فتون الحلوه
دايما غاثتك صح
ودي اسئلك انا بيب لالعسل من وين يالغاليه
سلم لمممممممممممممممممممممممممممممممممم

الف شكر ياام يوسف خلطه سهله بس لازم نواصل شهر ونصف ولازم يوميا ولا شلون ارجوك ردي

ابسط الحلول الله ماكثر الجرجير باأميركاا لا ومغسل وجاهز ياسلااااااااااااام موجود بالسوبرماركات باكياس مغلفه زي الخس وووو وانشاء الله تحصليه

مشكوووورة على الخلطه

الأخت اللي تسأل عن الجرجير فيه أحد يسميه بربيرويمكن هو عندكم بعد بهذا الأسم

يعطيكم العافيه على هالوصفات الحلوه
وأضم صوتي لأم يوسف واقولكم إن الجرجير مفيد جدااااااااااااااااااااً للشعر

عني شخصيا ماخليت خلطه إلا وجربتها ولله الحمد ماشيه على نظام وخلطات استفدت منها وايد والله كان شعري متقصف ومحترق وجاف، وجدول هو:
أولا: استخدم ماسك الحنه مره بالشهر
" " " " " " " " " " " " " " " " " " " " "
المقادير:
ربطة جرجر مفرومه بالخلاط
ملعقتان اكل حنه
ملعقتان كركديه ( او حفنه )
ملعقتان حلبه مطحونه
2 ملعقة اكل روب ( زبادي)
2 ملعقة اكل مايونيز
1 ملعقة اكل نسكافه او قهوه عربيه ( عشان الريحه)
1 ملعقة اكل شاي بودره او 2 كيس لبتون
كوب ماء
2 فص ثوم

الطريقة:
- تاخذن كوب ماء وتضيفين له الشاي والكركديه واتركيه على النار حتى يغلي ثم ارفعيه وتركيه حتى يبرد ويصبح دافئ.
- تاخذين فصوص الثوم وتلفين كل فص بقصدير وتحطينهم بوعاء فيه ماء مغلي وخليهم على النار لمده 5 دقائق حتى تلين.
- اهرسي حبات الثوم واضيفي لهم الجرجير المفروم وباقي المقادير كلها واعجنيهم بالشاي حتى يتكون لك ماسك اتركيه ليله كامله ليخمر الخليط.
- في اليوم التالي ضعي الخليط على شعرك وغطيه بقبعه بلاستك ودعيه على شعرك لمده لاتقل عن 3 ساعات وبإمكانك تزيدينها على حسب رغبتج.

عني شخصيا احطه واشغل عمري بترتيب الغرفة او أي شي والوقت يعدي لاتتصيعبون الخلطه تراها جدا مفيده ولله الحمد استفدت منها واااايد وبصراحه بعد ماتغسلين شعرج بتحسين بتغير وبتلاحظون هالشي وصار لي 6 مرات من استخدمت هالماسك


الأحد: ( افرك فروة الراس بالروب، تراه مفيد جدا للفروه ينظفها ويطول الشعر)

الثلاثاء:اضع المايونيز على شعري واغطيه بقبعه بلاستيكيه واتركه لمده لاتقل عن ساعه وبعدين اغسله ( معروف المايونيز مفيد جدا للشعر ينعمه ويطوله ويكسبه حيويه)

الخميس:ادهن شعري بخلطة الزيت
بصراحه انا استفدت من خلطات البنات إللي بالمنتدى وللأسف مااذكر من هم بس انا مزجت خلطتين بوحده:
المقادير:
علبة زيت جوز الهند بتلاقونه بمحلات السوبر ماركت بعلبه معدنيه لونها اخضر وتنباع بحدود 4 او 5 دراهم.
نصف كوب قهوه عربيه مطحونه
نصف كوب حلبه مطحونه
رماد خيشة ( مالت البصل إللي لونها بني )

الطريقة:
- نحمس الحلبه على انار هادئه حتى يتغير لونها ثم نضيف لها القهوه ونسكب الزيت عليها ونتركه حتى يغلي طبعا على نار هادئه اول مايغلي الزيت نرفعه على طول من على النار ونتركه يبرد شوي.
- نضيف رماد الخيشه للزيت ونحتفظ به في زجاجه لحين الإستخدام.
- طبعا انا مااشخل الزيت اخلي القهوه والحلبه فيه وقبل كل استخدام ارج الزجاجه واستخدمها.

ملاحظه:
بتكون ريحة الحلبه قويه وباينه لاتهتمون إذا تضايقتوا منها اثناء غسل الشعر بإمكانكم مزج ملعقتين من النسكافيه بكوبين ماء وسكبه على الشعر بعد غسله وتركه لمده دقائق ثم اشطفوه بالماء


الجمعة:الكثيراء + حمام الزيت
(لازم يكون الشعر نظيف قبل استخدام هالخلطه يعني يكون مغسول ويكون ناشف وجاف وانا استخدمها ثاني يوم من ازيت شعري عشان اتخلص من ريحة الحلبه الباقيه بشعري من خلطة الزيت.
المقادير:
كوب ماء
حفنه من الكثيراء
2 ملعقة اكل أي نوع من حمامات الزيت المفضله

الطريقة:
ينقع الكثيرا بكوب ماء لمده مابين 4 - 6 ساعات وبعد ماتتحول قشور الكثيراء إلى خليط شبيه بالجلي يمزج معاه حمام الزيت ويوضع على الشعر ويغطى بقبعة بلاستيكيه لمده ساعتين وبعدها يغسل الشعر بالماء فقط



جربوا هالخلطات وصدقوني راح تستفيدون منهم وبتدعون لي

بديت الاحض للجرجير شعبيه مره وانشهرعندنا بفؤائده للشعر

صراحه حمستوني اضيفه لخلطاتي وحوساتي وياارب يبين شي قبل العيد

تسلمون ياعسل

مشكورين يام يوسف والقنوعه وفتون
بس خلطاتكم معقده وفيها ريحه وايد
وصج الثوم والبصل مفيدين
بس صعب الريحه تروح والبيض بعد
انا شعري يطيح وايد بس بستعمل الجرجير والماي
مع العلم اني قبل طبخت قشر الثوم بزيت الزيتون وضفت عليه عصير الجرجير وقمت احط على شعري كل يوم
بس انا ملوله ابي تطلع النتيجه بسرعه عشان جذي هديته ورحت دكتوره خاص وقطيت 100 دينار تقريبا بدون فايده
واهم شي الالتزام
وترا اصعب شي واكره شي غسل الشعر كل يوم

ياليت تعطوني خلطه زيت سهله ولها نتيجه سريعه
مع العلم اني قريت بمووضع ثاني ان الكثيرا اللي بالعطار تكثر الشعر وقلت بجربها بس الحين حيرتوني اي وحده اجرب ؟

عزيزتي MiSsQ8
كلنا نكره الروائح الكريهه بس في حل لها مثل ماقلتلكم ، تخلطين نسكافيه مع ماي وتحطينه بشعرج وتغسلينه، بعدين الواحد لازم يصبر ويتحمل إللي يبي الدح لايقول أح وإلا شرايج؟


شوفي ياعمري لاتدوخين عمرج وتشتتين روحج بهالخلطات سويلج جدول وخلطات معينه امشي عليها امده شعر او شعرين وشوفي نتيجتها وبعدين احكمي.

نصيحتي لج قصي اطراف شعرج كل بدايه شهر
استعملي الكثيراء مره بالإسبوع خذي شويه بيدج ونقعيهم بكوب ماء لمده 4 - 6 ساعات وبعدين بيتكون لج خليط لزج مثل الجلي فركيه في فروه الراس ولبسي قبعه بلاستيك وخليه على راسج مو اقل من ساعه وكل ماطولتي يكون احسن.


واستعملي خلطة الإخت ام يوسف جرجير وماي

وافركي فروه راسج بالروب تراه جدا مفيد حتى المايونيز

وهذا إللي عندي ترى مافي شي ينحل إلا إذا تعبتي عليه

الله يعطيج العافيه

اختي القنوعه شنو الكثيراء

و بارك الله فيك

أرسلت بداية بواسطة هيو
فتون الحلوه
دايما غاثتك صح
ودي اسئلك انا بيب لالعسل من وين يالغاليه
سلم لمممممممممممممممممممممممممممممممممم

تحت امرج هيو

انابيب العسل انا شاريتها من كاتلوج مثل افون سعرها بـ32ريال

ماقلتي لي انتي من وين يمكن اقدر اساعدج ؟