهم شيء المعاملة الراقية من كل اللي تقابلينهم
اما عن خبرتي في الجلابيات طبعا الاخوات كفو و وفو و انا احب محل اليشمك و راجو بلازا و هذا بجانب مركز حمر عين

مشكوووووووووووووورين يالغالين


صراحه ماادري كيف اشكركم

كفيتو ووفيتوا

تسلمون والله

وصديقتي هذي واحبه حيل اللحين سافرووووو

وانا جالسه لحالي اللحين

ماعندي احد وبيجون بعد شهر ياطولها

ومشكورين مره ثانيه

على فكره انتم اعجبتوها وهي راح تسجل بعد ماترجع


باي

شكرا لكم على هذا الموضوع وعندي طلب اتمنى انكم ما تفشلوني يابنات الامارات حبيت اسئلكم عن الفنادق اللي تنصحوني بالسكن فيها ,وعن الاماكن الحلوة عندكم,وايش المكان اللي لو ما اروحه بتقولون لي خسارة فاتك ,معليش اعذروني متحمسة مرة لان لي كم سنة وانا اتمنى اروح الامارات واخيرا ان شاء الله بنشرفكم ايام العيد(واثقة بزيادة)
اتمنى من الجميع المشاركة بنات الامارات واللي سبق وزار الامارات.
شكرا مقدما .

بصراحه اللي بيفوتك لو مارحتيه هو(

..................................................


































منتجع المها.........رااااااااائع وخصوصا في الشتاء.....على فكره هو قبل دبي ....هاالايفوتك...