يااخواتي ياخبيرات الشعر في المنتدى عندي مشكله في شعري وسائله الله ثم انتوا ان تساعدوني
باختصار قبل سنتين استعملت خلطه في شعري
الخلطه العجيبه الي سامع فيها 00بس مو الخلطه الي تنباع في الصيدليات او محلات العطاره –هذه وحده موثوق فيها تسويها في البيت00 المهم الخلطه فردت شعري فرد حلو لدرجة اني استخدمتها حوالي خمس مرات والمفوض انه الخطه تنعم الشعر على مدى الحياة وانا نعمت شعري بس مو مدى الحياة مجرد مايطول شعري يرجع الشعر لطبيعته بس انعم من طبيعته بشوي00
واخر مره سويتها قبل ستة شهور والمشكله هي ان الخلطه سببت لشعري تقصف شديد لدرجة ان لما اشد شعري بين اصابعي شد يسيط يتكسر او ينقطع00 وصارلي اكثر من ثلاث شهور وانا استخدم خلطات طبيعيه لدرجة اني مليت من الخلطات وقررت اني استخد م الزيوت فقط00 فايش سويت خلط سبع زيوت طبيعيه(الخروع –الزيتون-الذره –الثوم –الصبار-جو الهند-السمسم)
واخليه بشعري لاكثر من ساعتين واغسله بالشامبو وبعده استخدم حمام زيت -ويلا كلستولر -وصارلي على هل الحال اكثر من ثلاث شهور والصراحه مالقيت نتيجه 00لسى الى الان شعري يتكسر sid
فارجو من الي عندها الحل تساعدني في اسرع وقت ارجوكم
وارجو ان مايكون حلها ::ان اذهب لخلطات المنتدى لان المنتدى خلطاته كثيرها واغلبيتها جربتها ومالقيت نتيجه فانا اريد حل مجرب مئه بالمئه
وشكرا

والله يااخت روابي انا جربت خلطه
انا وبنااااااااات خااااالي
والله تهبل
وهي زيت الشمطري والسمسم وحبه البركه والجيرجير والخروع والصبار
والله انها رهيبه
وتابعي واستمري وان شاء الله
تكون فال خير عليج هالخلطه والله يعينا
الشي الزين مايجي بالساهل وانا اختج
اي خدمة عيوني لج
دارينو

مشوره اختي تسلمي
بس وين القى هالزيوت ؟؟ وهل ينباع عند العطار زيت الشمطري بهالاسم؟؟

ياعمري انا كويتيه
وهالزيوت هذي اجمعها من السعوديه اخذ ياصناعه سعوديه محليه او باكستانيه هذولي احسن شي
والشمطري ها زيت لو نه احمر وهذي شغله حريم اول ينقعونها ويحطونها مع الحنه
ايه اكيد تنباع عند عطار بس لازم يكون ثقه عشان النتيجه تبان بسرعه
اعرف بنت تجيب زيت الصبار من المعصرة
واي خدمه عيوني لج
دارينو

تذكررررت
اختي روابي لخبر
احسن انواع الزيوت عندكم يكون من ماركه النحاس السعوديه قمةةةةةةةةةة
جربيهم والله تضمنينهم احسن من الهندي والمصري وغيره
وشغلهم طبيعي اعتقد سعر العلبه يا 10 ريالات او 12
حبيت اذكرج عشان مااتتوهقين والله يرد شعرج مثل اول وااحسن
دارينووووووو

السلام عليكم ورحمة الله وبركاته
شلونك روابي الخبر شوفي حبيبتي شعرك تعبان واكيد يبي له فترة طويلة من العناية لان الخلطة
اكيد ارهقت شعرك مرة فانتي يبي لك صبر وطولة بال بس اهم شي ماتيئسين انا بقولك عدة نصائح واستمري عليها ان شاء الله يتحسن شعرك
اولا امسكي شعرك وقصي اطرافه وبعدين لفي شعرك على اصبعك يعني بشكل مبروم ان شاء الله فهمتي الطريقة ووراح يطلع لك شعر متطاير امسكيه وقصصيه لان هذا اصلا متقصف.
بالنسبة للزيوت استمري عليها تراها كلها زينة ومفيدة بس اضيفي لها زيت الجرجيرودابر املا واذا حبيتي تضيفين لها الشمطري مش مشكله هو مفيد بس والله ماستخدمته لكن دارينو تمدحه وعلى فكرة الزيوت الطبيعية موجودة عند العطار لكن لاتاخذين الزيوت اللي تكون مخلوطة بعطر .استخدميها اقل شي 3 مرات بالاسبوع .
استخدمي هذي الخلطة والله انها ممتازة مرة اذا استمريتي عليها وكتبتها اكثر من مرة في المنتدى
2ملعقة مايونيز +2 ملعقة زبادي +ملعقة زبدة+صفر بيضة +ملعقة عسل +قليل من زيوت شعرك
اخلطيها مه بعض وضعيها على شعرك لمدة ساعتين وبعدين اغسلي شعرك بشامبو اطفال ولاتمشطينه الابعد ساعة استخدميها في البداية مرتين في الاسبوع .
كل ليلة قبل لاتنامين امشطي شعرك كله لقدام واعمليه على شكل كورة او كعك مثل مابعض الناس يسمونها لازم تكون الكورة في مقدمة الشعر بالضبط وفي الصباح افتحيه واستمري على هالطريقة كل ليلة ,لاتنسين .
اذ استخدمتي زيوت الحمام الجاهزة اخلطي معها قليل من زيوتك ووزعيها كلها على شعرك وبعدين امسكي مجفف الشعر ومرريه على شعرك لمدة 15دقيقة لكن لاتقربينه على شعرك مرة يدوب يوصل الهواء لشعرك وبعد15 دقيقة خليه على شعرك لمدة 10 دقائق وبعدين اغسليه بالماء
لكن لاتستخدمين الطريقة هذي اكثر من مرة كل اسبوع او 10 ايام .
واستخدمي السدر +مع الحنا
استمري على نصايحي وبإذن الله راح يتحسن شعر
ونصيحة اخيرة لوجه الله لا للصبغات ولا للاستشوار ولاللفرد .
ادري طولت عليك لكن الشعر مثل الزرع يبي له صبر وطولة بال واهتمام .
اختك ابسط الحلول

شوفي يا روابي صديقتي صار لها نفس الشي بس انتي اهون هي تنكسر الشعرة قريبة من فروة الراس تخيلي شكلها مسكينه والله حتى نفسيتها صارت زي الزفت,المهم ما خلت زيت ولا خلطة الا وحطتها بس ما في امل اخر شى وش سوووووووووووووووووت قصة شعرها بوي وبدت العناية فيه وما شالله بدا يتحسن كثير,طبعا لان الشعر المفرود احترق وما منه امل ,وعلى فكرة هي دائما تفرده وما اثر عليها كان روعه بس اخر مرة كثرتلها الكوافيرة مادة الفرد وانعدم شعرها ....اتمنى اني اكون ساعدتك

اخوتي حبيبات سامحوني والله مادريت ان الكل مهتم بشعري- اكثر مني - لهدرجه.
عزيزتي دارينو الحلوة.. انا باذن الله راح اجب الزيوت الي وصفتيها بس بعد ماافتك من الزيوت الي عندي...وتسلمي حبيبتي .

اختي ابس الحلول ..هالمره اسمك مو راكب عليك .. كل هذا اسويه !! وين ابس الحلول؟
تصدقين انا قرت عن هذي الطريقه في احدى المنتديات وجربتها لمدة اسبوع بس ما قدرت اكمل راسي صدع وانا كل يوم المه لقدام واقوم الصباح افك شعري ووووووووووااااااو الام في راسي فضيعه ... ثم انا شعري الحين قصير وانا قبل اربع شهور قصيته ولد مثل قصة نوال المغنيه ومن يومها وشهري عيى يطول يدوب هذي الايام هه بديت الم نصه التحتي واذا لميته كله اخلص علبة المشابك بشعري ... فتكفين عطيني طريقه شوي اهون ..
اختي بارعه هي صديقتك الحل الي فاد معاها القص بس ولا سوت شي ثاني....؟؟؟؟

أأأأاه ومين سمعك يا أخت روابي الخبر أنا كان شعري تعبان شوي بسبب القشره ونصحوني أحط نفس الخلطه اللى قلتي عليها وفعلا نفعتني لكن أول ما بدأ مفعولها يروح حصل لي مثل ما صار معاكي وبعدها الحال ساء زياده بظهور القشرة والحبوب والجروح والتهاب فروة الرأس لدرجة انها تبكيني أحيانا من الحرقان . المهم ذهبت الى أطباء لكن مافي فايده واستخدمت أعشاب ما أستفدت كثير غير ان شعري بدأ يخشن . والان لي سنتين وادور أحد يدلني على العلاج.