الى رغد حياتي وامولتي

**بنت بلدها** · 21-10-2002, 08:00 PM

ممكن أسئل شنو السالفه ...................(( وحده ميانه ))

أقول وينكم بنات ردو عليها يمكن أفهم شيء

تسلممممممممممممممممممون

**رغدحياتي** · 21-10-2002, 10:32 PM

هلا والله وغلا اخت كويتية

اشلونكي والله يخليكي يالطيبة تراني ماني بزعلانة بس امزح معكي

هههههههههههههههههههههه وبالنسبة للسوأل عن الشبة الي من ماركة اجمل وانها ماتجيب حساسية ابقكي اتسولفلي كثير عنها...........واينكي يابنت بلدها والله انكي رهيبة

ملقوفة

بس والله تدرين ليقه عليك اللقافة

**دارينو الحلوة** · 21-10-2002, 11:21 PM

انا بعد ابي اعرف السالفه
خخخخخخخخخخخخخ
القف منها طلعت
امانه قولوليلي شنو الموضوع يمكن اعرف عنه شي وافيدكم
>>>>>>> غصب تتلزق
طيب لاتدفين خلاص هونت ماابي اعرف
بايو حبيباتي

**kwaiteyah** · 22-10-2002, 10:35 AM

عزيزتي رغد حياتي انا قلت كل شي عن الشبَه مالت (أجمل) بعد ما عندي شي اضيفه
ااذا انتي عندج سؤال اتفضلي لاتستحين .............بااااااااااااااي

**امولتي** · 22-10-2002, 11:12 AM

اختي العزيزة كويتية ::::::

بالنسبة للظفور عندنا في عمان نسميه ظفران
هذا الظفران الله يسلمك عبارة عن محار مغسوووووووول جيدا نحن نغسله في الغسالة لأنها اريح بس زمان امهاتنا وجداتنا كانوا يغسلونه بإيديهم (((( مساكين ))))
وبعد الغسيل الجيد بصابون تايد او اريال
كخخخخخخخخخخخخخ حشه ما بخور عاد
المهم جد والله اتكلم الحين

نغسل الظفران في الغسالة جيدا علشان ريحة الملوحة والبحر
وننشفه في الشمس يوم كامل
وبعدين ناخذه طبعا شوفي هناك نوعين :::
في ناس تاخذه تطحنه ناعم شوي وتضيف عليه العود الصندل المطحون وايضا مجموعة من العطور التي تفضلينها منها ورد على عنبر على مسك

**امولتي** · 22-10-2002, 11:18 AM

آسفة

بكمل الحين ::
تضيفي الورد والمسك والصندل المخصص للبخور على الظفران المطحون واي عطر ثاني تريديه لكن هنا عاد يعتمد على حسك في اختيار العطر المناسب علشان الرييحة تطلع حلوة لكن كثري من الورد لانه تطلع ريحته حلوة كثير

اما النوع الثاني الله يسلمك :::
واللي انا احب اسويه دايما اني اخذ الظفران واغسله زين وبعد التنشيف اضيف عليه عطر الورد واي عطر انا احبه فقط استخدم نوعيم من العطور وليس اكثر خشية ان تختلف ريحته
واخليه فترة في علبة محكمة الإغلاق لمدة اسبوعين مع رج العلبة يوميا
وبعدين استعمله

وبكرة انا بسوي لي واحد علشان العرس لكن هاذي المرة اختار عطر ورد وعطر الف ليلة وليلة لاني سبق وجربته وعجبني كثير

في الكويت ما ادري اذا العطارين يبيعون الظفران
لانه عادة يجيبون من شرق آسيا او الهند واحسن الأنواع التايلندي

اتمنى اني اكون كفيت ووفيت

**kwaiteyah** · 22-10-2002, 09:42 PM

كفيتي ووفيتي يالعزيزة الغالية ......مشكووورة وايد

الى رغد حياتي وامولتي

الى رغد حياتي وامولتي

تعليق

تعليق

تعليق

تعليق

تعليق

تعليق

تعليق