السلام عليكم ...
أنا من الأعضاء الجدد في المنتدى
واتمنى تساعدوني ..هذا الله يسلمكم أختي تبغى تشيل شعر الوجه
بالليزر ..وهي بالمره متخوفه ...
عاد انا قلت مالنا الا حبايبنا في لك
اتمنى انكم ماتقصروون وتبيضون وجهي مع اختي
ياليت تعلموني عن اثاره وتكلفته واللي جربت نبي منها الشرح الممل


بس لا يكون انتم من اللي يناظر








من كاتب الموضوع أذا كان جديد ماتردووووون

رغم أنني لم أجرب، ولكن لي صديقة جربت وتقول النتيجة جيدة، ولكن لتحقيق النتيجة الممتازة يجب أن تقوم بعدة جلسات. فالليزر متعب للوجه ليقوموا بكل العمل مرة واحدة، فيقسمون الوجه على عدة جلسات، وإن ظهرت الشعرة مرة اخرى أعادوا التجربة.
وتقول أن في هذه الفترة بشرتها أكثر ما تكون حساسة، فلا تستطيع أن تقترب من أي كريم.

هااااي00 عندي سؤال0
هل ممكن الوحده تستخدم الميك اب وهي تو مسويه جلسة ليزر؟
والسؤال الثاني:احد عنده فكرة عن اجمالي تكاليف ازاله شعر الوجه بالليزر ؟

وميرسي

باتشي : التكاليف تختلف من دكتور الى اخر ..انا سمعت 600 درهم وفيه 500 درهم ..للجلسة الوحده ...وكل امراه تختلف عن اخرى حسب سماكة شعرتها فيه تاخذ ثلاث جلسات وفيه 2 حسب ..لكن من بعد الجلسة الاولى يبدا الشعر يخف والثانى اقل والثالث اقل بكثير ..

أيمان ..
باتشي ..
أم غانم...
مشكووورات على سرعة ردودكم
واتمنى نشوف ردود ثانيه...من باقي الاخوات

والله ما انصحكم بالمره
لان مافى امان هالزمان
والكاميرات فى كل مكان

انا استخدمت اليزر وكان وجهي قبل اليزر صافي ولكن الشعر كانة المشكله الوحيده ومن بعد ماعملت اليزر مطلع لي الشعر الا بعد شهرين لاكن مع الشعر حبوب والاثر باقي حتى الان وانا عملت ليزر مرتين والشعر هوهو مااتغير لا قل ولا كثر ...انصحج ابتعدي عن اليزر لانه قوي على البشره ومتعب ومكلف فلجلسه الواحده كلفتني 1500 درهم وللعلم انا شعر وجهي طفبف وليس بكثير ..

السلام عليكم ......حبيبتي انا جربت وشلت الشعر الموجود في منطقة الشارب عن طريق الليزرفي أحد المراكز الموجودة في الرياض وتابعت لمدة سنتين والجلسة الواحدة ب250 ريال كلما طلع الشعر أروح لعمل
جلسةجديد ...والحقيقة أني وقفت عن المداومة لأني مللللللللللللللللللللللليت والشعر عندي خف شوية لكن لم يزال تماما......ويا خسارة الفلوس......................سلامات

عزيزتي ام ذكريات اختى جربت الليزر في منطقه الذقن بس بدون فايده والجلسه الاولى كانت ب 1500 ريال وصديقتى جربت وتقول ان الليزر خفف لها الشعر يعني هي كان يطلعلها شعر خشن واسود بس بعد الليزر صار ناعم شوي ..عالفكره ترا الليزر ما يمنع ظهور الشعر بس يخفف منه وهالكلام سمعته من اكثر من وحده مجربه

خلص سمعتي المفيد.
والله ما في أحلى من الطبيعي. الخيط، السكر، الشمع.... أحسن الحلول