ممكن تساعدوني ودلوني شو احلى المحلات التي تبيع ارقى الشيل والعبايات في العين وكمان شو احسن محل تصوير للاطفال بخلفيات حلوة وكمان بالعين.....عاد لا تخذلوني مثل بقية المنتديات وشكرااااااااااااااا

السلام عليكم
أختي شمس القمر بالنسبة لمحلات الشيل والعبايات في العين أنا أفضل محل حناين بصاحة يهبل وإياني وإياك تقولين انه ما حلو..ترى المسألة مسألة إبداع وابتكار الزبونة فهمتيني يا أحلى من القمر وأبهى من الشمس.

بالتوفيق يالله يا بنات ساعدوا شمس القمر وجزاكم الله خير

مشكورة يا احلى عقيق بالدنيا لانك عبرتيني ورديتي علي بسرعة بس شو بالنسبة لاحلى محل تصوير يا حلوة.....

كإنك ما صدقتي أشوفك، سوري حبيبتي أنا أصلا مو من العين بس أحطك على عيني من فوق للأسف ما أقدر أساعدك وأي طلبات أخرى ترى إحنا في الخدمة.

هلا ... احلى محل بتلقين فيه عبي و شيل محل اسمه موزان ف شارع خليفه ف العين

جربي استديو الجزيره و او الجميرا عشان التصوير

و ادعولي عندي امتحان باجر

الى منورة الليل مثل القمر و مشعه بالنهار مثل الشمس ..عزيزتي شمس القمر.. فالج طيب مع اني ما لي خبر بالسوق وايد :بالنسبة للعبايا مثل ما قالت الاخوات عندج موزان لكن سعر ترى غالي بالنسبة حناين عندج بعد سويت ليدي في شارع اوه صراحه مادري شوه يسمونه ..سوري بسئل لج و الاختيار الاول في العين مول و الموضوع في الاخير يرجع للذوق و الاختيار ..بالنسبة للتصوير مثل ما قالت اختي شوكولاته استديو الجزيرة و الجميرا مع اني اعتقد ان الجميرا عندهم ابداع بالكمبيوتر يعني بعد ما يخذون عدة صور للطفل يتفننون فيها بالكمبيوتر ويحطون لها خلفيات ..صراحة حلوه ..و الله يكون قدر و قدرنا نفيدج ..

مشكورين يا احلي الحلوين بصراحة ما حد مثلكم والله لا يحرمني منكم بس وين بالضبط استوديو الجميرا اذا ممكن.....وشكرا

اه شوكلات نسيت ادعيلك الله يوفقك ان شاءالله في الامتحان.....